JOHAN 16:19 - AMÜSA BAIBEL (BSI)

¹⁹ Arühnü abi te tsingdhingririepü müdhe Jisu-nü arüh te yocho, “Akhikyahchah liko nührünü Ih müngunung, ko akhikyahchah liko nührünü Ih ngunungepü Ihnü nührü te yoko.” Hi nengdang nührü yola tsingdhingtarü mah-o?

JOHAN 16:19 Iomraidhean Croise

MATHI 6:8

Arüh tüithsa. Nührü Aunü abi te müchingenü nührü dhsütah müdhele.

MATHI 9:4

Jisu-nü arüh lümba tsü müdhenü yocho, “Tuepü nührü lasih la amünyi lümro?

MARK 9:32

Ta arühnü abinü thsingyuba tsü tu adüzünang münyichehcho, ko arühnü abi te tsingdhingnungsü drücho.

JOHAN 13:33

I tsurüti, Ih nührü te anyahli mülinung. Nührünü Ih yangchinung, ta Ihnü Jihudarü langnürüte yocho roh-i, ade Ihnü nührü te yore, ‘Ih khüilang würo hütsülang nührünü mürochehnung.’

JOHAN 14:19

Akhikyah chah lipü limihnü Ih müngupehnung, ta nührünü Ih ngunung; ko Ih akang lichonü, nührüsü akang linung.

JOHAN 16:16

“Akhikyahchah liko nührünü Ih müngupehnung, ko adesü akhikyah chah liko nührünü Ih ngunung.”

JOHAN 16:18

‘Akhikyahchah’ hi tu khuo? Abinü tu khu chorünang Ihsanü mümüdhe!”

JOHAN 16:23

“Khode hütsüba nyümong ronang, nührünü tu nengdangsü Ite mütsingdhingnung. Ihnü nührü te yutsatsa yore: nührünü I nengla Au te tuturü chingnang, abinü nührü khyang jünung.

JOHAN 16:26

Khode hütsüba nyümong ronang, nührünü abi te I nengla chingnung; ko nührü nengla Ihnü Au te kihchijünungpü nührü te müyore,

JOHAN 16:30

Nühnü lüpcho müdhelepü ade ihrünü müdhere; nüte sünüsü tu tsingdhingnung müdhsütah. Hinü nüh Tsingrangba chahnü rochoepü ihrü khyang yudsisohre.”

JOHAN 21:17

Asangpiusü Jisu-nü yocho, “Johan tsurü Simon, nühnü Ih müirü mah-o?” Ko Jisu-nü asangpili, “Nühnü Ih müirü mah-o” pü yochonü Peter longyücho. Hütsünü abinü abi te yocho, “Abüdongba, nühnü lüpcho müdhele; Ihnü nüh müirepü nühnü müdhele!” Jisu-nü abi te yocho, “I Santi xüküm.

JOHAN 6:61

Müyoe, hütsü nengdang jümjümrepü Jisu-nü richeh ngu arüh te yocho, “Hirinü nührü müthikehsohrü mah-o?

JOHAN 7:33

Hütsüde Jisu-nü yocho, “nührü te Ih adesü azachah linung, hütsüpü Ih müthehbong yang tsinung.

IBRIRÜ 4:13

Tsingrangba tenü rangnung tusü mühle; athricho lüpcho abi nah te misha lile. Ko abi te Ihsa atümung palu nguchi hüm nguchisohnung lile.

MISHACHO 2:23

Abükyü khanglang iiwürüsü atümung Ihnü kyüsehnung, hütsüpü du lithroti apümnü nyitsarü müipi lümcho müdhebong tsü Ih-epü müdhenung. Ihnü nührü nyitsarü müipi khyang palu nguchi aleng jünung.