JOHAN 6:51 - AMÜSA BAIBEL (BSI)

⁵¹ Ninglangnü jüroba akang tsuyongnung tsü Ih. Khürünü hiba tsuyongnung tsukhang, abi lede akang linung. Ihnü jünung tsuyongnung tsü Ipu shuh, khüi limih akang linung nengdang Ihnü jüre.”

JOHAN 6:51 Iomraidhean Croise

MATHI 20:28

Nyitsarü Tsurü mii dikehsohnung mah, ta dikehnung ko nyitsarü adrong rochehnung nengdang abi akang jünung rocho.”

YUSE ATSA LUK 22:19

Hütsüpü abinü hümdhse khyücho, ko Tsingrangba khyang anengse jüpü hütsü chenahcho ko arüh khyang jonü yocho, “Hi Ifü lile, khüiba nührü nengdang jücho. Ih lümchehnung nengdang hi bichieng.”

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:29

Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 11:26

ko sü akang linang ko I chah yudsinang khodesü müsünung. Nühnü hi yudsirü mah-o?”

JOHAN 3:13

Ko nyitsarü Tsurü, sü ninglangnü jürocho, abi chah khu sünüsü ninglang mütuwüdhing.”

JOHAN 3:14

Mosa-nü tu khüta lipilih la imüyeng mürü dhikehcho, hütsü roh-i Nyitsarü Tsurüsü dhikehbae.

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:36

Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.

JOHAN 5:24

“Ihnü nührü te yutsatsa yonung: Sünü I yu nyiro ko I riwüsohbong chah yudsiro abi lede akang lile. Abi yu mükhanung, ta asü lanü akang langi wüpehko.

JOHAN 6:33

Tunüo sü ninglangnü jüroro ko limih khyang akang jüro, hütsü Tsingrangba-nü jüba tsuyongnung tsü lile.”

JOHAN 6:35

Jisu-nü arüh te yocho, “Akang tsuyongnung tsü Ih, sü I yanglang ronang abi khodesü müyangnung; ko sünü I chah yudsinang abi khodesü müxonung.

JOHAN 6:41

“Ih ninglangnü jürocho tsuyongnung” pü abinü yochonü Jihudarünü abi te jümjümnung dikehcho.

JOHAN 6:47

Ihnü yutsatsa nührü te yore: Sünü yudsiro abi müchangkaba akang lile.

JOHAN 6:48

Ih akang tsuyongnung tsü.

JOHAN 6:50

Ta ninglangnü jüroba tsuyongnung tsülü sünü hütsü tsunang müsünung.

JOHAN 7:38

Amüsa yunü yocho roh-i, Sünü I chah yudsinang alasih lanü akangnung kih yongna pohnung.”

2 KORINTRÜ 5:19

Tsingrangba-nü Khrista khu amüi tsurü apüm abi shangrü kangsohba tsü ihrü yusi lile. Tsingrangba-nü arüh münyiti mükhichi ko abinü khüta arüh tsü abi shangrü kangsohcho, hütsü yoba yusi tsü ihrü khyang jücho.

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

EFESIARÜ 5:2

Khrista-nü Ihsa müichonü apu akang Ihsa nengdang axümlichi amübü ko kangmübü khüdu Tsingrangba khyang jücho kyo, nührü akang tsü amüila rahseh lieng.

EFESIARÜ 5:25

Niirüti, tu khüta Lithro müichonü Khrista-nü apu akang jücho, hütsü roh-i palu nitpürü müing.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 10:20

Akitising, hütsüla apu fü khu lang asi, akang liba lang khüdu abinü Ihsa khyang khangthrujüko.

1 PETER 2:4

Akang liba lung nyitsarünü amii mühli pehba ta Tsingrangba-nü thsidi roh-i throchehba Abüdongba yang rung.

1 JOHAN 2:2

Ko Khrista apu tsü Ihsa münyi mülang pehjübong tsü lile, ko Ihsa münyi du mah, ta atümung mülang pehjürü lile.

1 JOHAN 4:10

Amüi tsü hi: Ihsanü Tsingrangba müicho mah, ta abinü Ihsa müichonü atsudhre Ihsa münyi pehjünung nengdang müthehcho.

1 JOHAN 4:14

Ko Aunü limih Kangchehjüba kangnung atsudhre müthehcho, hütsü Ihsanü nguko ko aparü te yuzi jüre.