JOHAN 16:14 - AMÜSA BAIBEL (BSI)

¹⁴ Abinü Ih hechinung, tunüo Ihnü tu yonang abinü hütsü du nührü te müdhesohnung.

JOHAN 16:14 Iomraidhean Croise

ZEKARIA 12:10

“David tsutpu ko Jerusalem la aparüti Ihnü achomang anbü ko dangkhidangnang anbünü jengjünung. Arühnü thraseh süsohba chah arühnü dhingnung, ko müthsümseh liba tsuzarü khüdu nengdang tracho roh-i arühnü abi metranung. Aukhuba sücho roh-i arühnü süto metranung.

JOHAN 14:21

“Sünü I yuzeng khyüchoro ko hütsüri bichiro abinü Ih müire. Sünü Ih müiro; I U-nü abi müinung ko Ihnüsü abi müinung ko abi te Ipu mishanung.”

JOHAN 15:26

“Atrorü, Anbü sünü Tsingrangba yuje mishajüro abi Tsingrangba chahnü ronung. Ihnü abi Au chahnü nührü yang müthehnung, ko abinü I nengdang yuzi jünung.

JOHAN 7:39

Sürünü abi chah yudsicho arühnü ngunung liba Anbü nengdang Jisu-nü chocho. Hütsütade Anbü tsü müjüecho, tunüo Jisu mühechiecho.

1 KORINTRÜ 12:3

Tsingrangba Nbünü nüchirü sünüsü, “Jisu chokehcholaang” pü müyonung ko Anbü Amüsanü münüchikhang sünüsü, “Jisu tsü Abüdongbaepü” müyonungepü Ihnü nührü khyang müdhesohnyüre.

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

GALATIARÜ 5:5

Tunüo yudsinü Anbü khu Ihsanü amüsaba alongdi nengdang yingre.

1 PETER 2:7

Sürünü yudsiro arüh nengdang hiba thsidilung hi dee amii lile; ta müyudsirü nengdang: “Lung khüi kuthsarünü amii mühli pehcho apüm tenü ayingba kangcho.”

1 JOHAN 3:23

Abinü Ihsa khyang yuzeng jüba tsü Khrista-nü Ihsa khyang yuzengjücho roh-i, Atsurü Jisu Khrista chah yudsinung ko khüdunü khüdu te müitanung nengdang jücho.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

1 JOHAN 5:6

Jisu Khrista tsü kih ko ashüh la rocho; abi kih la du mah, ta kih ko ashüh la rocho. Ko anbü apu tsü yuzi, tunüo anbü tsü yuje.

MISHACHO 19:10

Ihnü abi mübünung ajingte mükhukehcho, ta abinü Ite yocho, “Hütsüta tüthsa! Ihsü nüh ko nü jünirüti ko Jisu yuzi bichirü, atümung te müjang dikehrü khüdu lile. Tsingrangba du mübüng!” Tunüo Jisu-nü mishaba yuje tsünü azikehrüti thsümüsure.