JOHAN 17:11 - AMÜSA BAIBEL (BSI)

¹¹ Ko Ih ade nüh yang rore; Ih limih la mülinung, ta arühlü limih la lile. Amüsa Uwa! Ihjü tu khüta khüdu liro, hütsü roh-i arühsü khüdu kang linungthsa, nü neng zii khüiba nühnü I khyang jücho, hütsünü arüh khümcho yohpüjüng.

JOHAN 17:11 Iomraidhean Croise

NENGSEKHI 79:9

Ihrü troung, O Tsingrang, ko ihrü khümchoung; Nü neng khyanglangnü ihrü iichoung ko ihrü mülang pehjüng.

CHOYOH 18:10

Abüdongba sü roshengvi akhümkhüm, hütsüla Amüsarü wü tsikehre.

ISAYA 27:3

“Ihnü hütsü dhingyehre ko mütozah kih tihre. Hütsü sünüsü müthsangnyangsohnung Ihnü ama atsingse nyahre.

ISAYA 64:2

Michang adhsa chah kih mülucho kyo arüh dhridhrinung. Rung ko Nü rorüh te Nü zii mishaang, ko Nü jingte yanglihti dhridhrisohng!

JEREMIA 14:21

Nü anyengchochoti lümchehng ko ihrü tüpehjü; Jerusalem, nü ahechi yangthsaba pümji müdüm chah ashah tühirojü. Nühnü ihrü te külüpba azengtacho tüthsangnyang.

JEREMIA 14:7

I müyurünü hita züdere, ‘Ihrü münyinü ihrü mülangjünye, Abüdongba, Nühnü nyengchocho kyo ihrü troung. Adrongpi ihrünü Nüh pehtsiko; ihrünü Nüh nyüm amünyi shitpahko.

EZEKIEL 20:22

Ta Ijip lanü Ihnü Israelrü nüchehcho nguba yuchoti yola I neng amütsa thsakhang mütsapü Ihnü münguchicho.

EZEKIEL 20:44

Ihnü I jengreng tsungtinung müküpde, nührü Israelrünü Ih Abüdongba müdhenung, tunüo Ihnü nührü akhürah ko nguchi amütsa aleng mükhang.” Amichahba Abüdongba-nü choko.

EZEKIEL 20:9

Ta arüh sako lirü apüm bete Ihnü Ijip lanü Israel tsü nüchehnungepü yocho khu, I neng amütsa thsakhang mütsapü Ihnü hütsüta münguchicho.

MATHI 10:16

“Nyieng! Ihnü nührü rangfü yola San roh-i müthehre. Nührü mürü roh-i athsehdhsa ko mümüdhrü roh-i alonglüm thsaang.

MATHI 5:48

Nührü Au ninglang liba dekhingcho roh-i nührüsü dekhing lieng!

MATHI 6:9

Hütsüeko, nührünü hiroh-i dangkhidangnang. “‘Ninglang liba Uwa: Nü neng Amüsa hechisohng;

JOHAN 13:1

Hütsü Phungkhu Thsüti bekhu nyümong thsacho. Jisu-nü hiba limih pehjüpü Au yanglang wünung becho chihkopü müdhecho. Abinü limih la sürü apu yo licho arüh lede müicho, ko abinü arüh achangchi müicho.

JOHAN 13:3

Jisu-nü abi khyang Aunü zii apüm jükopü müdhecho; abi Tsingrangba chahnü rocho ko Tsingrangba yang würepü müdhecho.

JOHAN 14:20

Khode hütsüba nyümong tsü ronang, Ih I U chah, nührü I chah ko Ih nührü chah lirepü nührünü müdhenung.

JOHAN 16:28

Ih Au chahnü limih yang rocho; ko ade Ih limih pehjüpü Au yang würe.”

JOHAN 16:33

Nührü Ite li atbachi ngunung nengdang Ihnü hi nührü te yoko. Limih la nührü chongcha roto lile. Ta rezehng! Ihnü limih kohko!”

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

JOHAN 17:6

“Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 7:33

Hütsüde Jisu-nü yocho, “nührü te Ih adesü azachah linung, hütsüpü Ih müthehbong yang tsinung.

