JOHAN 5:30 - AMÜSA BAIBEL (BSI)

³⁰ “Ihnü I jangjang tusü münguchicheh; Tsingrangba-nü Ite yocho roh-i du Ihnü khare, hütsünü I yukhaba tsü yuje, tunüo Ihnü I khyünyücho roh-i mah, ta I riwüsohbanü khyünyücho du nguchinung müküpre.

JOHAN 5:30 Iomraidhean Croise

LIPOH 18:25

Yuje, Nühnü münyirü yola amüsarü müchangjünung. Hütsü amükohnung! Nühnü hütsü münguchicheh. Nühnü hütsüta nguchide, amüsarü tsü münyirü yola khingchire. Hütsü amükohnung. Limih apüm yu tsü yujenü khanung.”

NENGSEKHI 96:13

mürong la singdongtinü akünyangnü züdenung. Abinü alimih yuchoti Amüsa ko yujenü yangthsathsanung.

ISAYA 28:6

Sürünü yukharo arüh khyang yujeba ko tbükhüm nyahrü khyang müci mülah lümlong Abinü jünung.

ZEFANIA 3:15

Abüdongba-nü nü akhingchi changkajüko; Abinü nü rorüh apüm khyükhujüko. Abüdongba Israel Tsingrang nührü te lile; adelü tu adrünung mühle.

MATHI 26:39

Abinü khü wüpü, alih la hapkeh dangkhidangnangcho, “Uwa, hi akohnung thsakhang, I chahnü hiba chongcha shing hi khyümüing! Ta I lümcho mah, nü lümcho thsaang.”

JOHAN 14:10

Ih Au chah ko Au I chah lirepü nühnü yumüdsirü do?” Ihnü nührü te yoba yu hiri I lümyunü yorü mah, ta Au, sü I chah liro, abinü apu nguchi nguchire.

JOHAN 17:4

Nü ahechi Ihnü limih la hechisohko; ko nühnü I khyang nguchinung jücho nguchi tsü thümko.

JOHAN 18:11

Jisu-nü Peter te yocho, “Nü nohsheng tsü nohtrüp la yohng! I U-nü jüba shing tsü Ihnü müyongnung do?”

JOHAN 4:34

Jisu-nü arüh te yocho, “I tsuyongnung tsü,” “I riwüsohba yochonyinung ko I khyang jücho nguchi thüm nguchinung.

JOHAN 5:19

Hütsünü Jisu-nü arüh te lalingcho, “Ihnü nührü te yutsatsa yore: Aunü nguchi ngucho chah khu Atsudhrenü apu jangjangthsa tusü münguchicheh. Aunü tu nguchinang, Atsudhre nüsü hütsü du nguchire.

JOHAN 6:38

tunüo Ipu lümcho nguchinung mah, ta I riwüsohba lümcho nguchinung nengdang Ih ninglangnü jürocho.

JOHAN 8:28

Hütsünü abinü arüh te yocho, “Khode nührünü Nyitsarü Tsurü dhikehnang, nührünü ‘Ih tsü Abi’ epü müdhenung; hütsüde Ihnü I lümyunü tu müchore, ta I U-nü yocho du yorepü nührünü müdhenung.

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

JOHAN 8:50

Ihnü Ipu nengse müyangchire, hütsü yangchiba ko yukhaba khüdu lile.

ROMRÜ 15:3

Tunüo Khrista-nü apu künyangnung tu münguchi, ta amüsa yunü yocho kyo, “Nü chah phungkehba müthsamünyü tsü I chah küroko.”

ROMRÜ 2:2

Hiri kyo nguchirü Tsingrangba-nü yukhaba tsü athsalangepü Ihsanü müdhele.

ROMRÜ 2:5

Ta nührü lasih azi ko amüküp thsachonü, Tsingrangba rihlong chüroba ko yuje yukhaba misha nyümong nührü akhingchi tsü alaa du adiu külüpre.