JOHAN 4:23 - AMÜSA BAIBEL (BSI)

²³ Ta yuje mübürütinü anbü la ko yuje la Au mübünungthsa bekhyah tsü tsehle, ko hütsü ade lile, tunüo Aunü abi mübürü hitari yangchire.

JOHAN 4:23 Iomraidhean Croise

1 ROHTHÜP 29:17

Nühnü apüm lasih thsadsüre ko yuje nyitsarü te longkyangre. Yuje cho ko lasih apümnü Ihnü hiri apüm Nü khyang jüre ko hila shibülung liba müyurünü künyangseh Nü khyang amübü hirocho Ihnü nguko.

NENGSEKHI 147:11

ta Abinü Abi dhichirüti chah künyangre, müthrehba amüila longlangrüti chah künyangre.

NENGSEKHI 17:1

O Abüdongba, yuje nengdang I kihchicho nyieng; arüku nengdang I züde nyieng! I dangkhidangnangcho nyijüng.

NENGSEKHI 32:2

Sü khyang Abüdongba-nü mümülangjüro ko sü lasih la thsüyohchüba müliro abi akünyangnung.

NENGSEKHI 51:6

Nühnü dhsütahba tsü müci jüba ko yuje tsü lile; Nü lümlongnü I lasih jengjüng.

CHOYOH 15:8

Nyitsarü atsanü dangkhidangnangde Abüdongba künyangre, ta amütsarünü amübü hiroba tsü Abinü thrünyire.

SOLOMON KHI 2:14

Nüh lungdhong la rang pümba mümüdhrü kyole. Adhingnyünung nü romih I khyang ngusohng ko nü yuva yuchisohng.

ISAYA 10:20

Israelrü amütrühnü adelü arüh mahba yucho chah müdümpinung nyümong tsehle. Arühnü yuje arüh alongdi Abüdongba Israel Amüsa Tsingrang chah yohpünung.

ISAYA 29:13

Abüdongba-nü yocho, “Hiri nyitsarünü Ih mübürepü yore, ta arüh yu tsü amii mühle, ko arüh lasih apalang lile. Arüh yudsi tsü nyitsarü yuzeng ko yukheh arühnü lümkehcho du lile.

ISAYA 43:21

Arüh tsü Ipu nengdang Ihnü thricho, ko arühnü I nengsekhi thsanung.”

ISAYA 58:2

Arühnü I lang müdhenyü ko I yuzeng bichinyü nyümong müthe Ih mübüre. Arühnü Ih künyang mübünungthsa arüh khyang yujeba yuzeng tsü jüsohnyü yore.”

JEREMIA 3:10

Hiri apüm khanglang, yuje mücholatpü Israel nirü Juda-nü Ih yang thali rorüh kyo ngusohcho; ta hütsü lümkhungnü mah. Ih, Abüdongba-nü choko.”

JEREMIA 4:2

nührünü I nengla yuchümnung tsü athsalang linung. Hütsüde yucho apümnü arüh müwajüng pü Ite kihchinung ko arühnü I neng senung.”

EZEKIEL 22:30

Ihnü nyitsarü khürü sünü tbü khüdu külüpchehnung, sünü tbü trümnahcho müdümla tsü yachehnung ko I rihlong chüro hütsü thsangnyangjünung thsade tsungtichehnung, hitari yangchire, ta Ihnü hütsütari müngure.

JOHAN 1:17

Tsingrangba-nü Yuzeng tsü Mosa khu jücho, ta achomang ko yuje tsü Jisu Khrista khunü rocho.

JOHAN 12:23

Jisu-nü arüh te lalingcho, “Nyitsarü Tsurü ahechi arangcheh khyüchonung becho chihko.

JOHAN 16:2

Sinagog lanü nührü iipehnung, ko sünü nührü müpsehnang abinü Tsingrangba dikehrepü lümnungba bekhyah tsehle.

JOHAN 16:32

Nührü palu kulang I müleng pehjüpü tsishonung shikhe tsehle, ko hütsü chipehko. Ta I müleng tsatsa mah, tunüo Au Ite lile.

JOHAN 4:21

Jisu-nü abükyü te yocho, “Khingkurü, I yu yudsing, nührünü hiba zong lanye, Jerusalem lanye Au mümübünung shikhe ronung.

JOHAN 5:25

Ihnü nührü te yutsatsa yonung: Bekhyah chii role, ko hütsü ade lile, khode asürünü Tsingrangba Tsurü yuva yuchinung, ko sürünü hütsü yuchiro arüh kangli ronung.

JOHAN 5:28

Hinü tünyemüyang; asürü atümungnü abi yuva yuchinung

ROMRÜ 1:9

Ihnü yoba tsü yuje, ko hütsü Tsingrangba tsurü, sü nengdang Ihnü I lasih apümnü Yuse Atsa thsingyuro, abi I yuzi lile.

ROMRÜ 8:15

Tunüo Tsingrangba-nü jüba Anbünü nührü ayurü mükangsoh ko müdrüsohre; ta anbü tsünü nührü Tsingrangba tsurüti kangsohre ko Anbü zii tsünü Ihsanü Tsingrangba te, “Abba! Uwa, pü dsire.”

ROMRÜ 8:26

Hütsü kyo Anbünü Ihsa sumüzehba trore. Tunüo Ihsanü khüta dangkhidangnangnung hütsü mümüdhe; ta anbünü Ihsa nengdang yunü müchochehnungthsa rühchi kihchijüre.

GALATIARÜ 4:6

Nührü abi tsurü thsachonü, Tsingrangba-nü apu tsurü anbü Ihsa lasiking la zürosohcho, ko hiba anbünü, “Uwa, Uwa” pü züdere.

EFESIARÜ 6:18

Hiri apüm tsü Tsingrangba atroba nengdang dangkhidangnang nguching. Anbünü nücho la lede dangkhidangnang. Hi nengdang lümkang ko khodesü tükhuchü; Tsingrangba nyitsarü atümung nengdang lede dangkhidangnangjüng.

FILIPIRÜ 3:3

Yuje amüjüp-pehrü tsü arüh mah, ta Ihsa-e, tunüo Ihsanü anbü la Tsingrangba mübüre, ko Khrista Jisu la künyangre. Ihsanü amichah mamohmayang tulasü müyudsire.

JOSHUA 24:14

Joshua-nü mütozah yocho, “Hütsüeko ade, Abüdongba dhiching ko yuje cho abi dikehng. Nührü jümürünü Mesopotamia ko Ijip la mübüba tsingrangti tsü pehng ko Abüdongba du dikehng.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

1 SAMUEL 12:24

Abüdongba yocho nyieng ko nührü lasih apümnü Abi dikehng. Abinü nührü nengdang khütoi nguchicho hütsü lümchehng.