JOHAN 17:9 - AMÜSA BAIBEL (BSI)

⁹ “Ihnü arüh nengdang kihchire. Ihnü limih nengdang mükihchire, ta nühnü jübati nengdang kihchire, tunüo arüh nüyo lile.

JOHAN 17:9 Iomraidhean Croise

YUSE ATSA LUK 22:32

Ta Simon, nü yudsi amükoh müngunung nengdang Ihnü nü nengdang dangkhidangnangjüko. Ko khode nü lasih thsamüla I yanglang thali ronang, nühnü nü jünirüti rezehsohng.”

YUSE ATSA LUK 23:34

Jisu-nü yocho, “Uwa, arüh khyang mülang pehjüng! Tunüo arühnü tu nguchiro hütsü arühnü mümüdhe.” Arühnü zii thsadhing abi shü arüh yola changtacho.

YUSE ATSA LUK 8:34

Khode shüka nyahrütinü hütsü ngucho, arühnü shang wünü yusi tsü yangdi ko yangdongti la sobhocho.

JOHAN 14:16

Ihnü Au te chingnung ko nührü te lede linung nengdang abinü nührü khyang aparü atrorü khüdu jünung.

JOHAN 17:2

Nühnü abi khyang jübati khyang abinü müchangkaba akang jünungthsa, nühnü amüi tsurü atümung michah abi khyang zii jüko.

JOHAN 17:20

“Ihnü arüh nengdang du kihchirü mah, ta arüh yusi khu sürünü I chah yudsiro arüh nengdangsü kihchire.

JOHAN 17:6

“Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

JOHAN 6:39

I khyang jücho süsü müchahsohnung, ta achangka nyümongla arüh atümung kanglisohnung tsü I riwüsohba lümcho lile.

IBRIRÜ 7:25

Hütsünü, sürü Tsingrangba yang abi khu khümchonung rorünang, ade ko lede abi akohba lile, tunüo Tsingrangba te arüh nengdang kihchinung abi lede lile.

IBRIRÜ 9:24

Tunüo khehnü külüpcho Amüsa khüi adhingchocho liro, hütsüla Khrista-nü müzüdu. Ta Tsingrangba bete Ihsa nengdang ngunung ninglang yanglih tsatsa la züducho.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

MISHACHO 12:9

Liküp thsüyohchüba ahi mürü, motsing mahkhang Satan dsiba dragon arangcheh tsü iichahchücho. Abi ko abi riwürüti atümung limih lang iichahchücho.

MISHACHO 13:8

Amüpsehba San yo akang vakhala limih müthrie denü aneng thrah lirü chah khu, limih chah lirü nyitsarü atümungnü hütsü mübünung.

MISHACHO 20:15

Sü neng akang vakhala thrah müngucho, abi michang shukuh la tsü rangyohcho.