JOHAN 8:32 - AMÜSA BAIBEL (BSI)

³² nührünü yuje tsü müdhenung, ko Yuje tsünü nührü nyüje kangsohnung.”

JOHAN 8:32 Iomraidhean Croise

NENGSEKHI 119:45

Ih nyüjela linung, tunüo Nü adoba nyinung Ihnü müküpre.

NENGSEKHI 25:5

Nü yuje langla linung Ite doung; tunüo Ih khümchobong Nüh I Tsingrang. Ihnü lede Nü chah longlangre.

CHOYOH 1:23

Ihnü yübücho nyieng; Ihnü nührü te I lümlong ngusohnung ko Iyu müdhesohnung.

CHOYOH 1:29

Tunüo nührünü lümlong thrünyicho ko Abüdongba drüba müthrocheh,

CHOYOH 4:18

Amüsarü lang tsü anyangnyü nyü chürode alaa atsingseu kangcho kyo lile.

ISAYA 2:3

ko nyitsarü adrongnü hita yonung, “Ihsanü Abüdongba Khang chah tsü küdunung, Israel Tsingrang amübükuhlang. Abinü tu nguchisohnyüro hütsü Ihsa te donung; abinü throchehcholang Ihsa tsehnung. Tunüo Abüdongba adoba Jerusalem lanü rore; Zion lanü abinü müyurü te chotare.”

ISAYA 30:21

Nührü lang thrümeh tside, Abi yuvanü nührü khanglangnü yo yuchinung, “Lang hilang lile, hi iiwüng.”

ISAYA 35:8

Hütsüla tungte lang khüdu, “Amüsaba Lang” linung. Münyirü süsü hütsüba langla mütsehnung; hütsüla tsehrü amüsithsarü sünüsü münümülanung.

ISAYA 54:13

“Ipunü nü nyitsarü te donung, ko arüh khyang yangtsa ko amüwa jünung.

ISAYA 61:1

AbüdongbaTsingrang nbü I chah lile, tunüo ailümrü yang yusi atsa thsingyunung. Lasih dhsa lirü kyangjünung, Kümyoh lirü müthehnung, Ko arangyoh la lirü nengdang nyüje sobhonung Abinü Ih müyühjü throchehcho.

JEREMIA 6:16

Abüdongba-nü amüyurü te yocho, “Langtpah la tsü yaang ko dhing. Jümü langrüh atsauba tsü khüde lirünang tsingdhing. Hütsüla tsehng, ko nüh yangtsa la linung.” Ta arühnü yocho, “Imoh, ihrünü mütsehnung!”

HOSEA 6:3

Ihsanü Abüdongba müdhenung müküpnung. Tsingsenung tsüpcho kyo, ko machimashü tsingnü alih dhsangjücho kyo, Abi Ihsa yang ronung.”

LEVIRÜ 25:41

Hütsütade abi ko abi tsurütinü nüh pehjüpü arüh kukhi ko arüh jümürü kuthsi yang wüsohng.

MALAKI 4:2

Ta nührü I yocho nyirü, nyü kyo Ih akhümcho zii nührü chah chüronung ko nyüjing roh-i akyangba hirojünung. Misü kuh lanü aza lehcheh müthehcho roh-i nührü thsatsa tsanung ko künyangnung.

MATHI 11:29

Nührünü I hongzih khyüng ko hütsü dhieng, ko I chahnü nyichoung, tunüo Ih alonglüm ko künale; ko nührünü akyahshang ngunung.

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:17

Tsingrangba-nü Yuzeng tsü Mosa khu jücho, ta achomang ko yuje tsü Jisu Khrista khunü rocho.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 16:13

Ta khode Tsingrangba yuje mishajübong Anbü tsü ronang, abinü nührü yuje apümlang nünung. Abinü alümyunü tu müchonung, ta abinü tu yuchicho, hütsü nengdang chonung ko aronung tu liro hütsüri nengdang nührü te yonung.

JOHAN 17:17

Yuje tsünü arüh müsachehjüng; nü yu yuje lile.

JOHAN 6:45

Azikehrütinü thrahcho, ‘Atümung te Tsingrangba-nü thsingyunung.’ Sünü Au te nyiro ko abi chahnü nyichoro abinü Ih yang rore.

JOHAN 7:17

Sünü Tsingrangba lümcho nguchiro abinü Ihnü doba hi Tsingrangba chahnü a mahkhang Ipu lümyunü chorünang müdhenung.

JOHAN 8:36

Atsudhre tsünü nührü nyüje kangsohkhang, nührü nyüjekhung linung.

ROMRÜ 6:22

Ta ade nührü amünyi lanü lehcheh Tsingrangba yurü lile. Nührü ajingcho tsü abi nengdang khakhuchüjüba ko hütsü amii tsü müchangkaba akang tsü lile.

ROMRÜ 8:15

Tunüo Tsingrangba-nü jüba Anbünü nührü ayurü mükangsoh ko müdrüsohre; ta anbü tsünü nührü Tsingrangba tsurüti kangsohre ko Anbü zii tsünü Ihsanü Tsingrangba te, “Abba! Uwa, pü dsire.”

ROMRÜ 8:2

Tunüo Anbü yuzeng khüinü Khrista Jisu la Ihsa khyang akang jücho, hütsünü Ih amünyi ko asüba yuzeng lanü nyüje kangsohcho.

1 KORINTRÜ 7:22

Tunüo ayurü sü Abüdongba-nü dsicho abi tsü Abüdongba nyüje nyitsarü lile; hütsü kyo nyüje nyitsarü sü Khrista-nü dsicho abi Khrista yurü.

GALATIARÜ 5:1

Nyüjeba nengdang Khrista-nü Ihsa nyüje kangsohcho! Hütsüeko nyüje nyitsarü roh-i drengdreng lieng, ko anyüpiu nührü jangjang ayurü tükang.

GALATIARÜ 5:13

Jünirüti, nührülü nyüjeba nengdang dsicho. Hütsünü hiba nyüje tsü nührü shutsa müruba nengdang tübichi, ta amüinü khüdunü khüdu dikehtang.

2 TIMOTI 3:7

ko sürünü lede nyichonyüro, ta khodesü yuje tsü mümüdhero, hitari sumüzehba khingkurüti nyihsehre.

JAKOB 1:25

Ta sünü nyitsarü nyüje yujeba yuzeng la dhingro, ko yuchipü münbüchüpü nguchi kang nguchiro, abi nguchicho la Tsingrangba-nü abi müwajünung.

JAKOB 2:12

Ihsa nyüje kangsohba yuzeng tsünü yukhanungba nyitsarü kyo choung ko nguching.

1 PETER 2:16

Nührü nyüje nyitsarü roh-i lieng; tanye amünyi khürü hüptinung nengdang nührü nyüje tübichi, ta Tsingrangba yurü kyo lieng.

2 JOHAN 1:1

Aziba chahnü— Amüiba sangpi ko atsurüti, Ihnü dee müthsümbarü yang. Ko I mülengnü mah, ta sürünü yuje müdhero arüh atümungnü nüh müire,