JOHAN 5:19 - AMÜSA BAIBEL (BSI)

¹⁹ Hütsünü Jisu-nü arüh te lalingcho, “Ihnü nührü te yutsatsa yore: Aunü nguchi ngucho chah khu Atsudhrenü apu jangjangthsa tusü münguchicheh. Aunü tu nguchinang, Atsudhre nüsü hütsü du nguchire.

JOHAN 5:19 Iomraidhean Croise

LIPOH 1:1

Adikehla Tsingrangba-nü ninglih thricho.

LIPOH 1:26

Hütsüpü Tsingrangba-nü yocho, “Ihsanü nyitsarü Ihsa tsah, Ihsa kyochola thrinung; ko arüh tsü nguh, uza ko kanglungrü apüm, kuh la kangba ko rangmü kanglungrü, azikyah ko amülah apüm michah abüdongrü kangsohnung.”

NENGSEKHI 138:3

Ihnü Nüh dside Nühnü lalingcho; Nü renü Ih rezehsohcho.

NENGSEKHI 27:14

Abüdongba chah longlang. Rezehng ko lasih zieng. Abüdongba chah longlang.

NENGSEKHI 50:6

Tsingrangba Amüsaba tsü ningnü sobhore, Abi tsü yukhabong.

NÜCHEHCHO 4:11

Abüdongba-nü abi te yocho, “Sünü nyitsarü khyang be jücho? Sünü nangtbengsohro mahkhang müle jahsohro? Sünü ngusohro mahkhang nahtohsohro? Hütsü Ih, Abüdongba.

CHOYOH 2:6

Tunüo Abüdongba-nü lümlong jüre; Abi chahnü amüdhe ko anyichehba rore;

ISAYA 44:24

“Ih Abüdongba, nührü khümchobong; Ih Abüdongba nührü thribong. Ih Abüdongba, lüpcho Thrirü. I mülengnü ning tsü lehmüthehcho; Ihnü alimih thride, sünüsü Ih mütro.

ISAYA 45:24

“Ih khu dunü akoh ko re ngunung arühnü yonung; ta I thrünyirü apüm ashah khyo chongchanung.

JEREMIA 17:10

Ih, Abüdongba-nü nyitsarü lümlong yangchire; ko lasiking thsadsüre. Nyitsarü mükhu abürü licho aichi bichire, abi nguchi aichi.”

MATHI 26:39

Abinü khü wüpü, alih la hapkeh dangkhidangnangcho, “Uwa, hi akohnung thsakhang, I chahnü hiba chongcha shing hi khyümüing! Ta I lümcho mah, nü lümcho thsaang.”

YUSE ATSA LUK 21:15

tunüo nührü rorüh sünüsü mülalingchehnung mahkhang müdongzinungthsa nührünü tu yonung Ihnü nührü khyang lümlong ko yu jünung.

JOHAN 10:18

Sünüsü I chahnü I kang khyünung mükoh. Hütsü Ipu lümyunü jüre. Hütsü jünung, ko khyülinung I chah tase kehle. Hi nguchinung I U-nü I khyang yuzeng jüko.”

JOHAN 12:49

Hi yuje, tunüo Ipu lümyunü mücho, ta Ihnü tu yonung ko tu chonung hütsü Au sünü Ih müthehcho apunü I khyang yuzengjücho.

JOHAN 12:50

Ko abi yuzi tsünü müchangkaba akang jürepü Ihnü müdhele. Hütsünü Ihnü tu choro, hütsü Aunü Ite chonung yochoba lile.”

JOHAN 14:10

Ih Au chah ko Au I chah lirepü nühnü yumüdsirü do?” Ihnü nührü te yoba yu hiri I lümyunü yorü mah, ta Au, sü I chah liro, abinü apu nguchi nguchire.

JOHAN 2:19

Jisu-nü lalingcho, “Amübükuh hi tphünahng, ko nyümong asangla Ihnü thali thsachehnung.”

