JOSHUA 1:6 - AMÜSA BAIBEL (BSI)

⁶ Re zehng ko müci zieng, tunüo Ihnü arüh jümürü te nyengchocho lih la arüh züdude, nüh arüh langnürü thsanung.

JOSHUA 1:6 Iomraidhean Croise

LIPOH 12:7

Ko Abüdongba-nü Abram te chüro yocho, “Ihnü nü majüh khyang jünung liba limih tsü hi lile.” Hütsüta Abram-nü abi te chüro nguba Abüdongba khyang hütsüla bholu khüdu külüpcho.

LIPOH 26:3

Hila lieng ko Ih nüte linung ko nüh müwajünung. Ihnü hiba lih hi apüm nüh ko nü trah khyang jünung. Ihnü nüu Abraham te nyengchotacho hi yohpünung.

2 SAMUEL 10:12

Müci mülahng ko re zehng! Ihsanü Ihsa nyitsarü ko Tsingrangba yangditi nengdang müküp chitanung. Ko Abüdongba müci thsasohng.”

1 YANGTHSARÜTI 2:2

“Ih sünung becho chihko.

1 ROHTHÜP 22:13

Israel khyang Mosa khu jüba Yuzeng tsü apüm bichikhang, nühnü akoh ngunung. Müci mülahng ko rezehng ko tunüsü nü müci tüsümsoh.

1 ROHTHÜP 28:10

Abi Amüsa Amübükuh thsanung Abüdongba-nü nüh throchehkopü nühnü lümkehng. Hütsüeko ade müci mülahpü hütsü dikeh nguching.”

1 ROHTHÜP 28:20

Yangthsaba David-nü atsurü Solomon te yocho, “Müci mülahng ko rezehng. Nguchi tsü dikehng ko hütsü tunüsü tüyatisoh. Ihnü dikehba Abüdongba Tsingrang, nüte linung. Abinü nüh müpehjünung, ta Abi Amübükuh nguchi müthümde Abi nüte linung.

2 ROHTHÜP 15:7

Ta nührünü müci mülahng ko suzah tüli. Nührünü nguchiba tsü amii ngunung.”

2 ROHTHÜP 20:11

Nühnü ihrü khyang jüba lih lanü ihrü iipeh hütsü rühyangnyüre.

2 ROHTHÜP 20:7

Nüh ihrü Tsingrang, Nü müyurü hiba lih yang rode hila lirü nühnü iipehjüpü Nü shangrü Abraham chahnü trahchocho khyang arühtoh arüh yo thsanung jücho.

NENGSEKHI 27:14

Abüdongba chah longlang. Rezehng ko lasih zieng. Abüdongba chah longlang.

DANIEL 10:19

Abinü yocho, “Tsingrangba-nü nüh müire, hütsüeko tunüsü nü lümtütpanasoh mahkhang tüdrüsoh.” Abinü hi yode, Ih alaa rezeh müdhe Ihnü yocho, “Abüdongba, Nüh ayonung tu liro young. Nühnü Ih atsau kangsohko.”

HAGGAI 2:4

Ta ade nührü süsü suh tüzah, nguching tunüo Ih nührü te zeh lile.

ZEKARIA 8:9

“Rezehng! I amübükuh thsachinung akhengdi dikehde azikehrünü yoba yu abübü tsü chünye nührünü yuchire.

KHIDHINGCHO 26:53

“Alih tsü ahung-ahung khyang arüh shidüm changnah jüng.

KHIDHINGCHO 33:53

Alih tsü mükuhng ko hütsüla lieng, tunüo hütsü Ihnü nührü khyang jüre.

1 KORINTRÜ 16:13

Xengxeng, yudsi la drengdreng yaang, lasih zieng ko rezehng.

EFESIARÜ 6:10

Achangkathsa, Abüdongba la ko abi akohba zii la re zehng.

AZIKA YU 1:8

Ih Abüdongba-nü nührü jümürü Abraham, Isak, Jakob ko arüh chahnü trahchochoti te nyengchoba lih tsü hiri apüm lile. Wüng ko hütsü müku khyüng.’”

AZIKA YU 11:8

“Ihnü chünye jüba yuzeng hiri apüm nührünü bichieng. Khang, nührünü Yongkhi tsü kehchehnung ko nührü wünung liba khyüchehnung.

AZIKA YU 31:23

Hütsüpü Abüdongba-nü Nun tsurü Joshua te chota abi te yocho, “Rezehng ko müci mülahng. Anyengchocho lih la tsü Israelrü nühnü nozüdunung ko Ih nüte linung.”

2 TIMOTI 2:1

Itso, nühlü Khrista Jisu achomang la rezeh lieng.

JOSHUA 1:18

Sünü nü tase nyümnang ko nü yuzeng münyinang, abilü süsohnung. Re zehng ko müci mülahng!”

JOSHUA 1:7

Re zehng, müci mülahng; ko Mosa-nü nü khyang jüba Yuzeng du tsü khahkhah bichieng. Hütsüla lango dusü tülayü ko nüh khüdederü wünang nühnü kohnung.

JOSHUA 1:9

Ihnü nüte re zehnü ko müci zinung yuzengjücho lümkehng. Tüdrü ko suzah tüli, tunüo Ih, Abüdongba nü Tsingrang nüh khüdederü wünye nüte zeh lile.”

JOSHUA 10:25

Hütsüpü Joshua-nü arüh te yocho, “Tüdrü mahkhang müci tüsüm. Rezehng ko longlang, tunüo nührü rorüh apüm te Abüdongba-nü hita nguchinung.”

JOSHUA 13:6

Hila Lebanon Zong ko Misrefot Maim kahla liba akhang nyitsarü Sidon-rü lih apüm zehle. Israelrü ro chihde Ihnü hiri nyitsarü apüm iipehnung. Ihnü nüte yocho kyo, nühnü alih tsü Israelrü khyang changjüng.

JOSHUA 18:3

Hütsünü Joshua-nü Israelrü te yocho, “Abüdongba, nührü jümürü Tsingrang-nü nührü khyang jüba alih tsü züdu khyünung khütoi nyahli yingnung.

JOSHUA 21:43

Hütsüta Abüdongba-nü Israelrü khyang abinü arüh jümürü te yuchüm nyengchocho kyo alih apüm jücho. Khode arühnü hütsü mükuhchehcho, arüh hütsüla lipehcho.

1 SAMUEL 4:9

Kuhrahng! Filistinrü! Adhrerü kyo khataang mahkhang arüh yurü kangnung. Hütsüeko adhrerü kyo khataang!”