JOHAN 19:13 - AMÜSA BAIBEL (BSI)

¹³ Khode Pilat-nü yu hiri yuchicho, abinü Jisu dongkhu nochüducho ko “Lungtpah khyang müdüm” yukharü pümji chah tsü pümcho. (Hütsüba te Ibri yunü “Gabbatha” pü dsire.)

JOHAN 19:13 Iomraidhean Croise

CHOYOH 29:25

Nyitsarü drüba tsü zeng khyangpüre, ta Abüdongba chah longlangba tsü abi khümcho lile.

THSINGYURÜ 5:8

Yangthsabanü ailümrü nyüpmüseh arüh athsalang sehticho ngu tünyemüyang. Adirü mükhu abi michah adirü khüdunü tsungtire, ko anyüding tsü anyüh michah adirü khüdunü tsungtire.

ISAYA 57:11

Abüdongba-nü yore, “Nührü drüsoh, hütsü khu Ite arahkheh cho ko Ih khüdupinü nbüchüpehsohba tsingrangti tsü sürüo? Ihnü anyahli rangchochonü nührünü Ih müdrüpehcho mah-o?

JEREMIA 38:19

Ta yangthsabanü lalingcho, “Ihnü Ihsa nyitsarü Babylon lang rangkhu tsirü drüre. Ih arüh kheh la jo dhsümthsenung kohle.”

AMOS 4:7

Nührü tsahmarü khütang dhsütahba tsing Ihnü mürosohcho. Ihnü yangdi khüdula tsing rosohcho, ta apa khüdula mürosoh. Lutri khüdula tsing rocho, ta lutri pa khüdu kungsohcho.

MATHI 27:19

Pilat yangthsaba pümji la pümyade, anitpünü yusi khüdu müthehchücho: “Mülang müliba nyitsarü chah tsü tu tünguchi; tunüo shomang I melang abi nengdangnü Ih dee chongchako.”

YUSE ATSA LUK 12:5

Sü drünung Ihnü nührü te yonung: Tsingrangba sünü müpsehpü mümehmi la dhiyohchünung tase liro abi drüng. I chah yudsing, abi du nührünü drüng!

JOHAN 19:17

Abinü apu khala dhipü, “Thahrü lih” pü dsiba lang wücho. (Ibri yula “Golgotha” dsire)

JOHAN 19:20

Nyitsarü adrongnü hütsü khicho, tunüo Jisu hamkehba müdüm tsü yangdi shündhün thsacho. Amüdhenung yu tsü, Ibri, Latin ko Greek yula thrahcho.

JOHAN 19:8

Khode Pilat-nü hi yuchicho, abi khüsha drücho.

JOHAN 5:2

Jerusalem la san tbükhüm müshüm, Ibri yunü Bethzatha ko dsiba pümshang münga liba, changtphü khüdu lile.

RIWÜRÜTI NGUCHI 4:19

Ta Peter e Johan nyühnü arüh te lalingcho, “Tsingrangba tenü nührü te nyinung tsü Tsingrangba bete athsalanga mahro nührübürünü tsidsa young.