JOHAN 8:19 - AMÜSA BAIBEL (BSI)

¹⁹ Arühnü abi te tsingdhingcho, “Nü U khüde liro?” Jisu-nü lalingcho, “Nührünü Ihsü mümüdhe ko I U sü mümüdhe. Nührünü Ih müdherelang I U sü müdhebae.”

JOHAN 8:19 Iomraidhean Croise

JEREMIA 22:16

Abinü ailümrü yu tsa khacho, ko abi te apüm tsa licho. Hütsü Abüdongba müdheba tsü lile.

JEREMIA 24:7

Ih Abüdongbaepü müdhesohnung Ihnü arüh khyang lümlong jünung. Hütsüde arüh I müyurü ko Ih arüh Tsingrang kangnung, tunüo arühnü Ih yang arüh lasih apümnü thali ronung.

MATHI 11:25

Hütsü shikhela Jisu-nü yocho, “Uwa, ning ko alih Abüdongba! Nühnü lümlong lirü ko amüdherü tenü rangpücho amümüdherü te ngusohcho nengdang Ihnü nü nengsere.

JOHAN 1:10

Yu tsü limih la licho, ko abi khu limih tsü külüpcho, ta limihnü abi mümüdhecho.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 15:21

Ta arühnü hi apüm nührü chah nguchinung; tunüo nührü I yo ko arühnü Ih müthehbong mümüdhe.

JOHAN 16:3

Arühnü I U thsanye Ih thsanye mümüdhechonü nührü chah hiri nguchinung.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 7:28

Hütsünü Jisu-nü amübükuh la dode züdenü yocho, “Yuje nührünü Ih müdherü mah-o, ko Ih khüdenünang müdherü mah-o? Ih Ipu lümyunü müro. Sünü Ih riwüsohcho abi yuje. Nührünü abi mümüdhe,

1 KORINTRÜ 15:34

Nührü lümlong amüchonglang thalieng ko adelü amünyi tübichi. Ihnü nührü shahsohnung yore, nührü yola khürünü Tsingrangba mümüdhe.

GALATIARÜ 4:9

Ta adelü Tsingrangba nührünü müdhele, mahkhang Ihnü yonungnü, adelü Tsingrangba-nü nührü müdhele, hütsükhang khüta nührünü sumüzehba ko amüinung anbü yangthsathsaba yang thalinung? Nührünü thali arüh yurü kangnyürü do?

EFESIARÜ 1:17

ko Ihsa Abüdongba Jisu Khrista Au ahechi Tsingrangba te nührü khyang Anbü Amüsa, sünü nührü lümlong li kangsohnung, ko Tsingrangba nührü yang mishasohnung, khüinü nührünü abi müdhenung, hütsü jüngpü kihchijüre.

KOLOSIRÜ 1:10

Hütsütakhang, nührünü Abüdongba-nü lümcho roh-i lichehnung, ko tunü abi künyangnung hütsü nührünü lede nguchinung. Nührü akangnü nguchi atsa adhangpi chürosohnung, ko Tsingrangba müdheba la nührü zinung.

KOLOSIRÜ 1:15

Khrista tsü amünguba Tsingrang thrizi lile. Abi tsü athricho apüm tenü aukhuba lile.

IBRIRÜ 1:3

Tsingrangba ahechi tsü abinü tehmüla ngusohre; abi tsü Tsingrangba kyosangle, ko athrijungcho tsü abi yu zii khu lisohre. Amünyi tsurü münyi mülang pehba ngusohko khanglang, abi ninglang yanglih la amungthriba zii, Tsingrangba tsalangthring pümcho.

1 JOHAN 2:23

Tunüo sünü atsurü mükhyüchoro abinü Ausü mükhyüchore; sünü atsurü khyüchoro abinü Ausü khyüchore.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

2 JOHAN 1:9

Sünü Khrista adobala mülipü alaa tsiro, abi chah Tsingrangba mühle; sü adoba la liro, abi chah Au ko Atsudhre anyüding lile.