JOHAN 5:18 - AMÜSA BAIBEL (BSI)

¹⁸ Abinü Sabath nyümong thsangnyangcho du mah, ta Tsingrangba tsü Au khungepü dsiba tsünü apu jangjang Tsingrangba kangrepü khüsha Jihudarünü abi müpsehnung dhrongcho.

JOHAN 5:18 Iomraidhean Croise

ZEKARIA 13:7

Akohbong Abüdongba-nü yore, “Jesung, nohsheng, ko I nengdang nguchiba San-nyahba tsü being! Abi kyüsehng, ko santi tsü tsipitsizanung.

MATHI 12:5

Mahkhang Sabath nyümong mükhu amübükuh la liba Bebürütinü Sabath nyümong yuzeng thsangnyangrü ta arüh mümülangjürü, hütsü nührünü Mosa Yuzeng la mükhidhingcho ang?

JOHAN 1:19

Jerusalem la Jihudarü zirünü Johan yanglang abi te, “Nüh süo” pü tsingdhingnung Bebürü ko Levirü khürü müthehcho.

JOHAN 10:30

I U Ihjü khüdu du.”

JOHAN 10:33

Arühnü lalingcho, “Nguchi atsa nengdang Ihrünü nü chah müpnyürü mah, ta Tsingrangba müchümükehcho ngang! Nüh nyitsarü khüdu du, ta nühnü Tsingrangba kangnyüre!”

JOHAN 14:23

Jisu-nü abi te lalingcho, “Sünü Ih müiro abinü I adoba bichinung. I U-nü abi müinung, ko I U ko Ih abi yang ro abi te linung.

JOHAN 14:9

Jisu-nü lalingcho, “Filip, Ih nührü te hitoi nyahli liko; ta nühnü Ih mümüdherü ang? Sünü Ih ngucho abinü Au nguko. Khang khütapü nühnü, ‘Ihrü te Au ngusohng pü yoro’?

JOHAN 19:7

Sühdi tsünü lalingcho, “Ihrü yuzeng khüdu lile ko hütsünü abi sübae, tunüo apunü abi Tsingrangba Tsurüepü yore.”

JOHAN 5:15

Hütsüde nyitsarüba tsü tsicho ko abi kyangjüba tsü Jisuepü Jihudarü yangbe te yocho.

JOHAN 5:16

Hütsünü arühnü Jisu dhsümthsenung dikehcho, tunüo abinü hi Sabath nyümong nguchicho.

JOHAN 5:17

Jisu-nü arüh te lalingcho, “I U-nü lede nguchire ko Ihnüsü nguchibae.”

JOHAN 5:23

abinü atsudhre khyang yukhanung tase apüm jopehko. Sünü Atsurü jengreng müdrüro, abinü abi riwüsohba Au jengreng müdrüre.

JOHAN 7:1

Hütsüpü khanglang, Jisu-nü Galil la rachicho; ta Judea lalü mürachinyücho, tunüo Jihudarünü abi müpsehnung yangchicho.

JOHAN 7:19

Mosa-nü nührü khyang Yuzeng müjücho do? Ta nührü sünüsü yuzeng tsü mübichi. Tuepü nührünü Ih müpsehnung müküpro?”

JOHAN 8:54

Jisu-nü lalingcho, “Ihnü Ipu jangjang hechikhang, ahechi hütsü tu mah, sünü Ih hechiro abi tsü nührünü nührü Tsingrangepü yoba I U lile.

JOHAN 8:58

Jisu-nü arüh te lalingcho, “Ihnü nührü te yutsatsa yore: Abraham müsuroedenü Ih licho.”

FILIPIRÜ 2:6

Abi chah lede Tsingrangba saying kehcho, ta abinü khingnü Tsingrangba kyo kangnung mülüm.

MISHACHO 22:1

Ninglang riwürünü akang kih shurülung kyo ariri, Tsingrangba ko Sanza pümji lanü chüro

MISHACHO 22:3

Hiba yangdila Tsingrangba-nü chokehcholacho tusü müngunung. Hiba yangdila Tsingrangba ko Sanza yangthsaba pümji linung, ko abi dikehrünü abi mübünung.