JOHAN 5:20 - AMÜSA BAIBEL (BSI)

²⁰ Tunüo Aunü atsudhre müire ko apunü tu nguchiro apüm abi te ngusohre. Abinü hi tenü adiu nguchinung abi te ngusohnung, ko nührü atümung nyemüyangnung.

JOHAN 5:20 Iomraidhean Croise

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 17:5

Abi chota yade, nyükhi atsingse khüdunü arüh shüticho ko nyükhi la tsünü yuva khüdunü yocho, “Hiba hi Ipu amüiba Tsurü, sü chah I long kyangre, abi yocho nyieng!”

MATHI 3:17

Ko dhing ninglangnü yuva khüdunü yocho, “Hiba hi Ihnü müiba Tsurü, sü chah I long kyangre.”

MATHI 4:8

Hütsüpü motsingnü Jisu tsü azong athseng khüdu yang nowücho ko abi te limih yanglihti ko arüh ahechi atümung ngusohcho.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 10:32

Jisu-nü arüh te yocho, “I U-nü I khyang nguchinung jücho nguchi atsa adrong Ihnü nührü yola nguchiko; arüh yola nguchi khüiba nengdangnü nührünü I chah müpnyüro?”

JOHAN 14:12

Ihnü nührü te yutsatsa yore: Sünü I chah yudsiro Ihnü tu nguchiro abinü hütsü nguchinung, ho, abinü adiu mii nguchinung, tunüo Ih Au yanglang würe.

JOHAN 15:15

Ihnü adelü nührü te kulirü pü müdsire, tunüo kulirü khüdunü abüdongrünü tu nguchiro hütsü mümüdhere. Hütsü mahpü, Ihnü nührü te müyangrü pü dsire, tunüo I U chahnü yuchicho lüpcho Ihnü nührü te yoko.

JOHAN 17:26

Ihnü arüh khyang nüh müdhesohcho, ko nühnü Ih müiba tsü arüh chah linung, hütsünü Ihsü arüh chah linung nengdang, Ihnü mütozah hütsü roh-i nguchinung.”

JOHAN 3:35

Aunü atsudhre müire ko lüpcho abi kheh la yohjüko.

JOHAN 5:21

Aunü asürü kanglisoh akang lisohcho kyo, atsudhrenü abinü lümrüti khyang akang jüre.

JOHAN 5:25

Ihnü nührü te yutsatsa yonung: Bekhyah chii role, ko hütsü ade lile, khode asürünü Tsingrangba Tsurü yuva yuchinung, ko sürünü hütsü yuchiro arüh kangli ronung.

JOHAN 5:29

ko arüh kong lanü chüronung shikhe chii role; sürünü atsa nguchiko arüh kangli ronung ko linung; ko sürünü mütsa nguchiko arüh kangli ronung ko mülangjünung.

2 PETER 1:17

Au Tsingrang-nü abi khyang ahechi ko adhichi jüde ihrü hütsüla licho, hütsü amichahba ahechi lanü abi yang yuva rocho, “Hiba hi Ihnü müiba tsurü, sü chah I long kyangre!”