JOHAN 7:28 - AMÜSA BAIBEL (BSI)

²⁸ Hütsünü Jisu-nü amübükuh la dode züdenü yocho, “Yuje nührünü Ih müdherü mah-o, ko Ih khüdenünang müdherü mah-o? Ih Ipu lümyunü müro. Sünü Ih riwüsohcho abi yuje. Nührünü abi mümüdhe,

JOHAN 7:28 Iomraidhean Croise

NENGSEKHI 9:10

Sünü Nüh müdhero, Abüdongba, arühnü Nü chah longlangnung; Nü yanglang rorüh süsü Nühnü müpehjüre.

JEREMIA 31:34

Abüdongba müdhenung sünüsü abürü nyitsarü te müdonung, tunüo azaubanü adiuba chii, apümnü Ih müdhenung. Ihnü arüh mülangpehjünung ko arüh münyi mülümchehnung. Ih, Abüdongba-nü choko.”

JEREMIA 9:6

Arühnü khüdu khanglang khüdu ashüh khatohre, ko akihyochüba khüdu khanglang khüdu nguchire. Abi müyurünü Abi mükhyüchorepü Abüdongba-nü yore.

HOSEA 4:1

Hiba lih la lirü nyüm Abüdongba-nü mülangjüba khüdu lile. Abinü tu yoro, Israel, nyieng: “Alih la longlangba ko amüi mühle, ko nyitsarünü Ih Tsingrangepü mümüdhe.

HOSEA 5:4

Arüh amünyi nguchi tsünü arüh Tsingrang yang ximülanung yatire. Kyothri mübüba tasenü arüh rangyehpüle, ko arühnü Abüdongba mümüdhe.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 2:23

ko Nazaret yangdila licho. Hütsünü azikehrünü chochoba tikehsohcho: “Abi te Nazarene pü dsinung.”

MATHI 26:55

Hütsüde Jisu-nü sühdi te yocho, “Ih Afühashirü khüdu kyo Ih rangnung nohsheng ko singdümpi biko ronungthsa kangcho ang? Amübükuh la Ih nührü te nyümong mükhu donü pümcho, ko nührünü Ih mürang.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

YUSE ATSA LUK 2:11

Chünye David yangdila nührü Kangchehjüba Abüdongba Khrista tsü suroko!

YUSE ATSA LUK 2:39

Josef e Mary nyühnü Abüdongba yuzengnü dhsütahcho atümung nguchikhangpü, Galil la arüh yangdi Nazaret yang thali rocho.

YUSE ATSA LUK 2:4

Josef tsü Galil la Nazaret yangdi lanü Judea la liba Bethlehem, Yangthsaba David suro lih yang wücho, tunüo abi David chahnü trahchocho khüdu licho.

YUSE ATSA LUK 2:51

Achotsü Jisu-nü arüh yola Nazaret lang thali wücho ko hütsüla abinü arüh yochonyi licho. Atpanü hiri atümung alasih la lümkehnü yohpücho.

JOHAN 1:46

Nathanael-nü tsingdhingcho, “Nazaret lanü mii lango atsa chürochehnung mah-o?” “Rung ko dhing” Filip-nü lalingcho.

JOHAN 10:36

Ihlü Tsingrangba-nü throchehcho ko hiba limih yang müthehcho. Khang, Ihnü Ih Tsingrangba Tsurüechonü khütapü Tsingrangba müchümükehrepü nührünü yoro?

JOHAN 12:49

Hi yuje, tunüo Ipu lümyunü mücho, ta Ihnü tu yonung ko tu chonung hütsü Au sünü Ih müthehcho apunü I khyang yuzengjücho.

JOHAN 14:10

Ih Au chah ko Au I chah lirepü nühnü yumüdsirü do?” Ihnü nührü te yoba yu hiri I lümyunü yorü mah, ta Au, sü I chah liro, abinü apu nguchi nguchire.

JOHAN 14:31

ta Ihnü Au müirepü limihnü müdhenung nengdang abinü I khyang yuzengjücho roh-i; Ihnü lüpcho nguchire. “Rung, Ihsanü hilanü tsinung.

JOHAN 16:3

Arühnü I U thsanye Ih thsanye mümüdhechonü nührü chah hiri nguchinung.

