JOHAN 3:11 - AMÜSA BAIBEL (BSI)

¹¹ Ihnü nüte yutsatsa yore: Ihrünü tu müdhero hütsü chore ko ihrünü tu ngucho hütsü nengdang yuzi jüre, ta nührü sünüsü ihrü yusi mükhyüchonyüre.

JOHAN 3:11 Iomraidhean Croise

ISAYA 50:2

“Ih arüh yang arüh khümchonung wüde, tuepü I nyitsarünü Ite mülalingcho? Ihnü dside tuepü arühnü mülalingcho? Ihnü arüh khümchonung mükohcho mah-o? Ihnü yu khüdunü kihdi kungsohnung kohle, ko hütsüla zehba nguh, kih mülichonü sükhangnungthsa, yongkhiti tsü lipilih kangsohnung.

ISAYA 53:1

Müyurünü lalingcho, “Ihrünü ade yoba tsü sünü yudsinung? Sünü hila Abüdongba kheh ngunung?

ISAYA 55:4

Ihnü abi yuchoti michah langnürü ko anüchirü kangsohcho, ko abi khu arüh te I zii ngusohcho.

ISAYA 65:2

I müyurünü arüh thsanyücho thsa amüthsalang nguchinye, Ihnü arüh khyüchonung lede rungnüm du licho.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 23:37

“Jerusalem, Jerusalem! Azikehrüti müpsehba Tsingrangba-nü nührü yang müthehcho yusi hirüti kengsehba. Hünanü abükyü za aqo pohki nübülungcho roh-i, Ihnü khütopi nührü atümung shüptinyücho, ta nührünü I khyang müshüptisoh!

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 1:11

Abi apu limih yang rocho, ta anyitsarünü abi mükhyüchocho.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 12:49

Hi yuje, tunüo Ipu lümyunü mücho, ta Ihnü tu yonung ko tu chonung hütsü Au sünü Ih müthehcho apunü I khyang yuzengjücho.

JOHAN 14:24

Sünü Ih mümüiro abinü I yu mübichire. Ko nührünü yuchiba yu tsü I yu mah, ta I riwüsohba Au yue.

JOHAN 3:12

Ihnü nührü te hiba limih nengdang yonye nührünü müyudsikhang, Ihnü nührü te ninglang nengdang yode nührünü khüta yudsinung?

JOHAN 3:13

Ko nyitsarü Tsurü, sü ninglangnü jürocho, abi chah khu sünüsü ninglang mütuwüdhing.”

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 3:5

Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh.

JOHAN 5:43

Ih I U nengla rocho, ta nührünü Ih mükhyücho; ta nyüh khüdu apu nengla rolang, nührünü abi khyüchonung.

JOHAN 7:16

Jisu-nü lalingcho, “Ihnü tu doro hi I adoba mah, ta I riwüsohbong Tsingrangba chahnü lile.

JOHAN 8:14

Jisu-nü lalingcho, “Ihnü Ipu nengdang yuzi jünyesü, Ihnü yoba tsü yuje, tunüo Ih khüdenü rocho ko khüde wünung hütsü Ihnü müdhele. Ih khüdenü rocho mahkhang Ih khüde wünung hütsü nührünü mümüdhe.

JOHAN 8:26

Nührü nengdang Ihnü ayonung ko mülangjünung khütango lile. Ta sünü Ih müthehcho abi Yuje lile, ko abi chahnü tu nyisicho hütsü du Ihnü alimih te yore.”

JOHAN 8:38

I U-nü Ite tu ngusohcho hütsü nengdang Ihnü chore, ta nührünü nührü tpurünü tu yocho hütsü nguchire.”

RIWÜRÜTI NGUCHI 22:18

müngucheh khüdula Abüdongba ngucho. Abinü Ite yocho, ‘Dhsüdhsang ko Jerusalem lanü zah tsieng, tunüo hila lirünü I nengdang nü yuzi mükhyüchonung.’

2 KORINTRÜ 4:4

Arüh shulümlü hiba limih tsingrangnü müyudsirü khyang Khristarü ahechi yuse atsa, sü Tsingrangba kyocho, arühnü atsingse müngusohnung shulüm arüh nahtohsohko.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 3:14

“Laodicea la Lithro riwürü yang thrahng: “Amen, sü longlangcheh ko yuje yuzi, sü Tsingrangba-nü thricho yola ayingba liro abi chahnü yusi tsü hi lile.