JOHAN 8:2 - AMÜSA BAIBEL (BSI)

² Nyangnyü khüu mütoh abinü Amübükuh lang thali wücho. Nyitsarü atümung abi mükang shibülungcho, ko abinü pümpü arüh te donung dikehcho.

JOHAN 8:2 Iomraidhean Croise

THSINGYURÜ 9:10

Nühnü tuturü nguchinang müküp nguching, tunüo asürü lih la anguchicho mülinung, alümdhing mülinung, amüdhe mülinung, ko lümlong mülinung ko nüh hütsülang tsü würe.

JEREMIA 25:3

“Amon tsurü Josiah yangthsathsacho kang dhüreasangu lanü chünye yingcheh, kang mükyüpü asang, Abüdongba-nü Ite chota rore, ko Abinü yocho yu khüdusü Ihnü nührü te müyopü mühle. Ta nührünü mühnyi.

JEREMIA 32:33

Arühnü I tenü ximülako; ko Ihnü arüh te donye, arühnü mühnyire mahkhang mühnyichore.

JEREMIA 44:4

Ihnü nührü yang I dikehrü azikehrüti mütozah rosohcho, arühnü nührü te Ihnü thrünyiba adrünung nguchiti münguchinung yocho.

MATHI 26:55

Hütsüde Jisu-nü sühdi te yocho, “Ih Afühashirü khüdu kyo Ih rangnung nohsheng ko singdümpi biko ronungthsa kangcho ang? Amübükuh la Ih nührü te nyümong mükhu donü pümcho, ko nührünü Ih mürang.

YUSE ATSA LUK 21:37

Ko nyümong mükhu Jisu-nü amübükuh la docho, ta aromang abinü Olive zong la yüpcho.

YUSE ATSA LUK 21:38

Nyangnyü mükhu nyitsarütinü mütoh amübükuhlang abi yu nyinung wücho.

YUSE ATSA LUK 4:20

Jisu-nü thrahloh tsü lohtipü, anguchirü khyang thali jüpü pümcho. Sinagog la pümrü atümungnü abi chah du dhinglah dhing pümcho,

YUSE ATSA LUK 5:3

Jisu-nü kihtang khüdu chah küducho, hütsü Simon yo thsacho ko abi te kihbekhümla tsünü azikyah düm-müthehnung tsingdhingcho. Jisu-nü kihtang la tsü pümpü amülung te docho.

JOHAN 4:34

Jisu-nü arüh te yocho, “I tsuyongnung tsü,” “I riwüsohba yochonyinung ko I khyang jücho nguchi thüm nguchinung.

JOHAN 8:20

Jisu-nü hiri apüm amübükuh la dode amübü Singdi yohpüjila chocho. Ko sünüsü abi mürangcho, tunüo abi akyang müchiecho.

JOHAN 8:3

Ko Yuzeng adorü e Farisirü-nü khingkurü khüdu nahtrahnaxeng yade rangchoba norocho, ko arüh atümung bete yasohcho.

RIWÜRÜTI NGUCHI 5:21

Riwürütinü ayochonyi mütoh amübükuh la züducho ko donung dikehcho. Amichahba bebüba ko ashangrütinü, Jihudarü azibarüti atümung müjangnü Ashimükhong khüdu dsichocho; ko arüh bete riwürüti noronung arangyohlang yuzengjücho.