JOHAN 4:48 - AMÜSA BAIBEL (BSI)

⁴⁸ Jisu-nü abi te yocho, “Thsayahiya ko anyemüyangnung münguchidelü nührü sünüsü müyudsinung.”

JOHAN 4:48 Iomraidhean Croise

DANIEL 4:2

Amichahba Tsingrang-nü Ite ngusohcho anyemüyangnung ko thsayahiyati hi nyieng.

DANIEL 6:27

Abinü khümchore ko iichore; Abinü ninglang ko alih la anyemüyangnung ko thsayahiya nguchire. Abinü kihkhünyingnü mükahsehnung lanü Daniel khümchoko.”

KHIDHINGCHO 14:11

Abüdongba-nü Mosa te yocho, “Nyitsarü hirinü khütoi nyahli Ih mükhyüchonung? Ihnü arüh yola thsayahiya nguchi hitoi nguchinye, hirinü khütoi nyahli I chah longmülangnung?

MATHI 16:1

Farisirü ko Sadukirü khürü Jisu thsadsünyo abi yang rocho ko arühnü thsayahiya khüdu ngusohngpü tsingdhingcho.

MATHI 24:24

Tunüo arahkheh Mesia ko arahkheh azikehrüti chüronung; kohkhang, arühnü Tsingrangba athrochehrüti mii thsüyohchünung nengdang thsayahiya ko anyemüyangnung nguchinung.

MATHI 27:42

“Abinü bürülü khümchocho, ta apulü mükhümchochehre! Israel yangthsaba tsü abi mahrü do? Abinü ade khala chah tsünü jürokhang, Ihrünü abi chah yudsinung!

MARK 13:22

Tunüo arahkheh Khristanti ko arahkheh azikehrüti chüronung. Kohkhang, arühnü athrochehcho nyitsarüti miinü kihyochünung nengdang thsayahiya ko anyemüyangnung nguchinung.

YUSE ATSA LUK 10:18

Jisu-nü arüh te lalingcho, “Ninglangnü ningmüla roh-i Satan shohjocho Ihnü nguko.

YUSE ATSA LUK 16:31

Ta Abraham-nü yocho, ‘Arühnü Mosa ko azikehrü yu mühnyikhang, asücho lanü khürü kangli ronyesü arühnü müyudsinung.’ ”

JOHAN 12:37

Abinü arüh bete amüdhethsa hütsütoi nguchinyesü, arühnü abi chah müyudsicho;

JOHAN 15:24

Ihnü arüh yola sünüsü münguchicho nguchi tsü münguchirelang arüh münyi müliba thsacho; ta adelü Ihnü tu nguchicho; arühnü nguko, arühnü I U Ihjüding thrünyire.

JOHAN 2:18

Jihudarü yangbenü tsingdhingcho, “Nü chah hiri nguchinung tase lilepü müdhenung nühnü ihrü te tu thsayahiya nguchinung?”

JOHAN 20:29

Jisu-nü abi te yocho, “Nühnü Ih nguchonü yudsirü mah-o? Sürünü Ih müngupü yudsiro arüh khütoi akünyangnung!”

JOHAN 4:49

Adiba tsünü yocho, “Abüdongba, I tsurü müsü denü I yola rung.”

RIWÜRÜTI NGUCHI 14:3

Riwürütinü hütsüla nyümong asheng mungnü Abüdongba nengdang rezeh chocho; ko abi achomang nengdang arüh yusi tsü yuje-epü yuzi nengdang arüh khyang thsayahiya ko anyemüyangnung nguchinung zii jücho.

RIWÜRÜTI NGUCHI 15:12

Barnabas e Paul nyühnü Tsingrangba-nü arüh khu yangpirüti yola thsayahiya ko anyemüyangnung nguchicho yode amülungshünü sahmüthsa nyicho.

RIWÜRÜTI NGUCHI 2:19

Ihnü amilang ningchah thsayahiya ko apohki alih la anyemüyangnung nguchinung. Hütsüla ashüh, michang ko mikhu acheh linung.

RIWÜRÜTI NGUCHI 2:22

“Israelrü, yu hiri nyieng! Nazaret-rü Jisu tsü nyitsarü khüdu thsacho ko abi amüsa tase tsü nührü te thsayahiya ko anyemüyangnung apüm abi khu Tsingrangba-nü nguchicho tsünü tsidsa yuzi jüre. Nührübürünü hi müdhele, tunüo hi nührü yola tikehko.

RIWÜRÜTI NGUCHI 2:43

Thsayahiya ko anyemüyangnung adrong riwürüti khu nguchicho, ko atümung adrünü jengcho.

RIWÜRÜTI NGUCHI 4:30

Nü Amüsa Kulirü Jisu nengla amüdhethsa ko thsayahiya nguchinung mülajüng ko kyangjünung nü kheh müyungchüng.”

RIWÜRÜTI NGUCHI 5:12

Nyitsarüti yola riwürütinü thsayahiya ko anyemüyangnungti adrong nguchicho. Ko yudsirüti atümung Solomon kekhüm la müjang shibülungcho.

RIWÜRÜTI NGUCHI 6:8

Stefan, Tsingrangba-nü khütang müwajüba nyitsarü khüdu, ziinü jeng nyitsarüti yola thsayahiya ko anyemüyangnung adrong nguchicho.

RIWÜRÜTI NGUCHI 7:36

Abinü Ijip lanü anyitsarü nüchehcho; ko lipilih la kang yüre Ijip la ko amoh kihdi la thsayahiya ko anyemüyangnungti nguchicho.

ROMRÜ 15:19

thsayahiya ko anyemüyangnung zii ko Tsingrangba Anbü zii khu nguchire. Hütsüta, Jerusalem lanü Ilerikum chii tsehnü, Ihnü Khrista nengdang Yuse Atsa ajeng thsingyuko.

1 KORINTRÜ 1:22

Jihudarünü thsayahiya ngunyüre, ko Greek-rünü lümlong yangchire.

2 KORINTRÜ 12:12

Ih riwürü khüduepü yuzi tsü, nührü yola rangcho nguchiba thsayahiya ko anyemüyangnung nguchiba tsü lile.

2 TESALONIKARÜ 2:9

Akhürahbong tsü Satan zii la ronung, ko arahkheh anyemüyang ko thsayahiya lüpcho nguchinung,

IBRIRÜ 2:4

Hütsüde tsü Tsingrangba-nü thsayahiya langkhüru ko amüdhethsa nguchinü ko apunü lümchonü Anbü Amüsa Jiyü changtajo yuzi alaa arüh khyang lahkehjücho.