JOHAN 7:39 - AMÜSA BAIBEL (BSI)

³⁹ Sürünü abi chah yudsicho arühnü ngunung liba Anbü nengdang Jisu-nü chocho. Hütsütade Anbü tsü müjüecho, tunüo Jisu mühechiecho.

JOHAN 7:39 Iomraidhean Croise

NENGSEKHI 68:18

Abinü azonglang arangyohrü khütang nüpü tuwüre; Abinü anyümrü khehlanü jiyü khyüchore. Abüdongba Tsingrang hütsüla linung.

CHOYOH 1:23

Ihnü yübücho nyieng; Ihnü nührü te I lümlong ngusohnung ko Iyu müdhesohnung.

ISAYA 12:3

Axorü khyang kih amüsengnü xodhrümsohcho kyo, Tsingrangba-nü arüh khümchode müyurünü künyangtare.”

ISAYA 32:15

Ta adesü khüdupi Tsingrangba-nü Ihsa yang Abi Anbü müthehnung. Peh liba lih tsü asu lih kangnung, ko luh lanü tsahma khütang chüronung.

ISAYA 44:3

“Xoseh liba lih khyang Ihnü kih jünung ko akung lanü yongkhi pohsohnung. Ihnü nührü tsuzarü michah I nbü mükhakehjünung ko nü trah chah amüwa mükhakehjünung.

JOEL 2:28

“Akhanglang atümung chah I nbü mükhakehjünung: Nührü tsurü ko tsularütinü choyohnung; nührü ashirütinü melang melangnung, ko nührü dhrezarütinü münguchehnung.

MATHI 16:14

Arühnü lalingcho. “Khürünü baptijüba Johan, khürünü Elija, ko aparünü Jeremia mahkhang azikehrü aparü khüduepü yore.”

MATHI 21:11

“Sühdi tsünü hiba hi Galil la Nazaret-rü, azikehrü Jisue” pü lalingcho.

YUSE ATSA LUK 24:49

Ko I U-nü nyengchochoba, Ihnü nührü michah Anbü Amüsa müthehnung. Ta nührü michah amilangnü zii tsü mürode, yangdila du lieng.”

YUSE ATSA LUK 3:16

Hütsünü Johan-nü arüh te yocho, “Ihnü nührü kih la baptijüre, ta I tenü adiuba khüdu tsehle. Ihlü abi jingkhüm yo lehchehnungsü müleng. Abinü nührü Anbü Amüsa ko michang la baptijünung.

YUSE ATSA LUK 7:16

Arüh atümung adrünü jeng Tsingrangba secho. “Ihsa yola azikehrü amülah khüdu chüroko! Tsingrangba amüyurü khümchonung ro lile!”

JOHAN 1:21

Arühnü tsingcho, “Khang, nüh süo?” “Nüh Elija mah-o?” Johan-nü lalingcho, “Ih mah.” Arühnü tsingcho, “Nüh azikehrü tsü mah-o?” Abinü lalingcho, “Mah.”

JOHAN 1:25

“Nüh Mesiasü, Elijasü, ko azikehrüsü mahkhang, nühnü tuepü baptijüro?”

JOHAN 1:33

Ihnü ade yingcheh hütsü abiepü mümüdhe, ta Tsingrangba sünü kih la baptijünung Ih müthehcho, abinü Ite yocho, ‘Anbü tsü jüro nyüh khüdu chah püm nühnü ngunung; hütsü sünü Anbü Amüsa la baptijüro abi tsü lile.’

JOHAN 12:16

Monotinü akhudilü hi münyichehcho; ta khode Jisu hechicho, hütsüde du yu hi abi nengdang thrahchoepü arühnü abi chah hi nguchikopü lümchehcho.

JOHAN 12:23

Jisu-nü arüh te lalingcho, “Nyitsarü Tsurü ahechi arangcheh khyüchonung becho chihko.

JOHAN 14:13

Ko nührünü I nengla tuturü chingnang Ihnü nguchinung, hütsünü Au ahechi tsü Atsurü khu ngusohnung.

JOHAN 14:26

Atrorü, Anbü Amüsa, sü Aunü I nengla müthehnung, abinü nührü te lüpcho donung ko Ihnü nührü te yochoba atümung lümchehsohnung.

