JOHAN 3:36 - AMÜSA BAIBEL (BSI)

³⁶ Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.

JOHAN 3:36 Iomraidhean Croise

JOB 33:28

Abinü Ih asülihlang wünung lanü Ih khümchoko, ko Ih ade akang lile.”

NENGSEKHI 2:12

dhridhrinü Abi jingte mükhukehng; mahkhang Abi zii zah chüronung ko nührü dhrongyengnü sünung. Khümchosohnung sürünü Abi yang würo arüh amüwanung.

NENGSEKHI 36:9

Nüh akang atümung pohchehji, ko Nü atsingse khu ihrünü atsingse ngure.

NENGSEKHI 49:19

Müchangkapü marürah liba, abi süde arüh jümürüti yang wünung.

HABAKUK 2:4

Ko yusi tsü hi: ‘Münyirü akang mülinung, ta amüsarü yudsinü arüh akang linung.’”

KHIDHINGCHO 32:11

Arühnü Ite yuje müchochonü, Ijip lanü chürorü kang mükyü ko amilangrü süsü Ihnü Abraham, Isak ko Jakob-rü te nyengchoba lih la müzüdunung Ihnü yuchümcho.

MATHI 25:46

Hütsütade hiri tsü müchangkaba akhingchi la züdusohnung, ta amüsarütilü müchangkaba akang langi wünung.”

MARK 16:16

Sünü yudsiro ko baptiro abi khümchonung; sünü yumüdsiro abi mülangjünung.

YUSE ATSA LUK 2:30

Ipu nahnü nü akangcheh nguko,

YUSE ATSA LUK 3:6

Ko nyitsarü atümungnü Tsingrangba akangcheh ngunung!’”

JOHAN 1:12

Ta abi khyüchorü atümung, sürünü abi nengla yudsicho, arüh khyang abinü Tsingrangba tsurü kangnung zii jücho;

JOHAN 10:28

Ihnü arüh khyang müchangkaba akang jüre, ko arüh khodesü müsünung. Ko I kheh lanü sünüsü arüh rohcho mühitsinung.

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 4:36

Sünü xaro abinü amii ngure, ko lede akang nengdang asih khyübülungre; hütsüta ashuba ko axaba anyüding künyangtare.

JOHAN 5:24

“Ihnü nührü te yutsatsa yonung: Sünü I yu nyiro ko I riwüsohbong chah yudsiro abi lede akang lile. Abi yu mükhanung, ta asü lanü akang langi wüpehko.

JOHAN 6:58

Hütsünü, hiba hi ninglangnü jürocho tsuyongnung; nührü jümürünü tsupü akhanglang süba tsuyongnung roh-i tsü mah. Sünü hiba tsuyongnung tsunang abi lede akang linung.”

JOHAN 8:51

Ihnü nührü te yutsatsa yonung: Sünü I yu nyiro abi khodesü müsünung.”

RIWÜRÜTI NGUCHI 14:2

Ta müyudsirü Jihudarütinü yangpirü ruhmüsu yudsirüti nyüm yasohcho.

ROMRÜ 4:15

Yuzengnü Tsingrangba rihlong hirore; ta khüde yuzeng müliro hütsüla amünyi mühle.

ROMRÜ 5:9

Abi sücho khu ade Ihsa Tsingrangba te langjüko; khang, abinü khütoh-i alaa Tsingrangba rihlong lanü Ihsa khümchonung!

ROMRÜ 8:1

Ade Khrista Jisu la lirüti nengdang mülangjüba mühle.

GALATIARÜ 3:10

Yuzeng bichicho chah sürü longlang liro arüh chokehchola pohki lire. Tunüo amüsa yunü yore, “Sünü yuzeng vakhala thrah licho apüm lede bichinang abi chokehchola pohki lile!”

EFESIARÜ 5:6

Amükhyu yunü sü khyangsü nührü tükiyohchüsoh, hitari khunü Tsingrangba rihlong chüroba abi yocho mühnyirü chah küdunung.

1 TESALONIKARÜ 1:10

ko atsudhre Jisu ninglangnü roba yingnung, sü abinü asücho lanü kanglisohcho, ko sünü aronung liba Tsingrangba rihlong chüronung lanü khümchoro, hiri nengdang nyitsarü atümungnü dangchire.

1 TESALONIKARÜ 5:9

Tunüo Tsingrangba-nü abi rihlong nengdang mah, ta Ihsa Abüdongba Jisu Khrista ro nyümong Ihsa akang linye ko sünye,

IBRIRÜ 10:29

Khang Tsingrangba Tsurü müthsamünyüba tsülü khütanung? Tsingrangba azengchocho shüh khüinü abi amünyi lanü müsachehjüro, hütsü mükhimüchorü khüta? Achomang Nbü müthsamünyürü khüta? Abi akhingchi khütoh-i amütsau lengro lümdhing!

IBRIRÜ 2:3

Hitoh-i akangcheh arangcheh Ihsanü thrüchahchüpehkhang, tu khüta Ihsanü tsiphunung? Hiba akangcheh hi Abüdongba apunü akhu züdecho, ko sürünü yuchicho arühnü Ihsa te yuje-epü yuzi jücho.

IBRIRÜ 3:18

Tsingrangba-nü yuchüm khüdunü, “Ihnü arüh khyang akyahshang jünung liba lih la tsü arüh khodesü müzüdunung” pü yoba tsü sürü nengdang thsacho? Anyümrüti nengdang chocho.

IBRIRÜ 3:19

Hütsü, arühnü müyudsicho khu hütsüla müzüduchehcho Ihsanü ngure.

MISHACHO 21:8

Ta adrürü, kihyochürü, amünyirü, amüpsehrü, mabomashirü, azi amongrü, kyothri mübürü ko arahkhehrü atümung khyang anyüuba asüba, michang ko miphoh truyaba shukuh jünung.”