RIWÜRÜTI NGUCHI 3:21

Tsingrangba-nü abi amüsa azikehrü khu papadenü chocho kyo, lüpcho asi külüpchiba bekhyah mürode abi ninglanglih la linung.

ROMRÜ 12:5

Hütsü kyo, Ihsa adrong linye, Khrista la füpüm khüdu du lile, ko Ihsa füpüm khüdula lohla papanü khüdunü khüdu te chungkehta lile.

ROMRÜ 9:17

Tunüo amüsa yunü Ijiprü yangthsaba te yocho, “Nüh khu I zii ngusohnung ko limih apümlang I neng sobhonung shulüm Ihnü nüh yangthsaba kangsohcho.”

1 KORINTRÜ 1:10

Jünirüti, nührü yola achangnah mülipü nyichehta linung shulüm Ihnü nührü atümung te Khrista nengla thsüchire. Alümcho ko nahdhingkeh khüdula nührü kehtaang.

GALATIARÜ 3:28

Hütsünü, Jihudarü ko yangpirü, ayurü ko nyüje, khingkurü ko adhrerü tu papa mühle, nührü atümung Jisu Khrista la khüdu du.

EFESIARÜ 4:4

Alongdi khüdu yang Tsingrangba-nü nührü dsicho kyo, afü khüdu ko anbü khüdu du lile.

FILIPIRÜ 2:9

Hütsünü Tsingrangba-nü abi amungthriba la dhimüsucho ko abi khyang apa neng atümung tenü adiuba neng jücho.

IBRIRÜ 1:3

Tsingrangba ahechi tsü abinü tehmüla ngusohre; abi tsü Tsingrangba kyosangle, ko athrijungcho tsü abi yu zii khu lisohre. Amünyi tsurü münyi mülang pehba ngusohko khanglang, abi ninglang yanglih la amungthriba zii, Tsingrangba tsalangthring pümcho.

IBRIRÜ 9:24

Tunüo khehnü külüpcho Amüsa khüi adhingchocho liro, hütsüla Khrista-nü müzüdu. Ta Tsingrangba bete Ihsa nengdang ngunung ninglang yanglih tsatsa la züducho.

JAKOB 4:4

Yujemücho nyitsarüti! Limih te shangrüthsaba tsü Tsingrangba münyehrüepü mümüdherü do? Sünü limih te shangrüthsanyüro, abinü apu jangjang Tsingrangba münyehrü kangre.

1 PETER 1:5

Achangka nyümongla mishanung rungnüm liba akangcheh khüi Tsingrangba ziinü yudsi khu khümcho yohpüro, arüh tsü nührü yo.

1 JOHAN 3:12

Ihsa Kain mükyobae; abi motsing chahnü licho ko anikhung Abel müpsehcho. Tuepü Kain-nü abi müpsehcho? Tunüo abinü nguchiba tsü amüthsalang licho; ko aninü nguchiba tsü athsalang licho.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

JUDA 1:1

Jisu Khrista dikehrü ko Jakob ani Juda chahnü— Sürü Tsingrangba-nü dsicho, sürü Au Tsingrang amüila liro ko Jisu Khrista atsungtiba la liro arüh yang:

JUDA 1:24

Sünü nührü müngahsehsohnung kohro, ko nührü achomükehpü akünyangnü abi ahechi la yohpünung kohro,

MISHACHO 15:4

Sünü nüh müdrünung, Abüdongba? Nü dicho sünü müchechonung? Nüh du amüsa lile. Yanglih apümnü ro nüh mübünung, tunüo nü yuje nguchi tsü atümungnü nguko.”

MISHACHO 19:12

Abi nahtse mihmüle kyo licho, ko athahchah kuthri adrong thricho. Abi neng apu chah thrahkeh licho, ta hütsü apu chah khu sünüsü mütsüpcho.

MISHACHO 4:8

Kanglungrü müyüding tsü aqo dhürüroh kehcho, ko amilang ayonglang anahtsenü jeng licho. Ama atsingse arühnü mütozah khi thsacho: “Amüsa, amüsa, amüsa, Akohbong Abüdongba Tsingrang, Sü licho, sü liro ko sü aronung liro.”