JOHAN 19:4 - AMÜSA BAIBEL (BSI)

⁴ Pilat-nü adesü chüdu sühdi te tsü yocho, “Dhing, Ihnü abi süsohnungthsa tu yuzi müngu pü nührü khyang ngusohnung nengdang hila nührü yang abi nochüronung.”

JOHAN 19:4 Iomraidhean Croise

MATHI 27:19

Pilat yangthsaba pümji la pümyade, anitpünü yusi khüdu müthehchücho: “Mülang müliba nyitsarü chah tsü tu tünguchi; tunüo shomang I melang abi nengdangnü Ih dee chongchako.”

MATHI 27:24

Khode Pilat-nü tu chotanung müdhsüdah, alaa mümüp shingchehnungduepü dhingchehcho, abinü kih hironü sühdi bete tsünü akheh mütsahnü yocho, “Hiba Nyitsarü sücho nengdang I bha müthsanung! Hi nührünü nguchire!”

MATHI 27:4

Abinü yocho. “Mülang müliba nyüh khüdu süsohnung kihyochonü Ihnü amünyi shitpahko!” “Arühnü lalingcho, hütsü ihrü nguchi mah. Hütsü nü jangjang thsaang!”

MATHI 27:54

Jisu nyahrü rothsarü anüchiba ko rothsarütinü alihyo zingcho ko atikehcho apüm ngude, arüh drüsehcho, ko “Yujeba abi Tsingrangba tsurü thsako pü yocho.”

YUSE ATSA LUK 23:4

Achotsü Pilat-nü bebü ayingti ko sühdi te yocho, “Ihnü hiba nyitsarü mülangjünung yuzi tu müngure.”

YUSE ATSA LUK 23:41

Ihjülü athsalange, tunüo Ihjülü Ihjü nguchicho aleng ngure; ta abilü tu müthsameh.”

YUSE ATSA LUK 23:47

Khode thsih michah anüchiba tsünü atikehcho tsü ngucho, abinü Tsingrangba nengse yocho, “Ajüje hiba hi achomükeh nyitsarü thsako!”

JOHAN 18:33

Pilat-nü thali yangthsaba pümjilang züducho ko Jisu dsinü tsingdhingcho, “Nüh Jihudarü yangthsaba mah-o?”

JOHAN 18:38

Pilat-nü tsingdhingcho, “Yuje tsü tuo?” Achotsü Pilat-nü thali dongkhu nyitsarüti yanglang chüdu arüh te yocho, “Ihnü abi mülangjünungthsa yuzi tu müngure.

JOHAN 19:6

Khode bebü ayingti ko amübükuh nyahrütinü abi ngucho, arühnü züdenü yocho, “Abi khala chah hamkehng! Abi khala chah hamkehng!” Pilat-nü arüh te yocho, “Nührü jangjang abi nowüng, ko hamkehng; tunüo Ihnü abi süsohnungthsa tu yuzi müngure.”

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

IBRIRÜ 7:26

Hütsünü, Jisu tsü Ihsa dhsütah desahnung Amungthriba bebürü. Abi amüsa; abi chah amünyi mahkhang mülang mühle; münyirü yolanü abi pathsa throcheh yohpücho ko ningti michah küdusohcho.

1 PETER 1:19

ta arah ko lapha mükehba sanza Khrista thsidi shühnü rochehcho.

1 PETER 2:22

Abinü amünyi tu müshitpah, ko sünüsü abi be lanü arahkheh cho müyuchidhing.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.