JOHAN 3:15 - AMÜSA BAIBEL (BSI)

¹⁵ Hütsüeko Nyitsarü Tsurü chah sürünü yudsinang lede akang ngunung.

JOHAN 3:15 Iomraidhean Croise

ISAYA 11:10

Jesse ra lanü yuchoti te amüdhethsa yangthsarü asi khüdu chüronung nyümong tsehle. Arühnü abi yangthsaba yangdila shibülungnung ko abi khyang adhichi jünung.

ISAYA 45:22

“Ade Ih yang ximülaang ko khümchoung, lihküp la lirü apüm! Tsingrangba tsü Ih du lile.

KHIDHINGCHO 21:9

Achotsü Mosa-nü imüyengnü mürü khüdu külüpcho ko tbütphü chah dhimüsu yohpücho. Sürü mükyühcho, arühnü hütsü chah kehchü dhingcho ko kyangcho.

MATHI 18:10

“Hiri azarüti süsü mükhimüngu müthsanung müzahng. Ihnü nührü te yore, ninglang arüh riwürüti tsü ninglang liba I U jingte lede lire.

MATHI 25:46

Hütsütade hiri tsü müchangkaba akhingchi la züdusohnung, ta amüsarütilü müchangkaba akang langi wünung.”

MARK 16:16

Sünü yudsiro ko baptiro abi khümchonung; sünü yumüdsiro abi mülangjünung.

YUSE ATSA LUK 19:10

Tunüo Nyitsarü Tsurü achahcho yangchinung ko khümchonung rocho.”

JOHAN 1:12

Ta abi khyüchorü atümung, sürünü abi nengla yudsicho, arüh khyang abinü Tsingrangba tsurü kangnung zii jücho;

JOHAN 16:33

Nührü Ite li atbachi ngunung nengdang Ihnü hi nührü te yoko. Limih la nührü chongcha roto lile. Ta rezehng! Ihnü limih kohko!”

JOHAN 20:31

Ta nührünü Jisu tsü Mesia, Tsingrangba Tsurü pü yudsisohnung, ko abi chah nührü yudsi khu akang ngunung nengdang hiri thrahcho.

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:36

Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.

JOHAN 5:24

“Ihnü nührü te yutsatsa yonung: Sünü I yu nyiro ko I riwüsohbong chah yudsiro abi lede akang lile. Abi yu mükhanung, ta asü lanü akang langi wüpehko.

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 6:40

Tunüo atsudhre ngurü ko abi chah yudsirü atümung müchangkaba akang ngunung tsü I U-nü khyünyücho lile. Ko Ihnü achangka nyümongla arüh kanglisohnung.

JOHAN 6:47

Ihnü yutsatsa nührü te yore: Sünü yudsiro abi müchangkaba akang lile.

RIWÜRÜTI NGUCHI 13:41

‘Dhing, nührü müthsamünyürüti, nyemüyang ko changpehng! Tunüo Ihnü chünye tu nguchiro hütsü khürünü nührü te yonyesü, nührünü müyudsinung!’”

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

ROMRÜ 5:21

Hütsüta, Ihsa Abüdongba Jisu Khrista khu müchangkaba akang langnünung nengdang, amünyinü asüba michah yangthsacho kyo, Tsingrangba achomangnü amüsaba la yangthsare.

1 KORINTRÜ 1:18

Tunüo chang tsiyarü nengdang Khrista khala yu tsü amüsithsa, ta Ihsa khümcho lirü nengdang hi Tsingrangba zii.

2 KORINTRÜ 4:3

Tunüo ihrünü thsingyuba Yuse Atsa tsü rang likhang, hütsü chang tsiyaba nyitsarü te du rang lire.

GALATIARÜ 2:16

Yuzeng bichichonü mah, ta Jisu Khrista chah yudsi khu dunü Tsingrangba jingte langsohrepü ihrünü müdhele. Ko ihrünüsü, Yuzeng bichichonü mah, ta Jisu Khrista chah yudsicho khu Tsingrangba te langsohnung nengdang Jisu Khrista chah yudsicho. Tunüo Yuzeng bichichonü süsü Tsingrangba jingte langsohnung mükoh.

GALATIARÜ 2:20

Ih Khrista te khala chah hamkehko. Hütsünü adelü akang liba tsü Ih mah, ta I chah Khrista akang lire. Ade Ih liba akang hilü, Tsingrangba Tsurü sünü Ih müicho, ko I nengdang akang jücho abi chah yudsi khu lire.

IBRIRÜ 10:39

Ihsa shehli tsiba ko chahpehba nyitsarüti roh-i mah, ta Ihsa yudsinü khümcho lile.

IBRIRÜ 7:25

Hütsünü, sürü Tsingrangba yang abi khu khümchonung rorünang, ade ko lede abi akohba lile, tunüo Tsingrangba te arüh nengdang kihchinung abi lede lile.

1 JOHAN 2:25

Ko hiba müchangkaba akang tsü Khrista apunü Ihsa te nyengchoko.

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.