JOHAN 17:1 - AMÜSA BAIBEL (BSI)

¹ Jisu-nü yu hiri chopü, ninglang dhingnü yocho, “Uwa, becho chihko. Atsurünü nüh hechinungthsa, nü Tsudhre hechisohng.

JOHAN 17:1 Iomraidhean Croise

NENGSEKHI 123:1

Abüdongba, Nü yangthsathsaba ninglang lih chii Ihnü Nü chah dhingkehchüre.

ISAYA 38:14

I yuva aikyah ko re müzeh, Ko Ihnü mümüdhrü kyo rühchicho. Ninglang dhingchonü I nah kyahcho. Abüdongba, hiri chongcha apüm lanü Ih khümchoung.

MARK 14:41

Khode abi asangpiu thali rocho, abinü arüh te yocho, “Nührü ade yingcheh kyahshangnü yüpjorü ang? Kükyüko! Bekhyah tsü chipehko: Dhing, Nyitsarü Tsurü münyirü kheh la khakhuchüjünung.

YUSE ATSA LUK 18:13

“Ta alihmüthsü dhribong tsü ashula yapü aromih mii ninglang mütsungmüsupü adrengla hamchi yocho, ‘Tsingrangba, Ih amünyiba nyitsarü te müing!’

YUSE ATSA LUK 22:53

Amübükuh la Ih nührü yola nyümong mükhu licho ko nührünü Ih mürang. Ta amanü yangthsade, hi nührünü nguchinung bekhyah-e.”

JOHAN 11:4

Khode Jisu-nü hütsü yuchicho, abinü yocho, “Hiba füdhsa hi asünungthsa mah; hi Tsingrangba hechinung nengdang, ko hi khunü Tsingrangba Tsurü hechisohnung.”

JOHAN 11:41

Hütsüde arühnü lung tsü dhipehcho. Jisu-nü ninglang dhingnü yocho, “Uwa, nühnü I yu yuchichonü Ihnü nü nengsere.

JOHAN 12:23

Jisu-nü arüh te lalingcho, “Nyitsarü Tsurü ahechi arangcheh khyüchonung becho chihko.

JOHAN 13:1

Hütsü Phungkhu Thsüti bekhu nyümong thsacho. Jisu-nü hiba limih pehjüpü Au yanglang wünung becho chihkopü müdhecho. Abinü limih la sürü apu yo licho arüh lede müicho, ko abinü arüh achangchi müicho.

JOHAN 16:32

Nührü palu kulang I müleng pehjüpü tsishonung shikhe tsehle, ko hütsü chipehko. Ta I müleng tsatsa mah, tunüo Au Ite lile.

JOHAN 7:30

Hütsüde arühnü abi rangnung müküpcho, ta sünüsü abi chah kheh müthahcho, tunüo abi becho müchiecho.

JOHAN 7:39

Sürünü abi chah yudsicho arühnü ngunung liba Anbü nengdang Jisu-nü chocho. Hütsütade Anbü tsü müjüecho, tunüo Jisu mühechiecho.

JOHAN 8:20

Jisu-nü hiri apüm amübükuh la dode amübü Singdi yohpüjila chocho. Ko sünüsü abi mürangcho, tunüo abi akyang müchiecho.

RIWÜRÜTI NGUCHI 3:13

Abraham, Isak ko Jakob Tsingrang, Ihsa ajü-amü Tsingrang-nü abi dikehrü Jisu khyang amüsa ahechi jüko. Ta nührünü abi yangbe khyang jücho, ko Pilat-nü müthehnung dhrongchehpü khanglang mii nührünü Pilat jingte abi mükhyüchocho.

1 PETER 1:21

Abi khu asücho lanü abi kanglisohba ko ahechi jüba Tsingrangba chah nührünü yudsire; hütsü nührü yudsi ko alongdi Tsingrangba chah lile.