JOHAN 16:23 - AMÜSA BAIBEL (BSI)

²³ “Khode hütsüba nyümong ronang, nührünü tu nengdangsü Ite mütsingdhingnung. Ihnü nührü te yutsatsa yore: nührünü I nengla Au te tuturü chingnang, abinü nührü khyang jünung.

JOHAN 16:23 Iomraidhean Croise

ISAYA 65:24

Arüh müdangkhidangnangkae, Ihnü arüh te lalingnung.

MATHI 21:22

Nührünü yudsikhang, tuturü dangkhidangnang tsingdhingnang nührünü ngunung.”

MATHI 7:7

“Ching, ko hütsü nührü khyang jünung; yangching, ko nührünü ngunung; hamching, ko hütsü nührü khyang khangthrujünung.

JOHAN 14:20

Khode hütsüba nyümong tsü ronang, Ih I U chah, nührü I chah ko Ih nührü chah lirepü nührünü müdhenung.

JOHAN 14:22

Judas-nü (Judas Iskariot mah) yocho, “Abüdongba, khütapü nüpu jangjang limih te mümishapü ihrü te mishanung?”

JOHAN 14:5

Thomas-nü abi te yocho, “Abüdongba, nüh khüilang würo Ihrünü mümüdhe; hütsükhang Ihrünü lang tsü khüta müdhenung?”

JOHAN 15:7

Nührü I chah likhang ko I yu nührü chah likhang; nührü khyünyücho ching, ko hütsü nührünü ngunung.

JOHAN 16:19

Arühnü abi te tsingdhingririepü müdhe Jisu-nü arüh te yocho, “Akhikyahchah liko nührünü Ih müngunung, ko akhikyahchah liko nührünü Ih ngunungepü Ihnü nührü te yoko.” Hi nengdang nührü yola tsingdhingtarü mah-o?

JOHAN 16:26

Khode hütsüba nyümong ronang, nührünü abi te I nengla chingnung; ko nührü nengla Ihnü Au te kihchijünungpü nührü te müyore,

JOHAN 16:30

Nühnü lüpcho müdhelepü ade ihrünü müdhere; nüte sünüsü tu tsingdhingnung müdhsütah. Hinü nüh Tsingrangba chahnü rochoepü ihrü khyang yudsisohre.”

EFESIARÜ 2:18

Jihudarü ko Yangpirüti, Ihsa atümung Khrista khu Anbü khüdula Au yang ronung kohre.

1 JOHAN 2:1

I tsurüti, nührü amünyi müshitpahsohnung nengdang Ihnü nührü yang hi thrahre; ta khürünü amünyi shitpahkhang, Ihsa phikhüm Au te kihchijürü khürü lile, hütsü amüsaba Jisu Khrista.