JOHAN 5:42 - AMÜSA BAIBEL (BSI)

⁴² Ta nührü khütari nyitsarü nang Ihnü mümüdhe. Ko Tsingrangba müiba nührü lasih la mühlepü Ihnü müdhele.

JOHAN 5:42 Iomraidhean Croise

YUSE ATSA LUK 16:15

Jisu-nü arüh te yocho, Nyitsarü bete abürü jangjang amüsa kang ngusohba tsü nührüe, ta Tsingrangba-nü nührü lasih müdhele. Tunüo nyitsarü yola amii amülah liba kohro tsü Tsingrangba jingte amii mühle.

JOHAN 2:25

Sünüsü abi te arüh nengdang yonung müdhsütahcho, tunüo arüh lasih la tu liro apunü müdhecho.

JOHAN 21:17

Asangpiusü Jisu-nü yocho, “Johan tsurü Simon, nühnü Ih müirü mah-o?” Ko Jisu-nü asangpili, “Nühnü Ih müirü mah-o” pü yochonü Peter longyücho. Hütsünü abinü abi te yocho, “Abüdongba, nühnü lüpcho müdhele; Ihnü nüh müirepü nühnü müdhele!” Jisu-nü abi te yocho, “I Santi xüküm.

JOHAN 5:41

“Ihnü nyitsarü nengse müyangchire.

JOHAN 5:43

Ih I U nengla rocho, ta nührünü Ih mükhyücho; ta nyüh khüdu apu nengla rolang, nührünü abi khyüchonung.

JOHAN 5:44

Nührünü khüdunü khüdu chahnü nengse khyünyüre, ta Tsingrangba, sü khüdu du liro; abi chahnü nengse ngunung mümüküpre; hütsükhang, khüta nührünü I chah yudsinung?

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

JOHAN 8:47

Sü Tsingrangba chahnü roro abinü Tsingrangba yu nyire.Ta nührü Tsingrangba chahnü müthsachonü nührünü münyire.”

JOHAN 8:55

Nührünü abi khodesü mümüdhe, ta Ihnü abi müdhele. Ihnü abi mümüdhepü yokhang, nührü kyo Ih arahkhehrü. Ta Ihnü abi müdhele, ko Ihnü abi yocho nyire.

ROMRÜ 8:7

Hütsünü khode nyüh khüdunü shutsa nengdang lümnang abi Tsingrangba rorüh kangre; tunüo abinü Tsingrangba yuzeng mübichire, abinü hütsü bichinung mükoh.

1 JOHAN 2:15

Limih mahkhang hütsüla liba kohro tümüi. Nühnü limih müikhang, Au mümüire.

1 JOHAN 3:17

Alirü khüdunü, jünirü khüdu dhsütah ngupü, ta alasih mülehchehkhang, abinü Tsingrangba müirepü khüta yonung?

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

MISHACHO 2:23

Abükyü khanglang iiwürüsü atümung Ihnü kyüsehnung, hütsüpü du lithroti apümnü nyitsarü müipi lümcho müdhebong tsü Ih-epü müdhenung. Ihnü nührü nyitsarü müipi khyang palu nguchi aleng jünung.