JOHAN 5:23 - AMÜSA BAIBEL (BSI)

²³ abinü atsudhre khyang yukhanung tase apüm jopehko. Sünü Atsurü jengreng müdrüro, abinü abi riwüsohba Au jengreng müdrüre.

JOHAN 5:23 Iomraidhean Croise

NENGSEKHI 2:12

dhridhrinü Abi jingte mükhukehng; mahkhang Abi zii zah chüronung ko nührü dhrongyengnü sünung. Khümchosohnung sürünü Abi yang würo arüh amüwanung.

ISAYA 42:8

“Ih du, nü Tsingrang, Abüdongba. Apa tsingrangnü I ahechi müchangtacheh; Ihnü kyothri khyang I nengse müchangtasohnung.

ISAYA 44:6

Abüdongba, Israel yangthsaba ko khümchoba, Akohbanü hita yore: “Ih adikeh, ko achangka Tsingrang; I chah khu apa Tsingrang mühle.

ISAYA 45:15

Israel Tsingrang, sünü Abi nyitsarü khümchoro ko Abi tsü ajangjang rang liba Tsingrang.

ISAYA 45:21

Rung ko yukhachah nührü yuzi jüng; Arüh khümrü arüh jangjang kihtasohng. Sünü papadenü atikehnung choyohcho? Hütsü, Ih, Abüdongba, sünü apu müyurü khümchocho Abinü mahrü ang? Apa Tsingrang mühle.

ZEKARIA 9:9

Künyangtaang, Zion-rü! Akünyangnü züdeing, nührü Jerusalemrü! Dhing, nührü yangthsaba nührü yang role! Abi akoh ngu rore, ta longlüm kang Gadu za khüdu chah pümpü rore.

MATHI 10:37

“Sünü palu au mahkhang atpa I tenü alaa müinang abi I mono thsanung adekheng mah; Sünü palu tsurü mahkhang atsularü I tenü alaa müinang abi I mono thsanung adekheng mah.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 12:21

ko yuchoti atümung alongdi yohpünung.”

MATHI 15:8

“Hiri nyitsarünü abe dunü I jengreng drüre, ta arüh lasih I tenü ashu za lile.

MATHI 28:19

Hütsüeko yucho apümlang wüng, ko arüh I mono kangsohng: Au, Atsurü ko Anbü Amüsa nengla arüh baptijüng.

YUSE ATSA LUK 10:16

Jisu-nü amonoti te yocho, “Sünü nührü te nyiro, abinü Ite nyire; sünü nührü mükhyüchoro abinü Ih mükhyüchore; ko sünü Ih mükhyüchoro abinü Ih müthehbong mükhyüchore.”

JOHAN 14:1

Jisu-nü arüh te yocho, “Nührü tülongri; nührünü Tsingrangba chah yudsing ko I chahsü yudsing.

JOHAN 16:14

Abinü Ih hechinung, tunüo Ihnü tu yonang abinü hütsü du nührü te müdhesohnung.

JOHAN 17:10

I licho apüm nüyo ko nü licho apüm I yo; ko I ahechi tsü hütsüri khu ngusohre.

ROMRÜ 1:7

Hütsüta Tsingrangba-nü müiba ko apu nyitsarü thsanung Rom la lirü nührü atümung yang Ihnü thrahre. Ihsa Au Tsingrangba ko Abüdongba Jisu Khrista chahnü nührü yanglang achomang ko atbachi thsaang.

ROMRÜ 15:12

Adesü Isaya-nü yore, “Yangpirüti michah yangthsanung, Jesse ra lanü chüronung; Ko arüh alongdi abi chah linung.”

ROMRÜ 6:22

Ta ade nührü amünyi lanü lehcheh Tsingrangba yurü lile. Nührü ajingcho tsü abi nengdang khakhuchüjüba ko hütsü amii tsü müchangkaba akang tsü lile.

ROMRÜ 8:9

Ta Tsingrangba Nbü nührü chah likhang; nührü shutsa la mah, ta Anbü la lire. Sü chah Khrista Nbü müliro abi tsü abi yo mah.

1 KORINTRÜ 1:3

Ihsa Au Tsingrang ko Abüdongba Jisu Khrista chahnü nührü khyang achomang ko atbachi thsaang.

1 KORINTRÜ 10:31

Hütsüeko, nührünü tu nguchinang, tsunye ko yongnye, Tsingrangba hechinung nengdang nguching.

1 KORINTRÜ 16:22

Sünü Abüdongba mümüiro abi chokehchola thsaang. Marana tha Ihsa Abüdongba, rung!

1 KORINTRÜ 6:19

Nührü fü tsü, Tsingrangba-nü jüba nührü chah liba Anbü Amüsa amübükuh lilepü nührünü mümüdherü do? Nührü abürü yo mah ta Tsingrangba yo;

2 KORINTRÜ 1:9

Ihrü süsohnung rungnümkopü ihrünü lümcho. Ta hi tikehba tsü ihrübürü chah mah, ta Tsingrangba sünü asürü kanglisohro, abi chah dümpisohnung licho.

2 KORINTRÜ 13:14

Abüdongba Jisu Khrista achomang, Tsingrangba amüi ko Anbü Amüsa azehba nührü atümung te lieng.

2 KORINTRÜ 5:14

Khrista amüinü ihrü rahre, tunüo atümung nengdang nyüh khüdu süchoepü ihrünü khyüchore, adüzü nührü atümung abi te sücho.

2 KORINTRÜ 5:19

Tsingrangba-nü Khrista khu amüi tsurü apüm abi shangrü kangsohba tsü ihrü yusi lile. Tsingrangba-nü arüh münyiti mükhichi ko abinü khüta arüh tsü abi shangrü kangsohcho, hütsü yoba yusi tsü ihrü khyang jücho.

EFESIARÜ 6:24

Sürünü Ihsa Abüdongba Jisu Khrista müthrehpü müiro, arüh atümung te Tsingrangba achomang thsaang.

2 TIMOTI 1:12

ko hi nengdang Ih hita chongchare. Ta Ihnü müshahre, tunüo Ihnü sü chah yudsiro abi müdhele, ko abinü I khyang tu nyümkehjücho hütsü abi royingcheh abinü nyahnungepü Ihnü tsüple.

IBRIRÜ 1:6

Ta Tsingrangba-nü limih yang Atsudhre aukhuba müthehde, abinü yocho: “Tsingrangba riwürüti atümungnü abi mübünung.”

2 PETER 1:1

Jisu Khrista dikehrü ko riwürü Simon Peter chahnü— Ihsa amüsabong Tsingrang ko Kangchehjüba Jisu Khrista sü khu ihrü khyang roh-i thsidi yudsi jücho arüh yanglang:

2 PETER 3:18

Ta Ihsa Abüdongba, Kangchehjüba Jisu Khrista müdheba ko abi achomang la mütozah zieng. Abi te ade ko lede ahechi thsaang! Amen.

1 JOHAN 2:23

Tunüo sünü atsurü mükhyüchoro abinü Ausü mükhyüchore; sünü atsurü khyüchoro abinü Ausü khyüchore.

2 JOHAN 1:9

Sünü Khrista adobala mülipü alaa tsiro, abi chah Tsingrangba mühle; sü adoba la liro, abi chah Au ko Atsudhre anyüding lile.