JOHAN 8:31 - AMÜSA BAIBEL (BSI)

³¹ Achotsü Jisu-nü abi chah yudsirü te yocho, “Nührünü I adoba nyikhang, nührü ajüje I monoe;

JOHAN 8:31 Iomraidhean Croise

MATHI 24:13

Ta sünü achangchi rangchonang abi khümchonung.

JOHAN 1:47

Khode Jisu-nü Nathanael abi yangro ngucho, abinü abi nengdang yocho, “Hila Israelrü khung khüdu lile; abi chah tu mülang mühle!”

JOHAN 2:2

ko Jisu ko amonotisü thsütila tsü dsiyohcho.

JOHAN 6:55

Tunüo I shuh yuje atsuba; ko I shüh yuje ayongba.

JOHAN 8:36

Atsudhre tsünü nührü nyüje kangsohkhang, nührü nyüjekhung linung.

RIWÜRÜTI NGUCHI 13:43

Ashibülung tsü shishoko khanglang, Jihudarü ko Jihuda yangthsa khyüchorü yangpirüti adrong Paul e Barnabas nyüh khanglang iiwücho. Riwürütinü arüh te Tsingrangba achomang la mütozah linung müküpm pü thsüchicho.

RIWÜRÜTI NGUCHI 14:22

Arühnü yudsirüti rezehsohcho ko yudsila drengdreng linung thsüchicho. Arühnü docho, “Tsingrangba yanglih la züdunung nengdang chongcha adrong khunungbae.”

RIWÜRÜTI NGUCHI 26:22

Ta chünye yingcheh Tsingrangba-nü Ih tro role, hütsünü nührü azikyah ko amülah atümung bete hila Ihnü I yuzi jüre. Ihnü choba hi du azikehrüti ko Mosa-nü atikehnung yocho, hütsü nengdang du lile:

ROMRÜ 11:22

Hila Tsingrangba tsü khüta amüi, ta khüta adrünung Ihsanü ngure. Akhülurü nengdang abi adrünung, ta nührünü abi amüila mütozah likhang, nührü nengdang abi aküna. Ta hütsüta müthsakhang, nührüsü kyopehnung.

ROMRÜ 2:7

Khürünü mütozah atsa nguchinü ahechi, adhichi ko müsüba akang yangchire; arüh khyang Tsingrangba-nü müchangkaba akang jünung.

KOLOSIRÜ 1:23

Ajüje, nührünü yudsi la drengdreng ko mümühachipü mütozah lieng, ko nührünü yuse atsa khunü nguba alongdi la tsünü nührübürü tüshümshümsoh. Hiba yuse atsa khüi liküprü te thsingyucho, hi nengdang Ih, Paul dikehrü khüdu kangcho.

1 TIMOTI 2:15

Ta rangchonü yudsi, amüi ko amüsa la longlümnü likhang abükyünü azarü surocho khu khümchonung.

1 TIMOTI 4:16

Nüpu akang ko nühnü docho nengdang müzahng. Hiri mütozah nguchi lieng, tunüo hiri nguchichonü, nüpu ko nü yu yuchirü anyüding nühnü khümchonung.

2 TIMOTI 3:14

Ta nühlü, nüte doba ko nühnü khahkhah yudsiba la tsü mütozah lieng. Nüte dorü tsü nühnü müdhele.

IBRIRÜ 3:14

Tunüo Ihsa adikehde roh-i achangchi drengdreng marehkhang, Ihsa Khrista la trümtarüe.

IBRIRÜ 8:9

Ihnü arüh khehnü shüripü Ijip limih lanü nücheh nyümong, Ihnü arüh jümürü te külüpba azengchotacho roh-i müthsanung. Ihnü arüh te külüpba azengchotacho arühnü müyohbü, hütsünü Ihnü arüh müdhingcho.

JAKOB 1:25

Ta sünü nyitsarü nyüje yujeba yuzeng la dhingro, ko yuchipü münbüchüpü nguchi kang nguchiro, abi nguchicho la Tsingrangba-nü abi müwajünung.

1 JOHAN 2:19

Hiri nyitsarü tsü yuje Ihsa yola müzehchoe, hütsünü Ihsa arühnü pehtsicho; arüh tsü Ihsa yola zehrelanglü, arühnü Ihsa te liba thsako. Ta arühnü Ihsa pehtsicho, hütsünü arüh süsü Ihsa yola mühzeh pü ngusohre.

1 JOHAN 2:24

Hütsütakhang, nührünü adikeh lanü nyisiba yusi tsü nührü lasih la lisohng. Nührü chah hütsüba yusi tsü lisohkhang, lede atsurü ko Au chah nührü linung.

2 JOHAN 1:9

Sünü Khrista adobala mülipü alaa tsiro, abi chah Tsingrangba mühle; sü adoba la liro, abi chah Au ko Atsudhre anyüding lile.

1 SAMUEL 12:14

Nührünü Abüdongba drükhang ko Abi yu nyi Abi dikehkhang ko Abi yuzeng münyümpü nührü ko nührü yangthsabanü Abi khanglang iiwükhang, lüpcho tsa linung.