JOHAN 5:39 - AMÜSA BAIBEL (BSI)

³⁹ Nührünü Amüsa yu yangchire, tunüo hütsüla nührünü lede akang ngunungepü longdire. Ko hiri Amüsa yu tsünü I nengdang yuzi jüre.

JOHAN 5:39 Iomraidhean Croise

NENGSEKHI 1:2

Hütsü mülih, Abüdongba yuzeng bichichola arüh akünyang ngure, ko arühnü hütsü ama atsingse yangchire.

NENGSEKHI 119:11

Ihnü Nü yuzeng I lasih la yohpüre, hütsü dunü Ihnü Nüh nyüm amünyi müshitpahnung.

NENGSEKHI 133:3

Hütsü Hermon khang chahnü yingkih, Zion zong chah longkehcho kyole. Hütsüla Abüdongba-nü müchangkaba akang amüwa nyengchoko.

NENGSEKHI 16:11

Nühnü akang lang Ite thongunung; Nüh lichonü Ih akünyangnü jengre ko lede nengdang I khyang akünyang hirojüre.

NENGSEKHI 21:4

Abinü Nüte akang, nyümong asheng ko kutsüpba chingcho, ko Nühnü jücho.

NENGSEKHI 36:9

Nüh akang atümung pohchehji, ko Nü atsingse khu ihrünü atsingse ngure.

CHOYOH 6:23

Arühnü thülaba tsü avisa dsi; arühnü khataba tsü akang lang lile.

ISAYA 34:16

Abüdongba akang vakhala yangching ko tu yorünang khidhing. Athrichoti khüdusü müchahnung, ko dhrela müpisacho khüdusü müngunung. Abüdongba-nü hütsütanung mülacho; apunü arüh müjang nübülungnung.

ISAYA 8:20

Nührünü hütsüri laling, “Abüdongba-nü nührü te tu yoro hütsü nyieng! Asülang würü yu tünyi, arühnü yoba tsü nü nengdang tu ajingcho mülinung.”

JEREMIA 8:9

Nührü amüdherü ashah khyüsohre; arüh lümdhama xohko. Arühnü I yuzeng mükhyücho; ade arüh tu lümlong liro?

DANIEL 12:2

Asürü kanglinung: khürü müchangkaba akanglang, ko khürü müchangkaba achangba lang wünung.

MATHI 22:29

Jisu-nü arüh te lalingcho, “Nührü khütoi thsamehro! Hi nührünü Amüsa yu ko Tsingrangba zii mümüdhechonüe.

MARK 10:3

Jisu-nü atsingdhingba khüdunü lalingcho, “Mosa-nü nührü khyang tu yuzengjücho?”

MARK 12:10

Nührünü Azengtacho hi mükhidhingcho ang: “‘Kuthsarütinü müdhsütahba lung tsü, apüm tenü ayingba kangcho.

YUSE ATSA LUK 16:29

“Abraham-nü yocho, ‘Arüh müzahsohnung Mosa ko azikehrüti lile, arühnü arüh yu nyisohng.’

YUSE ATSA LUK 16:31

Ta Abraham-nü yocho, ‘Arühnü Mosa ko azikehrü yu mühnyikhang, asücho lanü khürü kangli ronyesü arühnü müyudsinung.’ ”

YUSE ATSA LUK 24:25

Hütsüde Jisu-nü arüh te yocho, “Nührü dohrale, azikehrünü yocho atümung yudsinung khairale!

YUSE ATSA LUK 24:27

Ko Jisu-nü arüh te amüsa yula abi nengdang Mosa vakha chahnü dikehpü azikehrünü thrahcho apüm la tu yo liro changnah yocho.

YUSE ATSA LUK 24:44

Hütsüpü abinü arüh te yocho, “Mosa vakhala, azikehrütinü thrahchola ko Nengsekhi la I nengdang thrahcho lüpcho tikehnungepü Ih nührü te lide yobasü hiri nengdange.”

JOHAN 1:45

Filip-nü Nathanael shiro abi te yocho, “Mosa-nü Yuzeng vakhala ko azikehrütinü sü nengdang thrahcho hütsü ihrünü nguko. Abi Nazaret lanü Josef tsurü Jisu.”

JOHAN 5:32

Ta I nengdang yuzi jürü nyüh khüdu lile, ko abinü I nengdang yuzi jüba tsü yuje-epü Ihnü müdhele.

