JOHAN 8:12 - AMÜSA BAIBEL (BSI)

¹² Jisu-nü Farisirü te anyüpiusü yocho, “ Ih limih atsingse, sünü I khanglang ronang abi amala mütsehnung ta akang atsingse ngunung.”

JOHAN 8:12 Iomraidhean Croise

JOB 33:28

Abinü Ih asülihlang wünung lanü Ih khümchoko, ko Ih ade akang lile.”

NENGSEKHI 18:28

Abüdongba, I khyang atsingse jüng; Nühnü amarürah kishosohre.

NENGSEKHI 49:19

Müchangkapü marürah liba, abi süde arüh jümürüti yang wünung.

NENGSEKHI 97:11

Avisanü Amüsarü chah here, ko atsarü chah akünyang rore.

ISAYA 49:6

Abüdongba-nü Ite yocho, “Nü nengdang nguchi adiu lile, I dikehrü. Nühnü amütrüh Israelrü tsü dikehsohnung du mah, ta liküprü khümchonung, Ihnü nüh yuchoti yanglang atsingse khüdu külüpnung.”

ISAYA 50:10

Nührü Abüdongba tsurü apüm, ko Abi dikehrü yu nyirü apüm, nührü lang tsü amarürah thsanung kohle, ta Abüdongba chah longlang, Tsingrangba chah dümpieng.

ISAYA 9:2

Amala lirütinü atsingse arangcheh khüdu nguko. Arüh nbükhüm lih la licho, ta ade arüh chah atsingse hekehre.

HOSEA 6:3

Ihsanü Abüdongba müdhenung müküpnung. Tsingsenung tsüpcho kyo, ko machimashü tsingnü alih dhsangjücho kyo, Abi Ihsa yang ronung.”

MALAKI 4:2

Ta nührü I yocho nyirü, nyü kyo Ih akhümcho zii nührü chah chüronung ko nyüjing roh-i akyangba hirojünung. Misü kuh lanü aza lehcheh müthehcho roh-i nührü thsatsa tsanung ko künyangnung.

MATHI 5:14

“Nührü alimih atsingse, akhangchah liba yangdi khüdu mümüyümticheh.

YUSE ATSA LUK 2:32

Yangpirü te nü lümcho mishanung atsingse khüdu ko nü müyurü Israelrü nengdang ahechi.”

JOHAN 12:35

Jisu-nü lalingcho, “Atsingse tsü nührü yola azachah du linung. Amanü nührü mübhünüpnungthsa nührü te atsingse lidenü tsehng; tunüo sü amala tsehro abi khüde würünang abinü mümüdhe.

JOHAN 12:36

Atsingse nührü te lidenü nührü atsingse tsurü kangnungthsa atsingse chah yudsing.” Jisu-nü hi yopü, abinü shehmüi arüh tenü rangkhucho.

JOHAN 12:46

I chah yudsirü müipi amala mülisohnung nengdang, Ih atsingse roh-i limih yang rocho.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 3:19

Yukhaba tsü hiroh-i khare: atsingse tsü limih la roko, ta nyitsarünü atsingse tenü ama du müire, tunüo arüh nguchi tsü amütsa.

JOHAN 7:17

Sünü Tsingrangba lümcho nguchiro abinü Ihnü doba hi Tsingrangba chahnü a mahkhang Ipu lümyunü chorünang müdhenung.

JOHAN 9:5

Ih limih la lide, Ih limih atsingse.”

RIWÜRÜTI NGUCHI 13:47

Tunüo Abüdongba-nü hiroh-i ihrü te mülako: “Lihküpshünü khümchonung nengdang, yangpirü nengdang atsingse khüdu Ihnü nührü külüpcho.”

RIWÜRÜTI NGUCHI 26:23

Jihudarü ko yangpirü te akangcheh atsingse sobhonung Mesia tsü chongchabae, ko asü lanü akhudiba kanglibae.”

2 PETER 2:17

Hiri nyitsarüti tsü akungcho yongna ko tsingxinyübongnü fotsiba nyükhi kyole; arüh nengdang Tsingrangba-nü amarürah asoh-uba la müdüm khüdu yohpüjüle.

2 PETER 2:4

Amünyi shitpahba ninglang riwürüti tsü Tsingrangba-nü müditpang, ta yukhaba Nyümong yingnü arüh rahpü amarürah mümehmi la dhiyohchücho.

1 JOHAN 1:6

Ihsa abi te akehta lilepü Ihsanü yokhang, ta amala likhang, yula ko nguchi anyüdingla Ihsanü arahkheh chore.

JUDA 1:13

Arüh ashahmükeh nguchiti tsü adrünung kihdi kilohnü müjümüphi chürosohba tsü kyole. Arüh tsü arümchiba chenghiti kyole, sürü nengdang Tsingrangba-nü asoh-uba amarürah la lede nengdang müdüm khüdu yohpüro hütsü kyole.

JUDA 1:6

Ninglang riwürüti sürünü palu azengzah tase pohki mülipü arüh liji pehjücho; arüh tsü apohki amarürah la achangka müliba ixilihnü rah lile, hütsüba nyümong amülah khüila arüh mülangjünung hütsüba nengdang Tsingrangba-nü arüh yohpülepü lümchehng.

MISHACHO 21:24

Limih nyitsarünü abi atsingse la tsehnung, ko alimih yangthsarünü hütsüla arüh ahechi hironung.