JOHAN 8:14 - AMÜSA BAIBEL (BSI)

¹⁴ Jisu-nü lalingcho, “Ihnü Ipu nengdang yuzi jünyesü, Ihnü yoba tsü yuje, tunüo Ih khüdenü rocho ko khüde wünung hütsü Ihnü müdhele. Ih khüdenü rocho mahkhang Ih khüde wünung hütsü nührünü mümüdhe.

JOHAN 8:14 Iomraidhean Croise

CHOYOH 8:7

Ihnü yoba tsü yuje; Ihnü athsalang du yore.

KHIDHINGCHO 12:3

Mosa tsü limih la atümung tenü alonglüm nyitsarü khüdu licho.

JOHAN 10:15

Ko Ihnü arüh nengdang sünung mii khyangre.

JOHAN 10:36

Ihlü Tsingrangba-nü throchehcho ko hiba limih yang müthehcho. Khang, Ihnü Ih Tsingrangba Tsurüechonü khütapü Tsingrangba müchümükehrepü nührünü yoro?

JOHAN 13:3

Jisu-nü abi khyang Aunü zii apüm jükopü müdhecho; abi Tsingrangba chahnü rocho ko Tsingrangba yang würepü müdhecho.

JOHAN 14:10

Ih Au chah ko Au I chah lirepü nühnü yumüdsirü do?” Ihnü nührü te yoba yu hiri I lümyunü yorü mah, ta Au, sü I chah liro, abinü apu nguchi nguchire.

JOHAN 16:28

Ih Au chahnü limih yang rocho; ko ade Ih limih pehjüpü Au yang würe.”

JOHAN 17:8

Nühnü I khyang jüba yu tsü Ihnü arüh khyang jücho, ko arühnü hütsü khyüchocho; ko Ih nü chahnü roba tsü yuje Ih nühnü müthehchoepü arühnü yudsicho.”

JOHAN 18:37

Hütsünü Pilat-nü abi te tsingdhingcho, “Khang nüh yangthsarü khüdu mah-o?” Jisu-nü lalingcho, “Ih yangthsabaepü nühnü yore. Ih yujeba nengdang yuzi jünung surocho, ko hütsü nengdang Ih limih la rocho. Sü yuje yo liro abinü I yu nyire.”

JOHAN 5:31

“Ihnü Ipu nengdang yuzi jükhang, I yuzi tsü yuje mah.

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

2 KORINTRÜ 11:31

Ihnü mahpü Tsingrangba, Abüdongba Jisu Aunü, Ih mürahkherepü müdhele. Müchangkapü abi seing!

2 KORINTRÜ 12:11

Ih amüsithsarü khüdu kangko, ta hütsü nührünü kangsohcho. Ih senungba tsü nührü du thsacho. Tunüo Ih tu mahnye, nührü yo “riwürüti” tenülü tulasü Ih apohkiba mah.

2 KORINTRÜ 12:19

Kümüdeo, nührü bete bekhyah ayung ihrünü ihrübürü alanglang du nguchichoepü lümnung kohle. Mah! Jünirüti, Tsingrangba jingte ihrünü nguchicho apüm nührü tronung nguchicho, ko Khrista-nü tu chosohnyücho hütsü du chocho.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 3:14

“Laodicea la Lithro riwürü yang thrahng: “Amen, sü longlangcheh ko yuje yuzi, sü Tsingrangba-nü thricho yola ayingba liro abi chahnü yusi tsü hi lile.