JOHAN 3:16 - AMÜSA BAIBEL (BSI)

¹⁶ Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:16 Iomraidhean Croise

LIPOH 22:12

Abinü yocho, “Azaba chah nü kheh tüthah mahkhang abi chah tu tünguchi. Nühnü Tsingrangba drürepü adelü Ihnü müdheko, tunüo nü tsurü khüdu du licho nühnü I khyang jünung müditpang.”

LIPOH 22:2

Tsingrangba-nü yocho, “Nühnü müibong, nü tsudhre Isak nüng ko Moria lih lang wüng. Hütsüla Ihnü thongunung zong khüdu chah I khyang abi kangmübü jüng.”

ISAYA 9:6

Ihsa khyang akhunga khüdu surojü lile! Ihsa khyang dhrezarü khüdu jo lile! Ko abi Ihsa yangthsarü thsanung. Abi te, “Anyemüyangnung, Tbachijürü” “Akohbong Tsingrang,” “Achangka müliba Au” “Yangtsa Yangthsaba” pü dsinung.

MATHI 9:13

Wüng ko Amüsa yunü yoba tsü rangchehng: ‘Ihnü müruba tsü kangmübü mah, ta achomang.’ Ih amüsarü nengdang mah, ta münyirü dsinung rocho.”

MARK 12:6

Adelü müthehnung tsü nyüh khüdu du nying licho, hütsü apu amüiba tsurü licho. Hütsüde achangkathsa anguchirü yang atsudhre tsü müthehcho. ‘Ihnü lümre arühnü abi khyanglü jengreng jünung.’

YUSE ATSA LUK 2:14

“Amichahba ninglang lih la Tsingrangba khyang ahechi thsaang, ko limih chah sürü te abinü longsüro arüh te atbachi thsaang!”

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 1:29

Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 10:28

Ihnü arüh khyang müchangkaba akang jüre, ko arüh khodesü müsünung. Ko I kheh lanü sünüsü arüh rohcho mühitsinung.

JOHAN 3:15

Hütsüeko Nyitsarü Tsurü chah sürünü yudsinang lede akang ngunung.

JOHAN 3:18

Sürünü Atsudhre chah yudsiro abi mümülangjüre; ta sünü müyudsiro abi mülangjüpehko, tunüo abinü Tsingrangba amüiba tsurü chah müyudsi.

JOHAN 3:36

Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.

JOHAN 6:40

Tunüo atsudhre ngurü ko abi chah yudsirü atümung müchangkaba akang ngunung tsü I U-nü khyünyücho lile. Ko Ihnü achangka nyümongla arüh kanglisohnung.

ROMRÜ 5:10

Ihsa Tsingrangba rorüh thsacho, ta abi Tsurü sücho khu abinü Ihsa abi shangrü kangsohcho. Ade Ihsa Tsingrangba shangrü lile, khang Khrista akang khu Ihsa khütoh-i alaa khümchonung!

ROMRÜ 5:8

Ta Tsingrangba-nü Ihsa te khütoh-i müiro hütsü ngusohko, hütsü Ihsa amünyi la lide Khrista Ihsa nengdang sücho!

ROMRÜ 8:32

Tsingrangba sünü apu Tsurü mütphahlipü Ihsa atümung müli khakhuchüjücho, abinü Ihsa khyang lüpcho müjünung ang?

EFESIARÜ 2:4

Ta Tsingrangba achomang bholora, ko Ihsa nengdang abi amüi dirachonü,

2 TESALONIKARÜ 2:16

Ihsa Abüdongba Jisu Khrista apunü ko Au Tsingrang sünü Ihsa müicho, ko abi achomang la Ihsa khyang müchangkaba re ko adrengdreng alongdi jücho,

TITAS 3:4

Ta khode Ihsa Kangchehjüba Tsingrangba amüi ko yanglilüm mishacho,

IBRIRÜ 2:9

Ta Ihsanü Jisu, sü azachah nengdang ninglang riwürüti pohki külüpcho, hütsünü Tsingrangba achomang khu atümung nengdang sünungthsa kangcho abi ngure.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 4:19

Tsingrangba-nü akhu Ihsa müichonü Ihsanü abi müire.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko