JOHAN 3:34 - AMÜSA BAIBEL (BSI)

³⁴ Tsingrangba-nü müthehbong tsünü Tsingrangba yu chore, tunüo Tsingrangba-nü abi khyang Anbü ajeng jüre.

JOHAN 3:34 Iomraidhean Croise

2 YANGTHSARÜTI 2:9

Hütsüla Elija-nü Elisha te yocho, “Ih münotsiedenü nü nengdang I khyang tu nguchisohnyüro Ite young.” Elisha-nü yocho, “Ihnü nü mülih nguchichehnungthsa nü chahnü nü zii khyünyüre.”

NENGSEKHI 45:7

Nühnü yuje müire ko amütsa thrünyire. Hütsünü Tsingrangba, nü Tsingrang-nü nüh throchehcho ko aparü yangthsarü tenü nü chah alaa akünyang mükhakehjücho.

ISAYA 59:21

Ko Ihnü nührü te azengchotaba khüdu külüpre: Ihnü lede nengdang nührü khyang I zii ko I adoba jüre, ko ade tinü nührünü Ite yochonyinung, nüh, nührü tsuzarü ko shümtsurüti tesü aronung shang apüm la I yochonyinung doung.”

LEVIRÜ 7:35

Hiba hi Aron ko atsurüti bebürü kang khachehthro nyümong Abüdongba khyang mübücho lanü nohlüm jücho lile.

KHIDHINGCHO 11:25

Hütsüde Abüdongba nyükhila jürocho ko abi te chotacho. Abinü Mosa khyang jüba anbü lanü khürü khyo langnürü nyühre khyang tsü jücho. Khode arüh michah anbü tsü rocho, arühnü azikehrü kyo akhikyahchah choyohcho.

MATHI 12:18

“Hila I dikehbong lile, Sü Ihnü throchehcho, Sü Ihnü müiro, ko sü chah I long kyangro. Ihnü abi chah I nbü müthehnung, ko abinü yochoti te I yukhaba seyohjünung.

YUSE ATSA LUK 4:18

“Abüdongba Nbü I chah lile, tunüo ailümrü khyang yusi atsa hironung abinü Ih müyühjü throchehcho. Arangyoh la lirü te nyüje seyohjünung ko nahtohrü trahsohnung; ko ayurü lehcheh müthehsohnung,

JOHAN 1:16

Abi akükyüh achomang lanü Ihsa atümungnü amüwa khüdu khanglang khüdu nguko.

JOHAN 15:26

“Atrorü, Anbü sünü Tsingrangba yuje mishajüro abi Tsingrangba chahnü ronung. Ihnü abi Au chahnü nührü yang müthehnung, ko abinü I nengdang yuzi jünung.

JOHAN 16:7

Ta Ihnü nührü te yutsatsa yore: Ih tsicho tsü nührü nengdang atsau, tunüo Ih mütsikhang, atrorü tsü nührü yang müronung. Ta Ih wükhang, Ihnü abi nührü yang müthehnung.

JOHAN 3:17

Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.

JOHAN 5:26

Au apu chah khüta akang liro, hütsü roh-i abinü Atsudhre khyangsü apu chah akang linung jüko.

JOHAN 7:16

Jisu-nü lalingcho, “Ihnü tu doro hi I adoba mah, ta I riwüsohbong Tsingrangba chahnü lile.

JOHAN 8:40

Ihnü nguchiba apümnü, Tsingrangba chahnü Ihnü yuchicho yuje tsü nührü te yonung du lile, ta nührünü Ih müpsehnung müküpre. Abraham-nü hi kyo tu münguchi!

JOHAN 8:47

Sü Tsingrangba chahnü roro abinü Tsingrangba yu nyire.Ta nührü Tsingrangba chahnü müthsachonü nührünü münyire.”

RIWÜRÜTI NGUCHI 1:2

abinü nguchicho ko docho apüm nengdang Ihnü thrahko. Abi nükeh mütsiede, abi riwürüti thsanung throchehchoti khyang abinü Anbü Amüsa zii khu athülaba jücho.

RIWÜRÜTI NGUCHI 10:38

Tsingrangba-nü khüta Nazaret-rü Jisu chah Anbü Amüsa ko Zii mükhakehjücho hütsü nührünü müdhele. Abinü apümlang wünü nguchi atsa nguchi ko amünyi zii pohki lirü kyangjücho, tunüo abi te Tsingrangba zehcho.

ROMRÜ 8:2

Tunüo Anbü yuzeng khüinü Khrista Jisu la Ihsa khyang akang jücho, hütsünü Ih amünyi ko asüba yuzeng lanü nyüje kangsohcho.

EFESIARÜ 3:8

Tsingrangba tsurü achangba tenüsü Ih azauba; atanye müchangkaba Khrista nengdang Yuse Atsa yangpirü yang hinung,

KOLOSIRÜ 1:19

Tunüo Atsudhre chah Tsingrangba saying ajeng kehnung tsü apu lümcho thsacho.

KOLOSIRÜ 2:9

Tunüo Khrista shutsa fü la Tsingrangba saying ajeng lire,

MISHACHO 21:6

Ko abinü yocho, “Hi thümko! Ih Alfa ko Omega, adikeh ko achangka. Axorü khyang Ihnü amükangnü akang yongna lanü tinung.

MISHACHO 22:1

Ninglang riwürünü akang kih shurülung kyo ariri, Tsingrangba ko Sanza pümji lanü chüro