JOHAN 19:11 - AMÜSA BAIBEL (BSI)

¹¹ Jisu-nü lalingcho, “Amilangnü nü khyang müjürelang, I michah nüh tu tase mülinung. Hütsüeko nü khyang sünü Ih khakhuchüjücho, abi amünyi adiuba.”

JOHAN 19:11 Iomraidhean Croise

1 ROHTHÜP 29:11

Nüh arangcheh ko re azeh, ahechi ko adi. Ninglang ko alih la licho apüm michah Nüh yangthsaba lile.

NENGSEKHI 39:9

Ihnü sahmüthsanung, Ihnü yu khüdusü müyonung, tunüo Ih hiroh-i chongchasohba tsü Nühnüe.

NENGSEKHI 62:11

Zii tsü Abi yo ko Abi amüi tsü amüthrehba lede lirepü Tsingrangba-nü loli yocho Ihnü yuchiko.

MESHÜ 3:37

Abüdongba lümcho du lede tikehre.

DANIEL 4:17

Hiba hi akukeng ko amüzah riwürüti lümchung lile. Hütsünü du apümlang nyitsarü atümungnü akohba Tsingrang tsü limih yanglihti michah tase lile ko nyitsarü yola azauba khyang Abinü athrochehrü khyang du Abinü jürepü müdhenung.’

DANIEL 4:25

Nüh amüi tsurü yolanü iipehnung ko rangmü kanglungrü yola linung. Nüh kang dhünyeh misüpung kyo zanu tsunung, ko jungchah yüpnung ko nü chah Tsingrang-nü limih yanglihti bichire ko abinü jünyürü khyang hütsüri jürepü nühnü müdhenung.

DANIEL 4:32

Nüh nyitsarü yolanü iipehnung, rangmü kanglungrü yola linung, ko kang dhünyeh misüpung kyo zanu tsunung. Hütsüde nühnü limih yanglihti michah akohba Tsingrangba tase lile ko Abinü jünyürü khyang hütsü jürepü nühnü müdhenung.”

DANIEL 4:35

Abinü limih nyitsarü tsü tu mah dhingre; Ninglang riwürü ko alih la müyurü Abi pohki lile. Sünüsü Abi lümcho nyümnung mükoh, mahkhang abi nguchi mütsingdhingcheh.

DANIEL 5:21

Nyitsarü yolanü abi iipehcho, ko alümlong kanglungrü kyo kangsohcho. Abi kanglungrü yola licho, misüpung kyo zanu tsucho, ko jungchah yingkihnü leh yüpcho. Achangkala abinü limih yanglih apüm akohba Tsingrang-nü nüchire ko abinü jünyürü khyang hütsü jürepü nyengchocho.

MATHI 26:65

Hi yochonü bebü amungthribanü apu shü rehnah yocho, “Müthsamünyüko! Ihsanü yuzi alaa tu müdhsütah! Nührünü ade tsatsa abinü Tsingrangba müthsamünyücho yuchiko!

MATHI 27:2

Arühnü ixilihnü abi xohpü nowü, Roman Governor Pilat khyang khakhuchüjücho.

MATHI 6:13

Ihrü athsadsü amüling yang tünü, ta amünyi lanü khümchoung.’

MARK 14:44

Ihnü müthsüpba nyitsarü tsü nührünü yangchiba tsüe. “Abi rang ko dhingyeh notsieng.”

YUSE ATSA LUK 22:53

Amübükuh la Ih nührü yola nyümong mükhu licho ko nührünü Ih mürang. Ta amanü yangthsade, hi nührünü nguchinung bekhyah-e.”

JOHAN 18:13

Anas yang akhu nowücho. Tunüo abi Kaifas aku ko hütsü kang Kaifas tsü Amungthriba bebü licho.

JOHAN 18:3

Achotsü Judas-nü Bebü ayingti ko Farisirü chahnü rothsarü mülung dsibhong ko thsunohrü bipü wücho.

JOHAN 19:10

Pilat-nü abi te yocho, “Nühnü Ite müchotarü ang? Nüh müthehnung mahkhang hamkehsohnung I chah tase kehle ko nühnü mümüdherü do?”

JOHAN 3:27

Johan-nü lalingcho, “Tsingrangba-nü müjükhang, süsü tu linung mükoh.

JOHAN 7:30

Hütsüde arühnü abi rangnung müküpcho, ta sünüsü abi chah kheh müthahcho, tunüo abi becho müchiecho.

JOHAN 9:41

Jisu-nü lalingcho, “Nührü nahtohlanglü, nührü mümülangbae; ta nührünü ngurechonü, nührü mülangre.”

RIWÜRÜTI NGUCHI 2:23

Tsingrangba apunü lümcho roh-i nührü khyang Jisu khakhuchüjünung abinü throchehko hamkehsoh nührünü abi müpsehko.

RIWÜRÜTI NGUCHI 3:13

Abraham, Isak ko Jakob Tsingrang, Ihsa ajü-amü Tsingrang-nü abi dikehrü Jisu khyang amüsa ahechi jüko. Ta nührünü abi yangbe khyang jücho, ko Pilat-nü müthehnung dhrongchehpü khanglang mii nührünü Pilat jingte abi mükhyüchocho.

RIWÜRÜTI NGUCHI 4:28

Nü zii ko nü lümchung la tuturü atikehnung licho, hütsü nyüm arüh shibülungcho.

ROMRÜ 11:36

Tunüo lüpcho abinü thricho, abi khu lire ko abi nengdang lire. Tsingrangba te lede ahechi thsaang! Amen.

ROMRÜ 13:1

Nyitsarü müipinü yangthsarü pohki lieng, tunüo Tsingrangba-nü mümülacho tu yangbe mühle, ko ade athsarü tsü Tsingrangba-nü thsasohre.

JAKOB 1:17

Jiyü atsa ko apisa apüm ninglangnü lile; ninglang atsingseti thriba, sü mümülichiro mahkhang rehnye mümaro, hiba Tsingrang chahnü lile.

JAKOB 4:17

Hütsünü, sünü atsa nguchinung müdhepü münguchirünang abi nengdang hütsü amünyi.