JOHAN 3:18 - AMÜSA BAIBEL (BSI)

¹⁸ Sürünü Atsudhre chah yudsiro abi mümülangjüre; ta sünü müyudsiro abi mülangjüpehko, tunüo abinü Tsingrangba amüiba tsurü chah müyudsi.

JOHAN 3:18 Iomraidhean Croise

MARK 16:16

Sünü yudsiro ko baptiro abi khümchonung; sünü yumüdsiro abi mülangjünung.

JOHAN 1:12

Ta abi khyüchorü atümung, sürünü abi nengla yudsicho, arüh khyang abinü Tsingrangba tsurü kangnung zii jücho;

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 20:31

Ta nührünü Jisu tsü Mesia, Tsingrangba Tsurü pü yudsisohnung, ko abi chah nührü yudsi khu akang ngunung nengdang hiri thrahcho.

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:36

Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.

JOHAN 5:24

“Ihnü nührü te yutsatsa yonung: Sünü I yu nyiro ko I riwüsohbong chah yudsiro abi lede akang lile. Abi yu mükhanung, ta asü lanü akang langi wüpehko.

JOHAN 6:40

Tunüo atsudhre ngurü ko abi chah yudsirü atümung müchangkaba akang ngunung tsü I U-nü khyünyücho lile. Ko Ihnü achangka nyümongla arüh kanglisohnung.

JOHAN 6:47

Ihnü yutsatsa nührü te yore: Sünü yudsiro abi müchangkaba akang lile.

ROMRÜ 5:1

Ade yudsi khu Ihsa Tsingrangba te langjücho, Abüdongba Jisu Khrista khu Tsingrangba te Ihsa atbachi lile.

ROMRÜ 8:1

Ade Khrista Jisu la lirüti nengdang mülangjüba mühle.

ROMRÜ 8:34

Khang, sünü arüh mülangjünung? Khrista Jisu, sü sücho, ta kanglicho, ko Tsingrangba tsalang pümpü Ihsa nengdang kihchijüro, abinüsü mümülangjücheh.

IBRIRÜ 12:25

Hütsünü, sünü choro abi yu mühnyinung lanü müzahng. Sürünü limih la amüsa yusi jübong yu mükhyüchocho arüh mütsiphucho. Akhang, Ihsanü ninglangnü chobong chahnü ximüla tsikhang khüta tsiphunung!

IBRIRÜ 2:3

Hitoh-i akangcheh arangcheh Ihsanü thrüchahchüpehkhang, tu khüta Ihsanü tsiphunung? Hiba akangcheh hi Abüdongba apunü akhu züdecho, ko sürünü yuchicho arühnü Ihsa te yuje-epü yuzi jücho.

IBRIRÜ 3:19

Hütsü, arühnü müyudsicho khu hütsüla müzüduchehcho Ihsanü ngure.

1 JOHAN 3:23

Abinü Ihsa khyang yuzeng jüba tsü Khrista-nü Ihsa khyang yuzengjücho roh-i, Atsurü Jisu Khrista chah yudsinung ko khüdunü khüdu te müitanung nengdang jücho.

1 JOHAN 4:9

Ko Tsingrangba-nü atsudhre hiba limih yang müthehcho khu abi amüi Ihsa te ngucho, hütsünü abi khu Ihsa akang ngunung.

1 JOHAN 5:10

Hütsünü sünü Tsingrangba Tsurü chah yudsiro abi lasih la hiba yuzi hi lile; ta sünü Tsingrangba chah müyudsiro, abinü abi arahkhehrü kangjüre; tunüo Tsingrangba-nü Atsudhre nengdang tu yocho abinü hütsü yumüdsi.

1 JOHAN 5:12

Sü chah Atsudhre tsü liro abi chah akang tsü lile; sü chah Atsudhre tsü müliro abi akang tsü mühle.