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 5:21

Aunü asürü kanglisoh akang lisohcho kyo, atsudhrenü abinü lümrüti khyang akang jüre.

JOHAN 6:38

tunüo Ipu lümcho nguchinung mah, ta I riwüsohba lümcho nguchinung nengdang Ih ninglangnü jürocho.

JOHAN 8:28

Hütsünü abinü arüh te yocho, “Khode nührünü Nyitsarü Tsurü dhikehnang, nührünü ‘Ih tsü Abi’ epü müdhenung; hütsüde Ihnü I lümyunü tu müchore, ta I U-nü yocho du yorepü nührünü müdhenung.

JOHAN 9:4

Atsingsela Ihsanü I riwüsohba nguchi nguchinung; tunüo sünüsü münguchichehnungthsa ama tsü tsehle.

RIWÜRÜTI NGUCHI 2:24

Ta Tsingrangba-nü abi asüba zii lanü lehcheh kanglisohcho, tunüo asünü abi ranglinung tsü amükohnung thsacho.

ROMRÜ 6:4

Hütsünü, khüta Au ahechi zii khunü Khrista asücho lanü kanglisohcho, hütsüta Ihsasü akang asi la linung shulüm, Ihsa baptiba tsünü abi te dhrürangre, ko abi asü la changtare.

ROMRÜ 8:11

Jisu asücho lanü kanglisohba Tsingrangba Nbü nührü chah likhang, nührü chah Anbü licho khu Khrista asücho lanü kanglisohbanü nührü asüba fü khyangsü akang jünung.

1 KORINTRÜ 15:12

Ade, ihrünü Khrista asücho lanü kanglichoepü thsingyukhang, asürü kangliba mülinungepü khüta nührü yola khürünü yoro?

2 KORINTRÜ 4:14

Tsingrangba sünü Abüdongba Jisu kanglisohcho, abinü ihrüsü Jisu te kanglisohnung, ko abi jingte nührü yola nowünungepü ihrünü müdhele.

2 KORINTRÜ 5:10

Tunüo Ihsa atümung Khrista yukhaba bete yanung. Nyitsarü müipi afü la lide nguchi aichi, atsanye amütsanye, aleng ngunung.

EFESIARÜ 2:5

Ihsa ayocho mühnyichonü, anbü la asücho thsa lide abinü Ihsa Khrista te kanglisohcho. Tsingrangba achomang khu nührü khümcho lile.

EFESIARÜ 3:16

Abi athangchi ahechi lanü abi anbü khu nührü ayonglang anbü la rezehsohnung zii jüng pü,

FILIPIRÜ 3:21

Abinü tase khüi khu lüpcho abi pohki yohpücho, hütsüba tase bichi abinü Ihsa sumüzeh asüba fü hi apu ahechi fü kyo mülichi kangsohnung.

FILIPIRÜ 4:13

Ih rezehsohba Jisu Khrista la Ihnü apüm nguchinung kohle.

KOLOSIRÜ 1:11

Nührünü lüpcho la rangchochehnungthsa, abi ahechi zii lanü roba suh tsünü nührü rezehsohng.

KOLOSIRÜ 1:16

Tunüo Tsingrangba-nü ning ko alih la, nguba ko münguba kohroti, yangthsarü pümji thsanye mahkhang yanglihti thsanye, yangthsarüti mahkhang taseti lüpcho abi khu ko abi nengdang thricho. Tsingrangba-nü ning alih atümung abi khu ko abi nengdang thricho.

1 TESALONIKARÜ 4:14

Ihsanü Jisu tsü sücho ko kanglichoepü yudsire, hütsü roh-i Tsingrangba-nü abi chah yudsipü sürüti tsü Jisu te notsinung Ihsanü yudsire.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

MISHACHO 2:23

Abükyü khanglang iiwürüsü atümung Ihnü kyüsehnung, hütsüpü du lithroti apümnü nyitsarü müipi lümcho müdhebong tsü Ih-epü müdhenung. Ihnü nührü nyitsarü müipi khyang palu nguchi aleng jünung.