JOHAN 19:6 - AMÜSA BAIBEL (BSI)

⁶ Khode bebü ayingti ko amübükuh nyahrütinü abi ngucho, arühnü züdenü yocho, “Abi khala chah hamkehng! Abi khala chah hamkehng!” Pilat-nü arüh te yocho, “Nührü jangjang abi nowüng, ko hamkehng; tunüo Ihnü abi süsohnungthsa tu yuzi müngure.”

JOHAN 19:6 Iomraidhean Croise

MATHI 26:58

Peter-nü bebü amungthriba kuhbe chiinü ahongkoh thü-thü iiwücho. Abinü kuhbe chii züducho ko tu tikehnang müdhenung nengdang anyahrüti yola pümcho.

MATHI 27:22

Pilat-nü arüh te tsingdhingcho. “Khang, Mesia pü dsiba Jisu chah Ihnü tu nguchinung?” Arüh atümungnü lalingcho, “Abi hamkehng!”

MATHI 27:24

Khode Pilat-nü tu chotanung müdhsüdah, alaa mümüp shingchehnungduepü dhingchehcho, abinü kih hironü sühdi bete tsünü akheh mütsahnü yocho, “Hiba Nyitsarü sücho nengdang I bha müthsanung! Hi nührünü nguchire!”

YUSE ATSA LUK 23:4

Achotsü Pilat-nü bebü ayingti ko sühdi te yocho, “Ihnü hiba nyitsarü mülangjünung yuzi tu müngure.”

JOHAN 18:3

Achotsü Judas-nü Bebü ayingti ko Farisirü chahnü rothsarü mülung dsibhong ko thsunohrü bipü wücho.

JOHAN 18:31

Pilat-nü arüh te yocho, “Khang nührübürünü nowü nührü yuzengnü abi yu khaang.” Arühnü yocho, “Nyitsarü müpsehnung ihrü yuzengnü mümülare.”

JOHAN 18:38

Pilat-nü tsingdhingcho, “Yuje tsü tuo?” Achotsü Pilat-nü thali dongkhu nyitsarüti yanglang chüdu arüh te yocho, “Ihnü abi mülangjünungthsa yuzi tu müngure.

JOHAN 19:15

Arühnü züdeli yocho, “Abi müpsehng, abi müpsehng! Abi khala chah hamkehng!” Pilat-nü arüh te yocho, “Nührünü I khyang nührü yangthsaba hamkehsohnyürü mah-o?” Bebü ayingtinü lalingcho, “Ihrü yangthsaba tsü Kaisar due!”

JOHAN 19:4

Pilat-nü adesü chüdu sühdi te tsü yocho, “Dhing, Ihnü abi süsohnungthsa tu yuzi müngu pü nührü khyang ngusohnung nengdang hila nührü yang abi nochüronung.”

RIWÜRÜTI NGUCHI 2:23

Tsingrangba apunü lümcho roh-i nührü khyang Jisu khakhuchüjünung abinü throchehko hamkehsoh nührünü abi müpsehko.

RIWÜRÜTI NGUCHI 7:52

Azikehrü yola nührü jümürütinü müdhsümthsecho sü liro? Papade Tsingrangba Yusi hirüti sürünü amüsaba dikehrü khüdu ronung choyohcho arüh müpsehcho. Ko ade nührünü abi kihyochüko ko müpsehko.