JOHAN 9:39 - AMÜSA BAIBEL (BSI)

³⁹ Jisu-nü yocho, “Nahtohrünü ngunung ko sürünü nguro arüh nah tohnungthsa yukhanung Ih hiba limih yang rocho.”

JOHAN 9:39 Iomraidhean Croise

ISAYA 29:10

Abüdongba-nü nührü nyichisohre, yüpsehsohnung külüpre. Azikehrü tsü müyurü nahtse thsanungbae, ta Tsingrangba-nü arüh nahtohsohko.

ISAYA 44:18

Hütsütari nyitsarü tsü arühnü nguchicho mümüdheba tsü adohrü. Yujeba nengdang arüh nah ko lümlong khangtiko.

ISAYA 6:9

Hütsünü Abinü Ite wü müyurü te yusi hi yonung yocho: “Nührünü nyi du nyinye münyichehnung. Ko nührünü dhing du dhingnye müdhingchehnung.”

EZEKIEL 12:2

“Nyitsarü tsurü,” “Nüh anyümrü nyitsarü yola lire. Arüh nahtse kehle, ta arühnü tusü müngure; nangku kehle, ta tu müyuchire, tunüo arüh anyümrü lile.

MATHI 11:5

Nahtohrünü ngunung kohre, jingjahrünü tsehchehre, mübhira kehrü müsachehjüre, nangtbengrünü yuchire, asürü kanglisohre, ko yusi atsa tsü ailümrü te thsingyure.

MATHI 15:14

“Arüh nengdang tülümxü! Arüh anatohrü langnürüti; ko khode anatohrünü anatohrü lang nonang, anyüding yongroh la thungyohnung.”

MATHI 6:23

ta nü nahtse mütsakhang, nü fü tsü marürah linung. Hütsüeko nü chah liba atsingse tsü marürahkhang, amarürah tsü khütoh-i adrünung thsanung!

YUSE ATSA LUK 1:79

ko ninglangnü asü nbükhüm amarürah la lirüti atümung chah vijünung, ko atbachilang Ihsa nünung.”

YUSE ATSA LUK 13:30

Hütsüde sürü ade akaro akhunung ko sürü ade akhuro arüh aka kangnung.”

YUSE ATSA LUK 2:34

Simon-nü arüh müwajüpü atpa Mary te yocho, “Israel la khütango thsangnyangjünung ko khümchonung Tsingrangba-nü hiba azarü hi throchehko. Abi tsü Tsingrangba chahnü amüdhethsa khüdu khüi nyitsarü adrongnü nyüm chonung

YUSE ATSA LUK 4:18

“Abüdongba Nbü I chah lile, tunüo ailümrü khyang yusi atsa hironung abinü Ih müyühjü throchehcho. Arangyoh la lirü te nyüje seyohjünung ko nahtohrü trahsohnung; ko ayurü lehcheh müthehsohnung,

YUSE ATSA LUK 7:21

Hütsü shikhela tsü Jisu-nü füdhsa, dhsara ko amünyi nbünü rangcho nyitsarü adrong kyangjücho, ko nahtohrü adrong ngusohcho.

JOHAN 12:31

Ade hiba limih yukhanung bekhyah; ade hiba limih yangthsaba iipehnung.

JOHAN 12:46

I chah yudsirü müipi amala mülisohnung nengdang, Ih atsingse roh-i limih yang rocho.

JOHAN 3:17

Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.

JOHAN 3:19

Yukhaba tsü hiroh-i khare: atsingse tsü limih la roko, ta nyitsarünü atsingse tenü ama du müire, tunüo arüh nguchi tsü amütsa.

JOHAN 8:12

Jisu-nü Farisirü te anyüpiusü yocho, “ Ih limih atsingse, sünü I khanglang ronang abi amala mütsehnung ta akang atsingse ngunung.”

JOHAN 8:15

Nührünü shutsa phi yukhare; ta Ihnü sü yusü mükhare.

JOHAN 9:25

Nyitsarübanü lalingcho, “Abi amünyi nyitsarü a mahnang Ihnü mümüdhe. Ihnü lango du müdhele: I nahtohcho, ade Ihnü ngure.”

RIWÜRÜTI NGUCHI 26:18

Arühnü I chah yudsicho khu arüh münyi mülang pehnung ko Tsingrangba athrochehrü yola nohlüm khyürü kangnung nengdang, amarürah lanü atsingse yang ko Satan zii lanü Tsingrangba yanglang arühnü ximülanung nengdang nühnü arüh nahtse khangthrujünung.’

2 KORINTRÜ 2:16

Achang tsirü nengdang hütsü asüba axümlichi, ta khümcho lirü nengdang hütsü akang jüba axümlichi lile. Hiri nguchichehnung sü liro?

EFESIARÜ 5:14

ko hütsü tsidsa müdhere. Hütsünü hita yore: “Jesung, yüpsehrüti, ko asücho lanü kangli rung, ko Khrista-nü nü khyang atsingse jünung.”

2 TESALONIKARÜ 2:10

ko achangnung nyitsarü chah kihyochüba lüpcho bichinung. Arüh changnung, tunüo khümchonung shulüm yuje tsü mümüi ko mükhyücho.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

1 JOHAN 2:11

Ta sünü ajünirü thrünyiro abi amala lile; abi amala rachire, ko abi khüilang würo hütsü mümüdhe, tunüo ama tsünü abi nahtohsohko.