JOHAN 6:44 - AMÜSA BAIBEL (BSI)

⁴⁴ I riwüsohba Aunü I yang mütphahkhang süsü I yanglang mürocheh; ko achangka nyümongla Ihnü abi kanglisohnung.

JOHAN 6:44 Iomraidhean Croise

SOLOMON KHI 1:4

Nü yola Ih nüng, ko rang tsinung; nüh I yangthsaba kang ko nü yüpjilang Ih nowüng. Ihjüding müjang künyangtanung, mücha yongnung ko müitanung. Khingkurü atümungnü nüh müirepü müdhele.

JEREMIA 13:23

Ethiopiarünü arüh küp mülichinung do, mahkhang müroh khünyingnü ayah mülichichehnung do? Hütsü mülichichehkhang, nührü amünyi du nguchirünü athsalang nguchinung nyichochehnung.

JEREMIA 31:3

Israelrünü akyahshang mükhyahde ashulanü arüh te shirücho. Israelrü, Ihnü lede nührü müicho, hütsünü Ihnü nührü te amüthrehba amüi mütozah ngusohre.

HOSEA 11:4

Ihnü arüh Ipu yanglang müinü norocho. Ihnü dhimüsu Ipu müchüp chah ngakehsohcho; Ihnü mükhurangpü arüh kangchehcho.

MATHI 12:34

Nührü mürü zati, nührü mütsa yohpüpü khüta atsa choro? Tunüo lasih la tu liro hütsü du benü chore.

MATHI 16:17

Jisu-nü lalingcho. “Johan tsurü Simon, nüh amüwa thsaang!” “Tunüo hiba yuje hi shutsa khu mah, ta ninglang liba I U-nü nü khyang jücho lile.

JOHAN 12:32

Khode Ih alih lanü dhikehnang, Ihnü atümung Ipu yanglang no khyünung.”

JOHAN 5:44

Nührünü khüdunü khüdu chahnü nengse khyünyüre, ta Tsingrangba, sü khüdu du liro; abi chahnü nengse ngunung mümüküpre; hütsükhang, khüta nührünü I chah yudsinung?

JOHAN 6:43

Jisu-nü lalingcho, “Nührübürü yola tüjümjüm.

JOHAN 6:45

Azikehrütinü thrahcho, ‘Atümung te Tsingrangba-nü thsingyunung.’ Sünü Au te nyiro ko abi chahnü nyichoro abinü Ih yang rore.

JOHAN 6:65

Ko abinü yocho, “Hitacho khu, Aunü mümülakhang sünüsü I yang mürochehnungepü Ihnü nührü te yoko.”

JOHAN 8:43

Tuepü nührünü I yu münyichehro? Hütsü nührünü I yu rangcho münyichonü.

FILIPIRÜ 1:29

Tunüo Khrista chah yudsinung du mah, ta abi nengdang chongchanü dikehnung shikhe atsa tsü nührü khyang jüko.

KOLOSIRÜ 2:12

Tunüo khode nührü bapticho, Khrista te nührü dhrürangcho, ko asücho lanü kanglisohba Tsingrangba zii la nührü yudsi khu Khrista te baptiba la nührü kanglisohcho.