JOHAN 16:14

Abinü Ih hechinung, tunüo Ihnü tu yonang abinü hütsü du nührü te müdhesohnung.

JOHAN 16:7

Ta Ihnü nührü te yutsatsa yore: Ih tsicho tsü nührü nengdang atsau, tunüo Ih mütsikhang, atrorü tsü nührü yang müronung. Ta Ih wükhang, Ihnü abi nührü yang müthehnung.

JOHAN 17:1

Jisu-nü yu hiri chopü, ninglang dhingnü yocho, “Uwa, becho chihko. Atsurünü nüh hechinungthsa, nü Tsudhre hechisohng.

JOHAN 17:5

Uwa, limih müthride Ih nüte lide tu ahechi licho, hütsü ade nüpu linü hechisohng.

JOHAN 20:22

Hütsüpü abinü arüh chah mehkehjo yocho, “Nührünü Anbü Amüsa khyüchoung.

JOHAN 6:14

Jisu-nü nguchicho thsayahiya hi ngu, hütsüla nyitsarütinü yocho, “Limih lang aronung liba azikehrü tsü yuje hivie!”

JOHAN 7:12

Sühdi la tsü abi nengdang dee jümjümta licho. Khürünü yocho, “Abi nyitsarü atsae” aparünü yocho, “Mah, abinü nyitsarü amünülang nüre.”

JOHAN 8:54

Jisu-nü lalingcho, “Ihnü Ipu jangjang hechikhang, ahechi hütsü tu mah, sünü Ih hechiro abi tsü nührünü nührü Tsingrangepü yoba I U lile.

RIWÜRÜTI NGUCHI 19:2

“Nührünü yudside, Anbü Amüsa mükhyücho-o?” Arühnü lalingcho, “Anbü Amüsa lilepü ihrünü ayuchi mii müyuchi.”

RIWÜRÜTI NGUCHI 2:17

“Tsingrangba-nü yore, achangka nyümongla Ihnü hita nguchinung; Nyitsarü müipi chah Ihnü I Nbü mükhakehjünung. Nührü tsurü ko tsularütinü choyohnung; Nührü dhrezarütinü müngucheh ngunung, ko nührü ashirütinü melang melangnung.

RIWÜRÜTI NGUCHI 2:33

Abi Au Tsingrang tsalang thring kangli rosohko, ko abinü nyengchocho kyo abi chahnü Anbü Amüsa khyüchoko. Ade nührünü tu nguro ko yuchiro hütsü abinü ihrü chah mükhakehjüba abi jiyü tsü lile.

RIWÜRÜTI NGUCHI 2:38

Peter-nü arüh te yocho, “Nührü münyi pehnung nengdang nührü lasih thsamülang, ko nührü nyitsarü müipi Jisu Khrista nengla bapting, ko nührünü Tsingrangba jiyü Anbü Amüsa tsü khyüchonung.

RIWÜRÜTI NGUCHI 2:4

Ko arüh atümung Anbü Amüsanü jengcho ko Anbünü chürosohcho roh-i yu papa chomüsucho.

RIWÜRÜTI NGUCHI 3:13

Abraham, Isak ko Jakob Tsingrang, Ihsa ajü-amü Tsingrang-nü abi dikehrü Jisu khyang amüsa ahechi jüko. Ta nührünü abi yangbe khyang jücho, ko Pilat-nü müthehnung dhrongchehpü khanglang mii nührünü Pilat jingte abi mükhyüchocho.

RIWÜRÜTI NGUCHI 4:31

Arüh dangkhidangnangkade, arüh pümba müdüm tsü shühchicho. Arüh atümung Anbü Amüsanü jeng müci mülah Tsingrangba yusi sobhonung dikehcho.

ROMRÜ 8:9

Ta Tsingrangba Nbü nührü chah likhang; nührü shutsa la mah, ta Anbü la lire. Sü chah Khrista Nbü müliro abi tsü abi yo mah.

2 KORINTRÜ 3:8

Anbü nguchilü khütoh-i alaa adiu thsanung!

EFESIARÜ 4:30

Ko Tsingrangba Anbü Amüsa tüwahsoh; tunüo Anbü tsünü nührü Tsingrangba yo amüdhethsa, ko Tsingrangba-nü nührü lehchehnung Nyümong tsü rolepü azengchocho lile.