JOHAN 21:16 - AMÜSA BAIBEL (BSI)

¹⁶ Jisu-nü anyüpiusü abi te yocho, “Johan tsurü Simon, nühnü Ih müirü mah-o?” Abinü lalingcho, “Ho, Abüdongba, Ihnü nüh müirepü nühnü müdhele.” Jisu-nü abi te yocho, “I Santi xüküm.”

JOHAN 21:16 Iomraidhean Croise

NENGSEKHI 100:3

Abüdongba tsü Tsingrangbaepü müdheing. Abinü Ihsa thricho ko Ihsa Abi yo; Ihsa Abi müyurü, Ihsa Abi santi.

NENGSEKHI 95:7

Abi Ihsa Tsingrang; Ihsa Abinü xükümba nyitsarüti, ko Abinü chixiba santi. Chünye Abinü yocho nyieng.

ZEKARIA 13:7

Akohbong Abüdongba-nü yore, “Jesung, nohsheng, ko I nengdang nguchiba San-nyahba tsü being! Abi kyüsehng, ko santi tsü tsipitsizanung.

MATHI 2:6

“‘Judea lih la liba Bethlehem, nüh Judea lih la yangditi yola khütakhi azauba mah; nü chahnü langnürü khüdu chüronung, sünü I nyitsarü Israelrü xükümnung.’ ”

MATHI 25:32

ko yucho atümung abi jingte nübülungnung. Hütsüde San nyahrünü miza lanü san changshocho kyo abinü arüh mülung anyüh kang changsahnung.

MATHI 26:72

Anyüpiusü abinü hütsü münyengchonü lalingcho, “Ihnü yuchümre, Ihnü hütsüba nyitsarü tsü mümüdhe!”

YUSE ATSA LUK 19:10

Tunüo Nyitsarü Tsurü achahcho yangchinung ko khümchonung rocho.”

JOHAN 18:17

Trahtri nyahtpü tsünü Peter te yocho, “Nühsü hivi mono yola khüdu mahrü ang?” Peter-nü lalingcho, “Ihlü mah.”

JOHAN 18:25

Peter hütsüla ade yingcheh mih he yacho. Hütsünü aparünü abi te yocho, “Nühsü hivi mono yola khüdu mahrü ang?” Ta Peter-nü münyengchonü yocho, “Ihlü mah.”

JOHAN 21:17

Asangpiusü Jisu-nü yocho, “Johan tsurü Simon, nühnü Ih müirü mah-o?” Ko Jisu-nü asangpili, “Nühnü Ih müirü mah-o” pü yochonü Peter longyücho. Hütsünü abinü abi te yocho, “Abüdongba, nühnü lüpcho müdhele; Ihnü nüh müirepü nühnü müdhele!” Jisu-nü abi te yocho, “I Santi xüküm.

RIWÜRÜTI NGUCHI 20:28

Hütsüeko nührübürü ko Anbü Amüsanü nührü khyang nyümkehjüba yudsirüti atümung nengdang dhingyehng. Tsingrangba Lithro khüi apu Tsurü sücho khu abi yo kangsohcho, nührü hütsü nyahrü kang.

IBRIRÜ 13:20

Tsingrangba-nü Ihsa Abüdongba Jisu, sü San nyahrü Adiuba ko sü kangmübü thsa sücho khu müchangkaba azengchota külüpcho, abi asü lanü kanglisohcho.

1 PETER 2:25

Nührü thrümeh tsiba san kyo licho, ta adelü nührü San Nyahrü ko nührü nbü dhingyehrü yang thali roko.

1 PETER 5:2

Tsingrangba-nü nührü khyang jüba santi tsü khingnü mah, ta longphisehnü xüküm nyahnung Ihnü nührü te thsüchire. Angang nengdang du mah, ta yujeba dikehnung alongphinü nührü nguchi nguching.

MISHACHO 7:17

tunüo yangthsaba pümji alongla liba Sanza tsü arüh san nyahrü thsanung, ko abinü akang kih yongna yang arüh nünung. Ko Tsingrangba-nü arüh nah lanü nahshükih nipehjünung.”