JOHAN 17:2 - AMÜSA BAIBEL (BSI)

² Nühnü abi khyang jübati khyang abinü müchangkaba akang jünungthsa, nühnü amüi tsurü atümung michah abi khyang zii jüko.

JOHAN 17:2 Iomraidhean Croise

NENGSEKHI 110:1

Abüdongba-nü I büdongba yangthsaba te yocho, “Ihnü nü jing pohki nü rorüh müyohpüde hila I tsalang püm.”

DANIEL 7:14

Ko limih yanglihti, ahungti ko yuchotinü abi dikehsohnung, abi khyang tase, adhichi ko yangthsathsaba tase jücho. Abi tase lede linung ko abi yanglih khodesü müchangkanung.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 25:46

Hütsütade hiri tsü müchangkaba akhingchi la züdusohnung, ta amüsarütilü müchangkaba akang langi wünung.”

MATHI 28:18

Jisu-nü arüh münyehthsa ronü arüh te yocho, “Ninglang ko limih la I khyang tase atümung jüko.

JOHAN 17:24

“Uwa! Nühnü arüh I khyang jücho, hütsünü Ih khüde linang arüh hütsüla lisohnyüre; ko nühnü I khyang jüba Ih ahechi tsü arühnü ngunung, tunüo limih müthridenü nühnü Ih müicho.

JOHAN 17:6

“Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 17:9

“Ihnü arüh nengdang kihchire. Ihnü limih nengdang mükihchire, ta nühnü jübati nengdang kihchire, tunüo arüh nüyo lile.

JOHAN 3:35

Aunü atsudhre müire ko lüpcho abi kheh la yohjüko.

JOHAN 4:14

ta sürünü Ihnü jüba kih yongro khodesü müxonung. Ihnü jünungba kih tsünü abi chah kihnatung kangnung, khüi khu abi khyang akangnung kih ko müchangkaba akang jünung.”

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

JOHAN 6:39

I khyang jücho süsü müchahsohnung, ta achangka nyümongla arüh atümung kanglisohnung tsü I riwüsohba lümcho lile.

ROMRÜ 6:23

Tunüo amünyi mii tsü asüba; ta Ihsa Abüdongba Khrista Jisu la Tsingrangba amükang jiyü tsü müchangkaba akang lile.

1 KORINTRÜ 15:25

Tunüo Tsingrangba-nü abi rorüti apüm kohpü abi jing pohki müyohpüde Khrista-nü yangthsanung.

EFESIARÜ 1:20

anyüh tsü Jisu Khrista asücho lanü kanglisohpü ninglanglih la Au tsalang pümsohba akohba zii khüdu du lile.

FILIPIRÜ 2:10

Hütsünü Jisu nengla, ninglang, limih chah ko alih yonglang lirüti atümungnü arüh mükhohnü mükhukehnung.

1 TIMOTI 1:16

Jisu Khrista-nü abi arangcho kükyo licho I chah ngunung, ko Tsingrangba-nü akhanglang abi chah yudsirü atümung müchangkaba akang ngusohnung adüzü kangnü, Ih amünyi-uba te yanglilüm ngucho.

IBRIRÜ 1:2

ta hiba achangka nyümongla abinü Ihsa te Atsudhre khu chotacho. Abi khu Tsingrangba-nü limih thricho ko Tsingrangba-nü thsiking khyürü thsanung abi throchehcho.

1 PETER 3:22

sü ninglang tuwü Tsingrangba tsalang liro, ko ninglang riwürüti ko ninglangrü taseti ko ziiti michah yangthsa thsaro, hütsü khu nührü khümchore.

1 JOHAN 1:2

Khode hiba akang tsü mishacho, ihrünü hütsü ngucho; hütsünü hütsü nengdang ihrünü sobhore ko nührü te müchangkaba khüiba Au te licho ko khüi ihrü te müdhesohcho hütsü nengdang yore.

1 JOHAN 2:25

Ko hiba müchangkaba akang tsü Khrista apunü Ihsa te nyengchoko.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

JUDA 1:21

ko Ihsa Abüdongba Jisu Khrista achomang la nü khyang müchangkaba akang jüsohnung ying lide, nührü jangjang Tsingrangba amüila lieng.