JOHAN 17:6 - AMÜSA BAIBEL (BSI)

⁶ “Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 17:6 Iomraidhean Croise

NENGSEKHI 119:11

Ihnü Nü yuzeng I lasih la yohpüre, hütsü dunü Ihnü Nüh nyüm amünyi müshitpahnung.

NENGSEKHI 22:22

Nü nguchi nengdang I müyurüti te yonung; arüh ashimükhongla Ihnü Nüh senung:

NÜCHEHCHO 9:16

Ta nüte I zii ngusohnung, ko limih apüm la I neng müdhesohnung Ihnü nü akang yohpücho.

CHOYOH 2:10

lümlong nü lasih la ronung ko amüdhenü akünyang jünung;

CHOYOH 23:23

Yuje tsü lih-eng ko hütsü tüi; lümlong athülaba ko anyicheh lieng.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 12:28

Uwa, nü neng hechisohng!” Hütsüde ninglangnü yuva khüdunü chotacho, “Ihnü hechijüko ko Ihnü adesü hechijünung!”

JOHAN 15:19

Nührü limih yoerelang, abi yo roh-i nührü müiba thsako. Ta hiba limih lanü Ihnü nührü throchehcho, ko nührü abi yo mah; hütsünü limihnü nührü thrünyire.

JOHAN 15:3

Nührülü Ihnü jücho adoba khu müsachehpehko.

JOHAN 15:7

Nührü I chah likhang ko I yu nührü chah likhang; nührü khyünyücho ching, ko hütsü nührünü ngunung.

JOHAN 17:12

Ih arüh te lide nühnü I khyang jüba nü neng zii tsünü arüh khümcho yohpücho. Ihnü arüh tsungticho, ko amüsa yu tikehsohnung sü chahnung licho, abi chah khu arüh süsü müchah.

JOHAN 17:14

Ihnü arüh khyang nü yu jüko, ko limihnü arüh thrünyicho, tunüo Ih khüta limih yo mahro, hütsü kyo arühsü limih yo mah.

JOHAN 17:16

Ih khüta limih yo mahro, hütsü kyo arühsü limih yo mah.

JOHAN 17:2

Nühnü abi khyang jübati khyang abinü müchangkaba akang jünungthsa, nühnü amüi tsurü atümung michah abi khyang zii jüko.

JOHAN 17:24

“Uwa! Nühnü arüh I khyang jücho, hütsünü Ih khüde linang arüh hütsüla lisohnyüre; ko nühnü I khyang jüba Ih ahechi tsü arühnü ngunung, tunüo limih müthridenü nühnü Ih müicho.

JOHAN 17:26

Ihnü arüh khyang nüh müdhesohcho, ko nühnü Ih müiba tsü arüh chah linung, hütsünü Ihsü arüh chah linung nengdang, Ihnü mütozah hütsü roh-i nguchinung.”

JOHAN 17:7

ko nühnü ade I khyang jücho lüpcho tsü nü chahnü rorepü arühnü müdhele.

JOHAN 18:9

(Hiba hi abinü: “Uwa, nühnü I khyang jücho yola süsü müchah pü abinü yocho tikehnung nengdang licho.”)

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

JOHAN 6:39

I khyang jücho süsü müchahsohnung, ta achangka nyümongla arüh atümung kanglisohnung tsü I riwüsohba lümcho lile.

JOHAN 8:51

Ihnü nührü te yutsatsa yonung: Sünü I yu nyiro abi khodesü müsünung.”

JOHAN 8:52

Arühnü abi te yocho, “Nü chah motsing zehlepü ade Ihrünü tsüptsi müdhele. Abraham ko azikehrüti sü süko, ta nühnü nü yu nyirülü khodesü müsünungepü yore.

RIWÜRÜTI NGUCHI 13:48

Khode yangpirütinü hi yuchicho, künyangnü Abüdongba yusi tsü arühnü secho; ko sürü müchangkaba akang nengdang throchehcho arüh yudsirü kangcho.

ROMRÜ 11:2

Tsingrangba-nü adikeh lanü throchehcho apu nyitsarüti mükhyüchopü mühle. Israelrü nyümnü Elija-nü Tsingrangba te kihchibala tsü amüsa yunü tu yoro nührünü müdhele.

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

KOLOSIRÜ 3:16

Khrista yu tsü nührü lasih la thangchi lisohng. Lümlong apümnü nührü khüdu e khüdurü dotang ko thülatang. Nengsekhi, mübükhi ko amüsa khi thsaang; Tsingrangba khyang nührü lasih la anengse jo thsaang.

2 TIMOTI 1:13

Nührü te adüzü thsasohnung Ihnü thsingyuba yuje yula tsü drengdreng lieng, ko Jisu Khrista la Ihsa yudsi ko amüila mütozah lieng.

IBRIRÜ 2:12

Abinü Tsingrangba te yorü: “Ihnü I jünirüti te nühnü tu nguchicho hütsü yonung; Ihnü arüh yola nü neng senung.”

IBRIRÜ 3:6

Ta Khrista-lü Atsurü roh-i Tsingrangba Kuh michah longlangcheh axükümrü licho. Ihsa alongdi la rezeh ko longlangcheh likhang Ihsa abi kuh.

1 PETER 1:1

Jisu Khrista riwürü Peter chahnü— Tsingrangba athrochehcho nyitsarü sürü Pontius, Galatia, Kapadocia, Asia ko Bithynia lih atümunglang yangpirü tsisho lirüti yanglang.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

MISHACHO 2:13

Satan yangthsaba pümji khüdenü, liro hütsü Ihnü müdhele. Nüh Ite yuje cho lile, ko motsing lichah Ih longlangcheh yuzithsarü Antipas müpsehba chichahsü nühnü I chah nü yudsi müthrüchahchüpeh.

MISHACHO 3:10

Nühnü I yu nyi rangchochonü, limih chah nyitsarüti thsadsünung lihküp la ronung liba chongcha lanü Ihnüsü nüh khümcho yohpünung.

MISHACHO 3:8

Nü nguchi Ihnü müdhele; nü tase aikyah lilepü Ihnü müdhele; nühnü I adoba bichinü Ite yuje cho licho. Sünüsü mükhangtichehnungthsa Ihnü nü bete kukhang khüdu khangthrujo lile.