JOHAN 16:7 - AMÜSA BAIBEL (BSI)

⁷ Ta Ihnü nührü te yutsatsa yore: Ih tsicho tsü nührü nengdang atsau, tunüo Ih mütsikhang, atrorü tsü nührü yang müronung. Ta Ih wükhang, Ihnü abi nührü yang müthehnung.

JOHAN 16:7 Iomraidhean Croise

NENGSEKHI 68:18

Abinü azonglang arangyohrü khütang nüpü tuwüre; Abinü anyümrü khehlanü jiyü khyüchore. Abüdongba Tsingrang hütsüla linung.

YUSE ATSA LUK 24:49

Ko I U-nü nyengchochoba, Ihnü nührü michah Anbü Amüsa müthehnung. Ta nührü michah amilangnü zii tsü mürode, yangdila du lieng.”

YUSE ATSA LUK 4:25

“Hi nyieng: Israel lih la Elija shikhe khode kang asang pü achangsho tsing mürocho ko yangkong apümlang tikehcho, hütsütade chomilarü khütango lichoeba tsü yuje.

YUSE ATSA LUK 9:27

Ihnü nührü te yutsatsa yore: hila nührü yola Tsingrangba Yanglih müngu delü müsünung khürü zehle.”

JOHAN 14:26

Atrorü, Anbü Amüsa, sü Aunü I nengla müthehnung, abinü nührü te lüpcho donung ko Ihnü nührü te yochoba atümung lümchehsohnung.

JOHAN 14:28

‘Ih tsire, ta nührü yang thali ronungepü nührü te yocho nührünü yuchiko.’ Nührünü Ih müire langlü, Ih Au yanglang wüba tsü nührünü künyangbae, tunüo abi I tenü adiuba.

JOHAN 14:3

Ko Ih wü nührü nengdang alichah rungnümko khanglang, Ih khüde linang hütsüla nührüsü linungthsa, Ih anyüpiu ro nührü nünung.

JOHAN 15:26

“Atrorü, Anbü sünü Tsingrangba yuje mishajüro abi Tsingrangba chahnü ronung. Ihnü abi Au chahnü nührü yang müthehnung, ko abinü I nengdang yuzi jünung.

JOHAN 16:8

Ko khode abi ronang, amünyi nengdang, amüsaba nengdang ko Tsingrangba yukhaba nengdang alimih la nyitsarü te amülanglang yuzi jünung.

JOHAN 7:39

Sürünü abi chah yudsicho arühnü ngunung liba Anbü nengdang Jisu-nü chocho. Hütsütade Anbü tsü müjüecho, tunüo Jisu mühechiecho.

RIWÜRÜTI NGUCHI 10:34

Peter-nü chonung dikehcho: “Tsingrangba-nü nyitsarü tsah müdhingrepü Ihnü ade müdhere.

RIWÜRÜTI NGUCHI 2:33

Abi Au Tsingrang tsalang thring kangli rosohko, ko abinü nyengchocho kyo abi chahnü Anbü Amüsa khyüchoko. Ade nührünü tu nguro ko yuchiro hütsü abinü ihrü chah mükhakehjüba abi jiyü tsü lile.

ROMRÜ 8:28

Tsingrangba-nü abi müirüti sürü abi lümcho la dsi liro, arüh te lüpchola atsa du nguchirepü Ihsanü müdhele.

2 KORINTRÜ 4:17

Ihrünü azikyah ko amüshu chongchacho hi tenü alaa müchangkaba ahechi hironung.