JOHAN 17:26 - AMÜSA BAIBEL (BSI)

²⁶ Ihnü arüh khyang nüh müdhesohcho, ko nühnü Ih müiba tsü arüh chah linung, hütsünü Ihsü arüh chah linung nengdang, Ihnü mütozah hütsü roh-i nguchinung.”

JOHAN 17:26 Iomraidhean Croise

NENGSEKHI 22:22

Nü nguchi nengdang I müyurüti te yonung; arüh ashimükhongla Ihnü Nüh senung:

JOHAN 14:20

Khode hütsüba nyümong tsü ronang, Ih I U chah, nührü I chah ko Ih nührü chah lirepü nührünü müdhenung.

JOHAN 14:23

Jisu-nü abi te lalingcho, “Sünü Ih müiro abinü I adoba bichinung. I U-nü abi müinung, ko I U ko Ih abi yang ro abi te linung.

JOHAN 15:15

Ihnü adelü nührü te kulirü pü müdsire, tunüo kulirü khüdunü abüdongrünü tu nguchiro hütsü mümüdhere. Hütsü mahpü, Ihnü nührü te müyangrü pü dsire, tunüo I U chahnü yuchicho lüpcho Ihnü nührü te yoko.

JOHAN 15:4

I chah lieng, ko Ih nührü chah linung. Ajengzanü ashü chah mülikhang ajangjang asih müsihcheh. Hütsü kyo nührünü I chah mülikhang asih müsihcheh.

JOHAN 15:9

I U-nü tu khüta Ih müiro, Ihnü hütsü roh-i nührü müire; I müi la lieng.

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

JOHAN 17:6

“Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 17:8

Nühnü I khyang jüba yu tsü Ihnü arüh khyang jücho, ko arühnü hütsü khyüchocho; ko Ih nü chahnü roba tsü yuje Ih nühnü müthehchoepü arühnü yudsicho.”

JOHAN 6:56

Sünü I shuh tsuro ko I shüh yongrü abi I chah lire, ko Ih abi chah lire.

JOHAN 8:50

Ihnü Ipu nengse müyangchire, hütsü yangchiba ko yukhaba khüdu lile.

ROMRÜ 8:10

Ta nührü chah Khrista likhang, amünyi khu nührü fü tsü sünye, amüsaba khu nührü Anbü akang lile.

1 KORINTRÜ 1:30

Ta nührülü Tsingrangba-nü Jisu Khrista te kehtasohko, ko Tsingrangba-nü Khrista tsü Ihsa lümlong kangsohko; Ihsa Tsingrangba amüsa nyitsarü ko nyüje kangsohko.

1 KORINTRÜ 12:12

Khrista tsü lohla adrong zehba füpüm khüdu kyo lile; hütsü lohla adrongnü kang linye füpüm khüdu du.

GALATIARÜ 2:20

Ih Khrista te khala chah hamkehko. Hütsünü adelü akang liba tsü Ih mah, ta I chah Khrista akang lire. Ade Ih liba akang hilü, Tsingrangba Tsurü sünü Ih müicho, ko I nengdang akang jücho abi chah yudsi khu lire.

EFESIARÜ 1:6

Ahechi achomang, apu amüibong tsurü khu Ihsa khyang amükang jiyü jücho nengdang, Tsingrangba neng senung.

EFESIARÜ 3:17

ko yudsi khu nührü lasih la Khrista lichehnung Ihnü kihchijüre. Nührü amüila ara ra lichehnung nengdang Ihnü kihchire,

EFESIARÜ 5:30

tunüo Ihsa abi fü la khiyohti lile)

EFESIARÜ 5:32

Hiba arangyu dee asoh, hi Khrista ko lithro nengdang chorepü Ihnü yore.

KOLOSIRÜ 1:27

Tsingrangba lümchung tsü hiba bholo, ko thsidi arangyu khüi abi nyitsarü atümung nengdang liro, abi arangyu tsü apu nyitsarü te müdhesohnung Tsingrangba lümchung lile. Ko hiba arangyu tsü nührü chah Khrista lile, adüzü nührünü Tsingrangba ahechi la changtanung.

KOLOSIRÜ 2:10

ko nührü khyang abi te akang ajeng linung jüko. Yuzeng ko tase apüm michah abi Abüdongba.

KOLOSIRÜ 3:11

Hütsünü, adelü yangpirü ko Jihudarü, müjüp-pehrü ko mümüjüp-pehrü, ashüh nyitsarü, ko amümüdherü, ayurü ko nyüje nyitsarü kahla tu papa mühle, ta Khrista tsü atümung la atümung.

2 TESALONIKARÜ 2:16

Ihsa Abüdongba Jisu Khrista apunü ko Au Tsingrang sünü Ihsa müicho, ko abi achomang la Ihsa khyang müchangkaba re ko adrengdreng alongdi jücho,

IBRIRÜ 2:12

Abinü Tsingrangba te yorü: “Ihnü I jünirüti te nühnü tu nguchicho hütsü yonung; Ihnü arüh yola nü neng senung.”

1 JOHAN 3:24

Sünü Tsingrangba yuzeng bichiro abi Tsingrangba chah lire ko Tsingrangba abi chah lire. Tsingrangba-nü Ihsa khyang jüba Anbü khunü Ihsa chah Tsingrangba lirepü Ihsanü müdhere.