JOHAN 5:36

Ta Johan-nü jücho yuzi tenü I yuzi adiu lile:

JOHAN 5:40

Ta akang ngunung nengdang nührünü I yanglang ronung mülümre.

JOHAN 5:46

Nührünü Mosa chah yujenü yudsirelang, I chahsü yudsibae, tunüo abinü I nengdang thrahcho.

JOHAN 7:52

Arühnü lalingcho, “Tsale, nüh mii Galilrü mah-o? Amüsa yu tsü khidhing, Galil lanü tu azikehrü müchüronung ko nühnü ngunung.”

RIWÜRÜTI NGUCHI 13:27

Tunüo Jerusalem la lirü ko arüh langnürünü abi tsü Kangchehjübaepü mütsüpcho, mahkhang arühnü Sabath nyümong mükhu khiba azikehrüti yu tsü münyicheh. Ta arühnü Jisu mülangjücho khu azikehrüti yu tikehsohcho.

RIWÜRÜTI NGUCHI 17:11

Hütsüla liba nyitsarüti tsü Tesalonikarü tenü asasaba thsacho. Arühnü yu tsü dee longphi nyicho, ko Paul-nü yoba tsü yuje a mahnang müdhenung nengdang nyümong müthe arühnü amüsa yu tsü khicho.

RIWÜRÜTI NGUCHI 26:27

Yangthsarü Agrippa, nühnü azikehrü yu yudsirü mah-o? Nühnü yudsirepü Ihnü müdhele!”

ROMRÜ 1:2

Amüsa yula thrah licho kyo, Yuse Atsa tsü Tsingrangba-nü azikehrüti khu papadenü nyengchocho lile.

ROMRÜ 3:2

Langkhüru la ajingcho khütang lile. Akhudibala, Jihudarü khyang Tsingrangba-nü abi yusi jücho.

AZIKA YU 18:15

Hütsü mülih, nührübürü nyitsarü yolanü abinü nührü khyang Ih kyo azikehrü khüdu müthehchünung ko nührünü Abi yu nyieng.

AZIKA YU 18:18

Ihnü arüh yang nüh kyo arühbürü nyitsarü yolanü azikehrü khüdu müthehchünung; abinü tu chonung Ihnü yonung, ko Ihnü mülacho lüpcho abinü müyurü te yonung.

AZIKA YU 29:29

“Abüdongba Ihsa Tsingrang-nü rang yohpücho khürü lile; ta Abinü Abi Yuzeng mishako ko hütsü Ihsa ko Ihsa shümtsurünü achangka müli bichinung.

AZIKA YU 32:47

Hiri adoba hi adeng mah; arüh tsü nührü akang lile. Hütsüri bichieng, khang nührünü khyünung liba Jordan khüulang alih la tsü nührü kutsüp linung.”

KOLOSIRÜ 3:16

Khrista yu tsü nührü lasih la thangchi lisohng. Lümlong apümnü nührü khüdu e khüdurü dotang ko thülatang. Nengsekhi, mübükhi ko amüsa khi thsaang; Tsingrangba khyang nührü lasih la anengse jo thsaang.

IBRIRÜ 11:16

Ta, arühnü atsauba ninglanglih nengdang mükhyah lümcho. Hütsünü Tsingrangba-nü arüh shulüm abi arüh Tsingrang ko dsinung müshahre, tunüo arüh nengdang abinü yangdi khüdu rungnüm lile.

IBRIRÜ 11:35

Yudsinü khingkurünü arüh tsutpurü asücho lanü kanglisohcho. Khürü akang atsauba la kanglinung nengdang mülehchehsohpü dhsümthsesohcho.

JOSHUA 1:8

Lede Yuzeng vakha tsü nührü mübüde khieng. Nyangnyü romang mükhu hütsü khieng ko hütsüla thrah licho apüm bichieng. Hütsükhang, nüh müwanung ko akoh linung.

MISHACHO 19:10

Ihnü abi mübünung ajingte mükhukehcho, ta abinü Ite yocho, “Hütsüta tüthsa! Ihsü nüh ko nü jünirüti ko Jisu yuzi bichirü, atümung te müjang dikehrü khüdu lile. Tsingrangba du mübüng!” Tunüo Jisu-nü mishaba yuje tsünü azikehrüti thsümüsure.