JOHAN 9:34 - AMÜSA BAIBEL (BSI)

³⁴ Arühnü lalingcho, “Nüh amünyi la nümüsucho ko nühnü ihrü thsingyunung mah-o?” Ko arühnü abi Sinagog lanü iipehcho.

JOHAN 9:34 Iomraidhean Croise

LIPOH 19:9

Ta arühnü yocho, “Lang khuchüng, nüh atsichirü! Ihrü te thülanung nüh süo? Langla tüya mahkhang arüh tenü nü chah amütsau bichinung.” Arühnü Lot nyümpehpü kukhang nyümphohnung wücho.

2 ROHTHÜP 25:16

Amazia-nü lalingcho, “Khode tinü ihrünü nüh yangthsaba khyang lümlong jürü kangsohcho? Yuva tüchüro, mahkhang Ihnü nüh süsohnung!” Azikehrü tsünü zahcho ta yocho, “Tsingrangba-nü nüh changjünung dhrongchehcho Ihnü müdhele, tunüo nühnü hiri apüm nguchiko ko Ihnü yocho mükhyü.”

JOB 14:4

Nyitsarü chahnü surocho amümüsa kyo, tulanüsü amüsa chüronung mükoh.

JOB 25:4

Tsingrangba jingte khürü yuje ko amüsa lirü do?

NENGSEKHI 51:5

Dhing, Ih amünyi la hirocho, ko amünyi la I tpanü Ih longla hicho.

NÜCHEHCHO 2:14

Nyitsarüba tsünü yocho, “Sünü nüh ihrü michah yangthsarü ko yukharü kangsohcho? Nühnü Ijip-ba müpsehcho kyo Ih mii müpsehnyürü mah-o?” Hütsükolü Mosa tsü dronü alüm la yorü, “Ihnü nguchibasü bürünü müdheko.”

CHOYOH 22:10

Müthsamünyürü tenü za lieng, ko yubejarong, yübüta ko mükhimünguta mülinung.

CHOYOH 26:12

Mümüdhepü müdhecho roh-i lümrü tenü, amongdongrü tsü khü atsau.

CHOYOH 29:1

Mülichijü müipi hongzikhang, müsurochehnungthsa nyümong khüdu nüh ngahsehnung.

ISAYA 65:5

Hütsüpü bürü telü, ‘Ihrü tenü shehkhung; ihrü chah tüthahbü, tunüo ihrü amüsa lile pü yore.’ Ihnü hütsü mürangchore, hütsüri nyüm I rihlong tsü mümehba michang kyo lile.

ISAYA 66:5

Abüdongba yu nyieng, nührü Abi drürü ko Abi yocho nyirüti: “Nührünü Ite yuje cho lichonü, nührübürü nyitsarü khürünü nührü thrünyicho ko nührü mükhiyohcho. Arühnü nührü münyodhing yocho, ‘Nührü künyangtacho ihrünü ngunungthsa, Abüdongba-nü Abi dicho ngusoh nührü khümchosohng.’ Ta arühbürü ashah khyünung!

YUSE ATSA LUK 11:45

Yuzeng dorü yola nyüh khüdunü abi te yocho, “Athsingyurü, nühnü hita yode, ihrü mii zeh müthsamünyüre!”

YUSE ATSA LUK 14:11

Tunüo sünü palu jangjangthsa diro abi azikyah kangnung, ko sünü palu jangjangthsa azikyah kangro abi dinung.”

YUSE ATSA LUK 18:17

Hi lümchehng! Sünü Tsingrangba yanglih tsü azarü khüdu roh-i mükhyüchonang hütsüla khodesü müzüdunung.”

YUSE ATSA LUK 6:22

“Nyitsarü Tsurü thsacholanü khode nyitsarünü nührü thrünyinang, mükhyüchonang, müchümükehnang ko nührü amünyiepü yonang, nührü akünyangnung!

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

JOHAN 8:41

Nührü aunü tu nguchicho nührünü hütsü nguchire.” Arühnü yocho: “Ihrü Au tsü Tsingrangba apu due, ko ihrü abi tsurü khung.”

JOHAN 9:2

Amonotinü abi te tsingdhingcho, “Adorü, sü münyinü abi nahtohjungpü suronungthsa kangcho? Apu münyinü a mahkhang tpurü münyi nüo?”

JOHAN 9:22

Jihudarü langnürü drüchonü abi tpurünü hütsüta yocho, tunüo sünü Jisu tsü Mesia epü yudsinang Sinagog lanü iipehnung arüh yutrümpü licho.

JOHAN 9:35

Khode Jisu-nü atikehcho tsü yuchicho, abinü nyitsarüba tsü shiro abi te yocho, “Nühnü Nyitsarü Tsurü chah yudsirü mah-o?”

JOHAN 9:40

Farisirü khürü hütsüla abi te yarünü hütsü yuchi abi te tsingdhingcho, “Ihrü mii nahtohrü mah-o?”

1 KORINTRÜ 5:13

Amüsa yunü yore, “Nührü mülung lanü amünyi nyitsarü tsü pehng.”

GALATIARÜ 2:15

Ajüje, ihrü Jihudarü khung, “Amünyirü yangpirü mah.”

EFESIARÜ 2:3

Ihsa atümung arüh kyo Ihsa mürucho la, palu shutsa ko lümlongnü khyünyücho la licho. Aparü apüm roh-i, Ihsa suro tsü Tsingrangba rihlong chüroba ngunung licho.

1 PETER 5:5

Hütsü roh-i, nührü azabarütinü azibarü pohki lieng. Ko nührü atümungnü azikyah kangbanü kihrümpü khüdunü khüdu dikehtang; tunüo amüsa yunü yore, “Tsingrangba-nü amüthsehrü yatire, ta alonglümrü khyang achomang jüre.”

3 JOHAN 1:10

Hütsüeko Ih khode ronang, abinü nguchicho, Ihsa nengdang adrünung chocho, ko abinü arahkheh chocho apüm Ihnü nührü te yonung. Hütsü du mah, ta abinü khristan jünirüti rode mükhyüchore, ko sürünü arüh khyüchonyüro arühsü yatire ko Lithro lanü iipehnung müküpre!

3 JOHAN 1:9

Ihnü Lithro yang vathrah akhikyah thrahko: Ta Diotrefes, sünü arüh anüchiba kangnyüro, abinü Ihnü yocho seh mühnyire.

MISHACHO 13:17

Hiba amüdhethsa kangdi neng mahkhang hütsü neng mülih shikhi mükehkhang, sünüsü lihnung mahkhang inung mükohnung.