JOHAN 8:44 - AMÜSA BAIBEL (BSI)

⁴⁴ Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

JOHAN 8:44 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

1 YANGTHSARÜTI 22:22

Abüdongba-nü tsingdhingcho, Khüta? Anbü tsünü lalingcho, Ihnü wünung ko Ahab azikehrüti apüm khyang arahkheh choyohsohnung. Abüdongba-nü yocho, Wüng ko abi kihyochüng. Nühnü kohnung.”

1 ROHTHÜP 21:1

Satan-nü Israel michah chongcha hirojünyücho, hütsünü abinü David khyang mono khinung dhrongchehsohcho.

JOB 1:11

Ta ade abi licho lüpcho Nühnü hitsijürelang, abinü Nüpu betenü chokehcholanung.”

MATHI 12:34

Nührü mürü zati, nührü mütsa yohpüpü khüta atsa choro? Tunüo lasih la tu liro hütsü du benü chore.

MATHI 13:15

tunüo arüh lüm shütiko, ko arüh nangkhi cheh kangko, ko arüh nah khangtiko. Hütsüta müthsalang, arüh nahtsenü ngunung, arüh nangkhinü yuchinung, arüh thohnü nyichehnung, Ko arühnü I yanglang ximülanung, ko Ihnü arüh kyangjünungepü Tsingrangba-nü yore.

MATHI 13:38

luh tsü limih; majüh atsa tsü ninglang Yanglih tsurüti; ko Sepungza tsü amünyi tsurüti;

JOHAN 6:70

Jisu-nü lalingcho, “Ihnü nührü dhüreanyüh müthrochehcho do? Ta nührü yola nyüh khüdu motsing lile.”

JOHAN 7:17

Sünü Tsingrangba lümcho nguchiro abinü Ihnü doba hi Tsingrangba chahnü a mahkhang Ipu lümyunü chorünang müdhenung.

JOHAN 8:38

I U-nü Ite tu ngusohcho hütsü nengdang Ihnü chore, ta nührünü nührü tpurünü tu yocho hütsü nguchire.”

JOHAN 8:41

Nührü aunü tu nguchicho nührünü hütsü nguchire.” Arühnü yocho: “Ihrü Au tsü Tsingrangba apu due, ko ihrü abi tsurü khung.”

JOHAN 8:55

Nührünü abi khodesü mümüdhe, ta Ihnü abi müdhele. Ihnü abi mümüdhepü yokhang, nührü kyo Ih arahkhehrü. Ta Ihnü abi müdhele, ko Ihnü abi yocho nyire.

RIWÜRÜTI NGUCHI 13:10

“Nüh motsing tsurü! Atsa apüm rorüh tsü nüh. Nüh amünyi rah lüpchonü jeng lile, ko nüh lede Abüdongba yuje tsü arahkheh kangsohnung müküpre.

RIWÜRÜTI NGUCHI 24:9

Ko Jihudarü zeh hiri tsü yuje-epü mülangjücho.

RIWÜRÜTI NGUCHI 5:3

Peter-nü abi te yocho, “Ananias, amüthsüh achangsho rang yohponü Anbü Amüsa bete arahkheh chonungthsa tuepü Satan khyang nüh kihyochüsohcho?

2 KORINTRÜ 11:3

Ta mürünü arah khu Eve kihyochücho kyo, Khrista müiba nührü lasih tsü nümüla tsinung lümxüjüre.

1 PETER 5:8

Xengxengnü lieng! Kukeng! Khong liba kihkhünying kyo, nührü münyehrü motsingnü khürü münyünung yangchile.

2 PETER 2:4

Amünyi shitpahba ninglang riwürüti tsü Tsingrangba-nü müditpang, ta yukhaba Nyümong yingnü arüh rahpü amarürah mümehmi la dhiyohchücho.

1 JOHAN 1:8

Ihsanü Ihsa münyi mühlepü yokhang, Ihsabürü jangjang thsüyohchüre ko yuje tsü Ihsa chah mühle.

1 JOHAN 2:21

Hütsünü Ihnü nührü te thrahba tsü nührünü yuje tsü mütsüpchonü mah, ta nührünü hütsü müdhechonü; ko adesü yuje lanü tu arahkheh müchürorepü nührünü müdhele.

1 JOHAN 2:4

Khürünü abi müdhelepü yokhang, ta abi yuzeng mübichikhang, hitari nyitsarü tsü arahkhehrü ko abi chah yuje tsü mühle.

1 JOHAN 3:12

Ihsa Kain mükyobae; abi motsing chahnü licho ko anikhung Abel müpsehcho. Tuepü Kain-nü abi müpsehcho? Tunüo abinü nguchiba tsü amüthsalang licho; ko aninü nguchiba tsü athsalang licho.

1 JOHAN 3:15

Sünü ajünirü thrünyiro abi amüpsehrü lile, ko amüpsehrü khüdu chah tsü müchangkaba akang tsü mühlepü nührünü müdhele.

JUDA 1:6

Ninglang riwürüti sürünü palu azengzah tase pohki mülipü arüh liji pehjücho; arüh tsü apohki amarürah la achangka müliba ixilihnü rah lile, hütsüba nyümong amülah khüila arüh mülangjünung hütsüba nengdang Tsingrangba-nü arüh yohpülepü lümchehng.

MISHACHO 12:9

Liküp thsüyohchüba ahi mürü, motsing mahkhang Satan dsiba dragon arangcheh tsü iichahchücho. Abi ko abi riwürüti atümung limih lang iichahchücho.

MISHACHO 13:14

Ko akhudiba kangdi bete nguchinung mülaba thsayahiya khunü limih chah lirü atümung thsüyohchücho. Kangdi tsünü arüh te nohshengnü dhsakehjüpü liba kangdi nengla kyothri khüdu thrinung yocho.

MISHACHO 2:10

Dhsükehnung liba chongcha nengdang tu tüdrü, Dhing! Nührü thsadsünung nengdang motsingnü khürü arangyoh la rangyohnung ko nührü chongcha tsü nyümong dhüre nengdang linung. Asü chii rangchoung, ko Ihnü nührü khyang akang kuthri jünung.

MISHACHO 21:8

Ta adrürü, kihyochürü, amünyirü, amüpsehrü, mabomashirü, azi amongrü, kyothri mübürü ko arahkhehrü atümung khyang anyüuba asüba, michang ko miphoh truyaba shukuh jünung.”

MISHACHO 22:15

Ta yangthsihlang tsülü amünyirü, azi-amongrü, mabomashirü ko amüpsehrü, kyothri mübürü ko yu la ko nguchila arahkhehrüti du lile.

MISHACHO 9:11

Ajongnah müliba shukuh riwürü tsü arüh michah yangthsaba thsacho. Abi neng Ibri yula Abaddon, ko Greek yula Apolleon licho (adüzü “Achangjürü”)