JOHAN 3:10 - AMÜSA BAIBEL (BSI)

¹⁰ Jisu-nü lalingcho, “Nüh Israel la adorü atsa khüdu, ko nühnü hi mümüdherü ang?

JOHAN 3:10 Iomraidhean Croise

1 ROHTHÜP 29:19

Nü yuzeng lüpcho nyinung ko Ihnü amübükuh thsanung küdang yohpübanü I tsurü Solomon khyang alongphi lasiking jüng.”

NENGSEKHI 51:10

I chah lasih asi khüdu thrijüng, O Tsingrang, ko I chah lasih asi ko yochonyiba anbü yohjüng.

NENGSEKHI 51:6

Nühnü dhsütahba tsü müci jüba ko yuje tsü lile; Nü lümlongnü I lasih jengjüng.

NENGSEKHI 73:1

Tsingrangba-nü Israelrü te yuje tsare, lasih müsa lirü te Abinü tsare.

ISAYA 56:10

Abinü yore, “I müyurü müzahsohnung liba langnürüti apüm nahtohko. Arühnü tu mümüdhe. Arüh tsü mühungchiba füza kyo lile, arühnü yüpjoko melang du lire. Khüta hitoi yüpnyüro!

ISAYA 9:16

Hiri nyitsarü langnürütinü arüh nümülako ko khüdupinü lümdhamasohko.

JEREMIA 31:33

Ihnü Israelrü te külüpnung azengtacho asi tsü hiroh-i linung: Ihnü I yuzeng arüh chah yohjünung ko hütsü arüh lasih la thrahnung. Ih arüh Tsingrang ko arüh I müyurü thsanung.

EZEKIEL 11:19

Ihnü arüh khyang lasih asi khüdu ko lümlong asi khüdu jünung. Ihnü arüh amüküp lung lasiking pehjünung ko yochonyiba lasih jünung.

MATHI 11:25

Hütsü shikhela Jisu-nü yocho, “Uwa, ning ko alih Abüdongba! Nühnü lümlong lirü ko amüdherü tenü rangpücho amümüdherü te ngusohcho nengdang Ihnü nü nengsere.

MATHI 15:14

“Arüh nengdang tülümxü! Arüh anatohrü langnürüti; ko khode anatohrünü anatohrü lang nonang, anyüding yongroh la thungyohnung.”

MATHI 22:29

Jisu-nü arüh te lalingcho, “Nührü khütoi thsamehro! Hi nührünü Amüsa yu ko Tsingrangba zii mümüdhechonüe.

YUSE ATSA LUK 2:46

Asangu nyümong arühnü abi amübükuh la Jihudarü adorüti yola, arüh yu nyinü, ko arüh te tsingdhingnü püm ngucho.

YUSE ATSA LUK 5:17

Nyümong khüdu Jisu-nü do lide, Galil, Judea ko Jerusalem yangdi müipi lanü rocho Farisirü ko yuzeng adorüti khürü hütsüla pümcho. Adhsangnangrü kyangjüsohnung Abüdongba zii abi chah licho.

JOHAN 3:9

Nikodemus-nü tsingdhingcho, “Hi khüta akohnung?”

RIWÜRÜTI NGUCHI 5:34

Ta arüh yola Farisirü nyüh khüdu anengnü Gamaliel, sü Yuzeng dorü atümungnü jengrengjo licho, abi Ashimükhongla tsü shemüsucho. Abinü riwürüti tsü nücheh tsinung yuzengjücho,

ROMRÜ 2:28

Yujenü müjüp-pehba yuje Jihudarü sü liro? Amilang nahnü ngu shutsa müjüp-pehba tsü Jihudarü mah.

AZIKA YU 10:16

Hütsüeko ade tinü Abüdongba yocho nyieng ko hong tüzi.

AZIKA YU 30:6

Nührü lasih apümnü Abi müinungthsa ko hütsüla mütozah linung nengdang Abüdongba nührü Tsingrang-nü nührü ko nührü trah khyang yochonyiba lasih jünung.

FILIPIRÜ 3:3

Yuje amüjüp-pehrü tsü arüh mah, ta Ihsa-e, tunüo Ihsanü anbü la Tsingrangba mübüre, ko Khrista Jisu la künyangre. Ihsanü amichah mamohmayang tulasü müyudsire.

KOLOSIRÜ 2:11

Nyitsarünü külüpcho amüjüp-pehbala mah, ta shutsa amünyi zii lanü za liba Khrista-nü külüpcho müjüp-pehbala nührü müjüp-pehko.