JOSHUA 1:5 - AMÜSA BAIBEL (BSI)

⁵ Joshua, nüh akang litashi sünüsü nüh mükohnung. Mosa te licho kyo Ih nüte linung. Ih lede nüte linung; Ihnü khodesü nüh müpehjünung.

JOSHUA 1:5 Iomraidhean Croise

LIPOH 39:2

Abüdongba Josef te zehcho ko abi khyang kohsohcho. Abi Ijiprü abüdongba kuh la licho

1 YANGTHSARÜTI 1:37

Abüdongba-nü nüh adibong te zehcho kyo Solomon tesü lisohng ko nütenü abi yangthsathsaba alaa adiu kangsohng.”

1 YANGTHSARÜTI 11:38

Nühnü Iyu nyikhang, I yuzeng bichikhang ko I dikehrü David-nü kyo Ihnü mülacho apüm bichi likhang, Ih lede nüte linung. Ihnü nüh Israel yangthsaba kangsohnung ko Ihnü David te nguchicho kyo, nü khangtesü nü trah lanü yangthsarü chürosohnung.

1 YANGTHSARÜTI 6:13

Nühnü ade thsayaba Amübükuh hila Ihnü I müyurü yola linung ko Ihnü khodesü arüh müpehjünung.”

1 YANGTHSARÜTI 8:57

Abüdongba Ihsa Tsingrang, Ihsa jümürü te licho kyo Ihsa tesü lisohng; Abinü khodesü Ihsa tüpehjü mahkhang tüthrüchahchübeh;

1 ROHTHÜP 28:20

Yangthsaba David-nü atsurü Solomon te yocho, “Müci mülahng ko rezehng. Nguchi tsü dikehng ko hütsü tunüsü tüyatisoh. Ihnü dikehba Abüdongba Tsingrang, nüte linung. Abinü nüh müpehjünung, ta Abi Amübükuh nguchi müthümde Abi nüte linung.

NENGSEKHI 46:11

Akohba Abüdongba Ihsa te lile; Jakob Tsingrang tsü Ihsa tsikehsing.

NÜCHEHCHO 3:12

Tsingrangba-nü lalingcho, “Ih nüte zeh linung ko khode nühnü Ijip lanü nyitsarüti nüchehnung ronang, hiba zong chah nührünü Ih mübünung. Ko Ihnü nüh müthehcho yuzi hütsü thsanung.”

ISAYA 42:16

“Ihnü I müyurü natohrü nünung, arühnü mütsehdhingba langla. Ihnü arüh amarürah visa kangsohnung, ko arüh bete aküprah lih tsü müjang kangsohnung. Hiri I anyengchotabati, ko Ihnü hütsüri yohpünung.

JEREMIA 1:8

Arüh tüdrü, tunüo nüh tsungtinung Ih nüte zeh linung. Ih, Abüdongba-nü choko!”

DANIEL 11:16

Hütsüta Syria-rü rothsarünü athsanyücho thsa arüh chah nguchinung. Abinü Anyengchocho Lih la tsü yanung ko hütsü abi tase pohki linung.

MATHI 28:20

Ko Ihnü nührü te tuturü mülacho apüm bichinung arüh te young, ko limih müchangde Ih nührü yola lede zeh linung.”

ROMRÜ 8:31

Hiri atümung ngude, Ihsanü tu yonung? Ihsa te Tsingrangba likhang, Ihsa nyümnung sü liro?

ROMRÜ 8:37

Mah, hiri apüm lanü sünü Ihsa müicho, abi khu Ihsa akohrü tenü awüba.

AZIKA YU 20:1

“Nührünü khatanung wüde, nührü rorüh nyübong akhüluba, kuri ko rothsarü nührü tenü adrongu ngude, arüh tüdrü. Ijip lanü nührü nüchehba Abüdongba Tsingrang nührü te linung.

AZIKA YU 20:4

Abüdongba nührü Tsingrang, nührü yola würe ko abinü nührü khyang akoh jünung.’

AZIKA YU 31:23

Hütsüpü Abüdongba-nü Nun tsurü Joshua te chota abi te yocho, “Rezehng ko müci mülahng. Anyengchocho lih la tsü Israelrü nühnü nozüdunung ko Ih nüte linung.”

AZIKA YU 4:31

Abi yanglilüm Tsingrang. Abinü nüh müpehjünung mahkhang müchangjünung ko apunü nührü jümürü te külüpba azengtaba tsü münbüchünung.

AZIKA YU 7:24

Abinü arüh yangthsarüti nührü kheh la jünung. Nührünü arüh kyüsehnung ko arüh nbüchüpehnung. Sünüsü nührü müyatichehnung; nührünü atümung changjünung.

2 TIMOTI 4:17

Ta yangpirü atümungnü yuchinung yusi ajeng tsü sobhonung nengdang Abüdongba-nü tro I khyang re jücho; ko Ih asünung lanü khümchocho.

IBRIRÜ 13:5

Thsi müiba lanü nührü za lieng, ko nü licho la longkyang. Tunüo Tsingrangba-nü yore, “Ihnü khodesü nüh müpehjünung; Ihnü khodesü nüh müthrüchahchüpehnung.”

JOSHUA 1:17

Ihrünü Mosa te nyicho kyo nütesü nyinung ko Mosa te licho kyo Abüdongba nü Tsingrang nüte lieng!

JOSHUA 1:9

Ihnü nüte re zehnü ko müci zinung yuzengjücho lümkehng. Tüdrü ko suzah tüli, tunüo Ih, Abüdongba nü Tsingrang nüh khüdederü wünye nüte zeh lile.”

JOSHUA 10:8

Abüdongba-nü Joshua te yocho, “Arüh tüdrü. Ihnü nü khyang akoh tsü jopehko. Arüh sünüsü nü bete müyachehnung.”

JOSHUA 21:44

Abüdongba-nü arüh jümürü te nyengchocho kyo arüh lih la tsü yangtsa lisohcho. Arüh rorüh sünüsü arüh nyüm müyachehcho, tunüo abinü Israelrü khyang arorüh apüm michah akoh jücho.

JOSHUA 3:7

Abüdongba-nü Joshua te yocho, “Ihnü chünye tu nguchiro hi khu Israelrünü nüh arangcheh kyo dhichi bichinung dikehnung ko Mosa kyo Ih nüte lilepü müdhenung.

JOSHUA 6:27

Hütsüta Joshua te Abüdongba licho ko abi anengkhong tsü limih apümlang müdhecho.

YUKHARÜTI 2:18

Khodederü Israelrü khyang Abüdongba-nü langnürü khüdu jonang, abinü abi drü abi akang lidelü arorüh khehlanü müyurü khümcho licho. Abüdongba-nü dee yanglilüm ngusohcho, tunüo arühnü chongcha ko sehchiba surola rühchicho.

YUKHARÜTI 6:16

Abüdongba-nü yocho, “Nühnü hütsü kohnung tunüo Ihnü nüh rükunung. Nühnü Midian-rü tsü nyüh khüdu roh-i du mülakhüti changjünung.”

1 SAMUEL 10:7

Khode hütsüta tikehnang, Tsingrangba-nü khüta mülanang hütsü nühnü nguching.