JOHAN 17:18 - AMÜSA BAIBEL (BSI)

¹⁸ Nühnü Ih khüta limih yang müthehcho, hütsü roh-i Ihnü arüh limih yang müthehko.

JOHAN 17:18 Iomraidhean Croise

MATHI 10:5

Hiri nyüh dhüreanyüh tsü Jisu-nü yu hiri thülapü müthehcho: “Yangpirü lih la khüdesü tüwü mahkhang Samariarü yangditi la khüdesü tüzüdu.

MATHI 23:34

Hütsüeko Ihnü nührü te yore, Ihnü nührü yanglang azikehrüti, müdhemüthehrü ko adorüti müthehnung; nührünü arüh khürü müpsehnung, aparü hamkehnung ko khürü Sinagog lanü xüpnah yangdi khüdu lanü khüdu chii tsehchinung.

JOHAN 17:21

Uwa! Nüh I chah ko Ih nü chah licho kyo, arüh Ihsa chah lisohng. Ih nühnü müthehchoepü limihnü müdhenungthsa, arüh khüdu kang lisohng.

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 17:8

Nühnü I khyang jüba yu tsü Ihnü arüh khyang jücho, ko arühnü hütsü khyüchocho; ko Ih nü chahnü roba tsü yuje Ih nühnü müthehchoepü arühnü yudsicho.”

JOHAN 20:21

Jisu-nü arüh te anyüpiusü yocho, “nührü te atbachi lieng. Aunü Ih müthehcho kyo, Ihnü nührü müthehre.”

JOHAN 3:17

Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.

JOHAN 4:38

Nührünü müyuthsahcho xanung Ihnü nührü müthehcho; aparünü nguchicho ko arüh nguchicho lanü nührü jingchocho.”

2 KORINTRÜ 5:20

Hütsünü, Tsingrangba-nü abi akihchiba ihrü khu müthehcho kyo, ihrü Khrista nengdang langbürü lile. Ihrünü Khrista nengla kihchire, Tsingrangba te kehta lieng.

EFESIARÜ 3:7

Tsingrangba pathsa jiyü khüi abi zii khu I khyang jücho, hütsünü Ih Yuse Atsa dikehrü kangsohcho.