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 3:2

Romang khüdu abinü Jisu yanglang wüpü abi te yocho, “Adorü, nüh Tsingrangba-nü müthehcho adorü khüduepü ihrünü müdhere; tunüo Tsingrangba müzehkhang, nühnü nguchiba thsayahiya hi sünüsü münguchicheh.”

JOHAN 3:33

Ta sünü abi yusi khyüchoro hütsünü Tsingrangba tsü yuje-epü müdhere.

JOHAN 5:32

Ta I nengdang yuzi jürü nyüh khüdu lile, ko abinü I nengdang yuzi jüba tsü yuje-epü Ihnü müdhele.

JOHAN 5:43

Ih I U nengla rocho, ta nührünü Ih mükhyücho; ta nyüh khüdu apu nengla rolang, nührünü abi khyüchonung.

JOHAN 6:42

Hütsünü arühnü yocho, “Hivi hi Josef tsurü Jisu mahrü do? Au e atpa nyüh Ihsanü müdhele. Akhang abinü khüta abi ninglangnü jürochoepü yoro?”

JOHAN 7:14

Thsüti bhülong Jisu-nü Amübükuh la tuwü donung dikehcho.

JOHAN 8:14

Jisu-nü lalingcho, “Ihnü Ipu nengdang yuzi jünyesü, Ihnü yoba tsü yuje, tunüo Ih khüdenü rocho ko khüde wünung hütsü Ihnü müdhele. Ih khüdenü rocho mahkhang Ih khüde wünung hütsü nührünü mümüdhe.

JOHAN 8:16

Ta Ihnü yukharelang, I yukhaba yuje thsanung; tunüo hütsüla I müleng mah; Au sünü Ih müthehcho abi I yola zehle.

JOHAN 8:19

Arühnü abi te tsingdhingcho, “Nü U khüde liro?” Jisu-nü lalingcho, “Nührünü Ihsü mümüdhe ko I U sü mümüdhe. Nührünü Ih müdherelang I U sü müdhebae.”

JOHAN 8:26

Nührü nengdang Ihnü ayonung ko mülangjünung khütango lile. Ta sünü Ih müthehcho abi Yuje lile, ko abi chahnü tu nyisicho hütsü du Ihnü alimih te yore.”

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

JOHAN 9:29

Tsingrangba-nü Mosa te chotachoepü ihrünü müdhele, ta hivilü khüdenünang ihrünü mümüdhe!”

RIWÜRÜTI NGUCHI 17:23

Tunüo nührü yangdila nührü mübübati chah dhing rachide, Ihnü bholu khüdu chah hita thrah ngucho, ‘Mümüdheba Tsingrang khüdu khyang.’ Nührünü mümüdhepü mübüba nengdang tsü Ihnü nührü te sobhore.

ROMRÜ 1:28

Arüh lasih la Tsingrangba yuje lümlong tsü müyohpüchonü, abinü arüh athsangnyang lümlong khyang khakhuchüjücho; hütsünü amünguchiba arühnü nguchire.

ROMRÜ 3:4

Khodesü mah! Atümung arahkhehrü thsanye, Tsingrangba yuje linung. Amüsa yunü yocho kyo: “Nühnü chode nü athsalang tsü ngusohng; Nü yukhade nühnü kohng.”

2 KORINTRÜ 1:18

Tsingrangba-nü yuje chocho kyo, nührü te Ih anyengchoba tsü “Ho ko Mah” hütsü mah.

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

TITAS 1:2

Tsingrangba sünü arahkheh müchoro, abinü hiba akang tsü adikeh lanü Ihsa te nyengchocho,

IBRIRÜ 6:18

Hinyi la Tsingrangba-nü mümülichichehnung, ko mürakhehchehnung. Hütsünü Ihsa abi te khümcho lirütinü Ihsa bete alongdi khyangpüjüba nengdang drengdreng romehnung thsüchire.

1 JOHAN 5:10

Hütsünü sünü Tsingrangba Tsurü chah yudsiro abi lasih la hiba yuzi hi lile; ta sünü Tsingrangba chah müyudsiro, abinü abi arahkhehrü kangjüre; tunüo Tsingrangba-nü Atsudhre nengdang tu yocho abinü hütsü yumüdsi.

1 SAMUEL 2:12

Eli tsurüti tsü amükhyu thsacho.