JOHAN 16:22 - AMÜSA BAIBEL (BSI)

²² Nührü nengdangsü hütsü kyo lile: Ade nührü wahre, ta Ihnü thali nührü shirünung, ko akünyang khüi sünüsü nührü chahnü mühitsichehnung, hütsü akünyangnü nührü lasih jengnung.

JOHAN 16:22 Iomraidhean Croise

JOB 34:29

Tsingrangba-nü tusü münguchinye sünüsü Abi mümülangjücheh. Abinü aromih rangkhang, nyitsarü chongchanung.

NENGSEKHI 146:2

I akangli ayung Abi senung; akangli ayung Ihnü I Tsingrang te khi thsanung.

NENGSEKHI 33:21

Abi nengla Ihsa künyangre, Abi Amüsa nengla Ihsanü longlangre.

ISAYA 25:9

Hi tikehde, atümungnü yonung, “Abi Ihsa Tsingrang! Ihrünü Abi chah ihrü alongdi yohpücho, ko Abinü Ihsa khümchoko. Abi tsü Abüdongba! Ihrünü Abi chah ihrü alongdi yohpücho, ko ade Abinü Ihsa khümchocho ngang ihrü künyangsehre.”

JEREMIA 31:12

Arühnü ronung ko Zion zong chah akünyang khi thsanung, ko I jiyü te künyangtanung— tsang, yongkha ko tuji jiyü san ko misü jiyü. Arüh kih tsa xahcho latbü kyonung; arüh dhsütah lüpcho linung.

MATHI 28:8

Achotsü arühnü zah kong tsü pehjücho, ko drünye ta akünyangnü jeng amonoti te yonung shang wücho.

YUSE ATSA LUK 10:42

ta nüh lango dhsütahle. Mary-nü atsauba tsü throchehko, ko hütsü abükyü chahnü mühitsijünung.”

YUSE ATSA LUK 16:25

“Ta Abraham-nü yocho, ‘Itso, nüh akang lide nühnü atsauba apüm nguko, ta Lazarus-lü amütsa apüm ngucho. Ade hila abi tbachi lire ko nüh akhingchila lire.

YUSE ATSA LUK 19:26

Abinü lalingcho, ‘Ihnü nührü te yore, sü lango liro abi khyang alaa mii jünung; ta sü müliro, abi azikyah liba tsü mii hitsinung.

YUSE ATSA LUK 24:41

Arühnü hütsüpü mii müyudsicho, arüh akünyangnü jeng nyemüyang lide, abinü arüh te yocho, “Nührü hila lango atsunung mülio?”

JOHAN 14:1

Jisu-nü arüh te yocho, “Nührü tülongri; nührünü Tsingrangba chah yudsing ko I chahsü yudsing.

JOHAN 14:19

Akhikyah chah lipü limihnü Ih müngupehnung, ta nührünü Ih ngunung; ko Ih akang lichonü, nührüsü akang linung.

JOHAN 14:27

“Ihnü nührü te atbachi yohpüjüre; Ihnü Ipu atbachi nührü khyang jüre. Ihnü hütsü limihnü jücho kyo müjüre. Nührü tülongri ko tüwah; ko tüdrü.

JOHAN 16:16

“Akhikyahchah liko nührünü Ih müngupehnung, ko adesü akhikyah chah liko nührünü Ih ngunung.”

JOHAN 16:20

Ihnü nührü te yutsatsa yore: Nührünü tranung, wahnü me tranung, ta limihlü künyangnung; nührü wahnung, ta nührü awah tsü akünyang kangnung.

JOHAN 16:6

Ko ade Ihnü nührü te yochonü, nührü lasih awahnü jeng lile.

JOHAN 21:7

Jisu-nü müiba mono tsünü Peter te yocho, “Hütsü Abüdongbae!” Khode Peter-nü hütsü Abüdongba epü yuchicho, abinü pümkhüm khümcho (tunüo abi jengki khohpehpü licho) ko kih la tsohyoh züducho.

JOHAN 4:14

ta sürünü Ihnü jüba kih yongro khodesü müxonung. Ihnü jünungba kih tsünü abi chah kihnatung kangnung, khüi khu abi khyang akangnung kih ko müchangkaba akang jünung.”

RIWÜRÜTI NGUCHI 13:52

Antiok la yudsirüti tsü akünyang ko Anbü Amüsanü jeng licho.

RIWÜRÜTI NGUCHI 16:25

Yürüptülungla Paul e Silas nyühnü Tsingrangba te dangkhidangnang ko khi thsa pümcho, ko aparü arangyohrütinü hütsü nyi pümcho.

RIWÜRÜTI NGUCHI 2:46

Nyümong mükhu amübükuh la arühnü amülungthsa shibülungcho, ko lasih alonglümnü künyangtacho.

RIWÜRÜTI NGUCHI 5:41

Riwürüti Ashimükhong lanü künyangseh tsicho, tunüo Jisu khyanglangnü chongchanung tsü Tsingrangba-nü arüh dekhing khichicho.

2 KORINTRÜ 6:10

wahrü roh-i, ta ihrü lede künyang lile; iilümrü roh-i, ta ihrünü adrong alirü kangsohre; tu mülirü roh-i, ta ihrü lüpcho lile.

2 TESALONIKARÜ 2:16

Ihsa Abüdongba Jisu Khrista apunü ko Au Tsingrang sünü Ihsa müicho, ko abi achomang la Ihsa khyang müchangkaba re ko adrengdreng alongdi jücho,

IBRIRÜ 10:34

Nührünü arangyoh la lirü chongcha changtacho, ko khode nührü licho apüm khyüjücho nührünü akohsha künyangseh rangchocho, tunüo lede müthsangnyangba lango atsauba khüdu nührü nengdang lilepü müdhecho.

IBRIRÜ 6:18

Hinyi la Tsingrangba-nü mümülichichehnung, ko mürakhehchehnung. Hütsünü Ihsa abi te khümcho lirütinü Ihsa bete alongdi khyangpüjüba nengdang drengdreng romehnung thsüchire.

1 PETER 1:8

Nührünü abi müngu, ta abi müire, nührünü abi müngu, ta abi chah yudsire. Hütsü benü müyochehba akünyang arangcheh la künyangtare,