JOHAN 5:40 - AMÜSA BAIBEL (BSI)

⁴⁰ Ta akang ngunung nengdang nührünü I yanglang ronung mülümre.

JOHAN 5:40 Iomraidhean Croise

NENGSEKHI 81:11

“Ta I nyitsarünü Ite mühnyire; Israelrünü I yocho mühnyire.

ISAYA 49:7

Dee mükhimüngupü liba, yuchotinü thrünyiba ko yangthsarüti dikehba te, Israel Amüsa Tsingrang ko khümchobongnü yore: “Nührü lehchehcho yangthsarünü ngunung; ko jengreng jünung yamüsunung; yangthsarü tsurütinüsü hütsü ngunung, ko nührü jingte mükhukehnung.” Hi tikehnung, tunüo Abüdongba-nü Abi dikehrü throchehko; Israel Amüsa Tsingrang-nü Abi anyengchocho yohpüre.

ISAYA 50:2

“Ih arüh yang arüh khümchonung wüde, tuepü I nyitsarünü Ite mülalingcho? Ihnü dside tuepü arühnü mülalingcho? Ihnü arüh khümchonung mükohcho mah-o? Ihnü yu khüdunü kihdi kungsohnung kohle, ko hütsüla zehba nguh, kih mülichonü sükhangnungthsa, yongkhiti tsü lipilih kangsohnung.

MATHI 22:3

Thsüti la dsiyohrüti dsinung nengdang abinü apu kulirüti müthehcho, ta arühnü müronyücho.

MATHI 23:37

“Jerusalem, Jerusalem! Azikehrüti müpsehba Tsingrangba-nü nührü yang müthehcho yusi hirüti kengsehba. Hünanü abükyü za aqo pohki nübülungcho roh-i, Ihnü khütopi nührü atümung shüptinyücho, ta nührünü I khyang müshüptisoh!

JOHAN 1:11

Abi apu limih yang rocho, ta anyitsarünü abi mükhyüchocho.

JOHAN 10:10

Aführünü afühnung, amüpsehnung ko thsangnyangjünung du rore. Nührü akang ajeng ngusohnung Ih rocho.

JOHAN 3:19

Yukhaba tsü hiroh-i khare: atsingse tsü limih la roko, ta nyitsarünü atsingse tenü ama du müire, tunüo arüh nguchi tsü amütsa.

JOHAN 5:39

Nührünü Amüsa yu yangchire, tunüo hütsüla nührünü lede akang ngunungepü longdire. Ko hiri Amüsa yu tsünü I nengdang yuzi jüre.

JOHAN 5:41

“Ihnü nyitsarü nengse müyangchire.

JOHAN 5:44

Nührünü khüdunü khüdu chahnü nengse khyünyüre, ta Tsingrangba, sü khüdu du liro; abi chahnü nengse ngunung mümüküpre; hütsükhang, khüta nührünü I chah yudsinung?

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

JOHAN 6:40

Tunüo atsudhre ngurü ko abi chah yudsirü atümung müchangkaba akang ngunung tsü I U-nü khyünyücho lile. Ko Ihnü achangka nyümongla arüh kanglisohnung.

ROMRÜ 6:23

Tunüo amünyi mii tsü asüba; ta Ihsa Abüdongba Khrista Jisu la Tsingrangba amükang jiyü tsü müchangkaba akang lile.

MISHACHO 22:17

Anbü ko Kulangwütpünü yore, “Rung!” Hi yuchirü müipinü “Rung” pü young. Sü xoro, rung; Sünü khyünyüro abinü amükangnü akang kih khyüng.