JOHAN 8:53 - AMÜSA BAIBEL (BSI)

⁵³ Ihrü au Abraham süko; nüh Abraham tenü adiuepü yorü mah-o? Ko azikehrütisü süko. Nüh tsü süero?”

JOHAN 8:53 Iomraidhean Croise

ISAYA 9:6

Ihsa khyang akhunga khüdu surojü lile! Ihsa khyang dhrezarü khüdu jo lile! Ko abi Ihsa yangthsarü thsanung. Abi te, “Anyemüyangnung, Tbachijürü” “Akohbong Tsingrang,” “Achangka müliba Au” “Yangtsa Yangthsaba” pü dsinung.

MATHI 12:6

Ihnü nührü te yore, hila amübükuh tenü adiu lango lile.

MATHI 3:9

Ko Abraham tsü nührü jümürüepü yochonü nührü akhingchi lanü tsiphunungepü tülüm! Ihnü nührü te yore, Tsingrangba-nü lung hiri khyüpü Abraham tsurüti chürochehsohle!

JOHAN 10:33

Arühnü lalingcho, “Nguchi atsa nengdang Ihrünü nü chah müpnyürü mah, ta Tsingrangba müchümükehcho ngang! Nüh nyitsarü khüdu du, ta nühnü Tsingrangba kangnyüre!”

JOHAN 12:34

Sühdi tsünü lalingcho, “Mesia tsü müchangkapü linungepü ihrü yuzengnü yore. Khang nühnü khütapü Nyitsarü Tsurü tsü dhikehnung pü yoro? Hiba Nyitsarü Tsurü tsü süo?”

JOHAN 19:7

Sühdi tsünü lalingcho, “Ihrü yuzeng khüdu lile ko hütsünü abi sübae, tunüo apunü abi Tsingrangba Tsurüepü yore.”

JOHAN 4:12

Hiba kihkong hi ihrü jümürü Jakob-nü ihrü khyang jücho; abi ko abi tsurüti ko abi thsitsurüti atümungnü yongcho. Nüh Jakob tenü adiu mah-o?”

JOHAN 5:18

Abinü Sabath nyümong thsangnyangcho du mah, ta Tsingrangba tsü Au khungepü dsiba tsünü apu jangjang Tsingrangba kangrepü khüsha Jihudarünü abi müpsehnung dhrongcho.

JOHAN 8:58

Jisu-nü arüh te lalingcho, “Ihnü nührü te yutsatsa yore: Abraham müsuroedenü Ih licho.”

ROMRÜ 9:5

arüh tsü anengkhong Ibrirü jümürüti chahnü trahchocho; ko shutsa lahpinü Khrista tsü arüh hung lanü lile. Tsingrangba sünü atümunglang yangthsaro, abi müchangkapü seing! Amen.